މަގުމަތިން ދިޔަ މީހެއްގެ އަތުން ފޯނެއް ފޭރިގަތް ކަމުގެ ތުހުމަތުގައި ހައްޔަރުކޮށް ދެ މީހަކު 30 ދުވަހުގެ މުއްދަތަކަށް ބަންދުގައި ބަހައްޓަން ކްރިމިނަލް ކޯޓުން އަމުރުކޮށްފި އެވެ.
މި މައްސަލާގައި މިދިޔަ ބުރާސްފަތި ދުވަހު ހައްޔަރުކުރީ 32 އަހަރުގެ ދިވެހި ފިރިހެނަކާއި 33 އަހަރުގެ ދިވެހި ފިރިހެނެކެވެ.
ކްރިމިނަލް ކޯޓުން އިއްޔެ ނެރެދިން ބަންދު ކުރުމުގެ އަމުރުގައިވާ ގޮތުން، ފޯނުގެ ވެރިފަރާތުގެ ބަޔާނާއި ސީސީޓީވީ ފުޓޭޖްއާއި މައްސަލަ ތަހުގީގުކޮށް ތައްޔާރުކޮށްފައިވާ ހާދިސާ ރިޕޯޓު ކޯޓަށް ހުށަަހަޅާފައިވެ އެވެ.
Advertisement
ގާޒީ އަލީ ނަދީމް ނެރެއްވި އަމުރުގައި ވަނީ ތުހުމަތު ކުރެވޭ ވަރަށް ހެކި ހުރުމުން, މުޖުތަމައުގެ ސަލާމަތާއި ރައްކާތެރިކަމަށް ޓަކައި 30 ދުވަހުގެ މުއްދަތަށް ކަސްޓޯޑިއަލެއްގައި ބަންދު ކުރުމަށެވެ.
