ނިޔުކްލިއާ ޕްލާންޓުން ރޭޑިއޯއެކްޓިވް ލީކެއް ހިނގުމުގެ ބިރު ބޮޑުވެއްޖެ

ޔޫކްރެއިންގެ ޒަޕޮރިއްޒިޒިއާ ނިޔުކްލިއާ ޕްލާންޓުން ރޭޑިއޯއެކްޓިވް ލީކެއް ހިނގުމުގެ ބިރު ބޮޑު ކަމަށް އެ ޕްލާންޓް އޮޕަރޭޓް ކުރާ ފަރާތުން ބުނެފި އެވެ.

ޒަޕޮރިއްޒިޒިއާ ޕްލާންޓަކީ ޔޫރަޕްގެ އެންމެ ބޮޑު ނިޔުކްލިއާ ޕްލާންޓެވެ. މިދިޔަ މާޗް މަހުން ފެށިގެން އެ ތަން ކޮންޓްރޯލް ކުރަނީ ރަޝިއާއިންނެވެ.

ޔޫކްރެއިންގެ އެނާޖޯއެޓޮމް ކުންފުނިން ބުނީ ރަޝިއާއިން ހުކުރު ދުވަހު ތަކުރާރުކޮށް ޕްލާންޓަށް ހަމަލާދިން ކަމަށެވެ. އެކަމަކު ރަޝިއާ ޑިފެންސް މިނިސްޓްރީން ބުނީ ހަމަލާ ދިނީ ޔޫކްރެއިން ސިފަައިން ކަމަށެވެ.

ހުއްޓުމެއް ނެތި ހަމަލާދެމުން ދާތީ ޕްލާންޓުގެ އިންފްރާސްޓްރަކްޗާއަށް ވަނީ ގެއްލުން ލިބިފައި. ހައިޑްރޮޖަން ލީކުވެ، ރޭޑިއޯއެކްޓިވް މާއްދާތައް ބޭރުވުމުގެ ބިރު ބޮޑު އަދި އަލިފާން ރޯވުމުގެ ނުރައްކާ ވެސް އެބަ އޮތް،" އެ ކުންފުނިން ބުންޏެވެ.

އެ ޕްލާންޓަށް އަމާޒުކޮށް ހަމަލާދޭ މައްސަލައިގައި ކަންބޮޑުވުން އިތުރުވެފައިވާ އިރު، އެކަމުގެ ޒިންމާ ރަަޝިއާ އަދި ޔޫކްރެއިނުން ވެސް ނުއުފުލަ އެވެ.