ކެރަލާއިން ފެނުނު ޓޮމާޓޯ ފްލޫ އިންޑިއާގެ އިތުރު ދެ ސްޓޭޓަށް ފެތުރިއްޖެ

އެ ބަލި ޖެހޭ ކުދިންގެ ހަށިގަނޑުގައި ކުދި ފޮޅުތަކެއް ނަގާ. -- ފޮޓޯ: އައުޓްލުކް އިންޑިއާ

އެ ބަލި ޖެހޭ ކުދިންގެ ހަށިގަނޑުގައި ކުދި ފޮޅުތަކެއް ނަގާ. -- ފޮޓޯ: އައުޓްލުކް އިންޑިއާ

އިންޑިއާގެ ދެކުނު ކެރަލާ ސްޓޭޓުން މިދިޔަ މޭ މަހު ފެނުނު ޓޮމާޓޯ ފްލޫ ވައިރަސް އެ ގައުމުގެ އިތުރު ދެ ސްޓޭޓަކަށް ފެތުރިއްޖެ އެވެ.

ލޭންސެޓް ރެސްޕިރޭޓަރީ މެޑިސިންގައިވާ ލިޔުމެއްގައި ބުނީ ޖުލައި 26 އާ ހަމަައަށް ކެރަލާއިން އުމުރުން ފަސް އަހަރުން ދަށުގެ 82 ކުދިން އެ ބައްޔަށް ޑައިގްނޯޒްކޮށްފައިވާ ކަމަށެވެ.

އަވަަށްޓެރި ޓަމިލް ނާޑޫ އަދި އިރުމަތީގައި އޮންނަ އޮޑިއްޝާ ސްޓޭޓުން ވެސް މިހާރު ވަނީ ކޭސްތަކެއް ރިޕޯޓުކޮށްފަ އެވެ. އެ ބަލި އާއްމުކޮށް ޖެހެނީ ފަސް އަހަރުން ދަށުގެ ކުދިންނަށް ނަމަަވެސް، ނުވަ އަހަރުގެ ކުދިންނަށް ވެސް ޖެހިފައިވެ އެވެ.

އެ ވައިރަހާ ބެހޭ މައުލޫމާތު ހޯދުމުގެ މަސައްކަތް ސައިންސްވެރިން ކުރަމުން އަންނަ އިރު، ޓޮމާޓޯ ފްލޫގެ ގޮތުގައި އެޔަށް ނިސްބަތް ކުރަނީ ހަށިގަނޑުގައި ނަގާ ވޭން ހުރި ފޮޅުތަކާ ގުޅިގެންނެވެ. އެ ފޮޅުތަކުގެ ޒަރިއްޔާއިން ފަސޭހަކަމާ އެކު ގައިން ގަޔަށް ބަލި ފެތުރޭ ކަމަށް ބެލެވެ އެވެ.

މި ބައްޔަކީ ގައިގޯޅިވެ އުޅުމުން ފަސޭހަކަމާ އެކު ފެތުރޭ ބައްޔަކަށް ވާތީ ކުޑަކުދިންނަށް ބަލި ޖެހުމުގެ ފުރުސަތު ބޮޑެވެ.

މި ވައިރަލް އިންފެކްޝަން ބަލިމަޑުކަމެއް ގޮތަށް އަދި ނުފެތުރޭ. މިއީ ފުރާނައަށް ނުރައްކާ ހުރި ބައްޔެއް ކަމަށް އަދި ނުބެލެވޭ. އެހެން ނަމަވެސް ކޮވިޑް ބަލިމަޑުކަމުގައި ކުރަން ޖެހުނު ހިތި ތަޖުރިބާއަށް ބަލާ އިރު، އިތުރު ބަލިމަޑުކަމަކަށް ފުރުސަތު ނުދިނުމަށް މިކަން ފުރިހަމައަށް މެނޭޖް ކުރުން މުހިއްމު،" ލޭންސެޓްގައިވާ ލިޔުމުގައިވެ އެވެ.

ޑޮކްޓަރުން ބުނީ ޓޮމާޓޯ ފްލޫއަށް ޑައިގްނޯޒް ކުރުމަކީ އުނދަގޫ ކަމެއް ކަމަށެވެ. އެއީ ބަލީގެ އަލާމާތްތައް ކޮވިޑް، ޗިކުންގުންޔާ އަދި ޑެންގޫ ހުމާ އެއްގޮތް ކަމުންނެވެ.

ލޭންސެޓްގައިވާ ލިޔުމުގައި ބުނީ ޓޮމާޓޯ ފްލޫއަކީ ވައިރަލް އިންފެކްޝަނެއްގެ ބަދަލުގައި ޗިކުންގުންޔާ ނުވަތަ ޑެންގޫ ހުން ޖެހުމަށް ފަަހު ކުދިންނަށް ދިމާވާ "އާފްޓާ އިފެކްޓަކަށްވުން އެކަށީގެންވެ އެވެ."

"މިއީ ވައިރަލް ހުމެއް ކަމުގައިވާ ހޭންޑް، ފުޓް އެންޑް މައުތު ޑިޒީޒްގެ އާ ވޭރިއެންޓަކަށް ވެސް ވެދާނެ. ހޭންޑް، ފުޓް އެންޑް މައުތު ޑިޒީޒްއަކީ އުމުރުން އެއް އަހަރާއި ފަސް އަހަަރުގެ ކުދިންގެ މެދުގައި ވަރަަށް އާއްމު އިންފެކްޝަަނެއް."

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox