ހުޅުމާލޭ ހުޅަނގު ފަރާތުން ފަޅުތެރެ އާއި އިރުއޮއްސޭތަން ފެންނަ ފިތުރޯނު މަގުގައި ތަރައްގީ ކުރާ ސޮލިޓެއާ އަކީ މިހާރު މާލޭ ސަރަހައްދުގައި ހުރި އެންމެ ފެންވަރު ރަނގަޅު އަދި މަގުބޫލު އެޕާޓްމެންޓް ކޮމްޕްލެކެސްއެވެ. ސޮލިޓެއާ އަކީ އެންމެ ޒަމާނީ ލަގްޒަރީ ދިރިއުޅުމާއި ހިތްގައިމުކަން އަދި ފަސޭހަކަން ހޯއްދަވާ ބޭފުޅުންނަށް އެކަށޭނެ ތަނެކެވެ. ސޮލިޓެއާ އަކީ ހުޅުމާލޭގެ އެންމެ ހިތްގައިމު ފިތުރޯނުމަގުގައި، ގިނަ ހިދުމަތްތައް ކައިރިން ލިބެންހުރި ތަނެކެވެ.
ވެހިކަލް އަދި ފައި މަގުގައި މައި މަގުން މި ތަނަށް ވެދެވޭނެ އެވެ. ލޮބީގައި ފެންވަރު ރަނގަޅު ތަފާތު ބްރޭންޑްތަކުގެ ފިހާރަތައް ހުންނާނެ އެވެ. އަދި އިމާރާތުގައި ދިރިއުޅޭ ފަރާތްތަކަށް ހާއްސަކޮށް ދެ ޕާކިން ފެސިލިޓީ ހުންނާނެއެވެ. މީގެ އިތުރުން އިންފިނިޓީ ޕޫލާއި، ކުޑަކުދިންގެ ޕޫލާއި، ހުރިހާ ސާމާނެއް އެކުލެވޭ ޖިމަކާއި ކުޑަކުދިންގެ ޕާކެއް ޓެރަސް ފްލޯގައި ހުންނާ އެވެ. ސޮލިޓެއާގައި މުނިފޫހި ފިލުވުމާއި ހާއްސަ ހަފްލާތައް ބޭއްވުމަށް ކްލަބު ހައުސް އެއްވެސް ހިމެނެ އެވެ. މިތަން ފަރުމާ ކޮށްފައި ވަނީ ދިރިއުޅޭ ފަރާތްތަކަށް ހާސް ކަމެއް ނެތި ދިރިއުޅެވި، ފަސޭހަކަން އަދި ލަގްޒަރީ ލައިފް ސްޓައިލްގެ ހުވަފެން ހަގީގަތަކަށް ހެދުމުގެ ގަސްތުގައެވެ.
ސޮލިޓެއާގެ ހުރިހާ އެޕާޓްމެންޓެއްގައި 1+3 ކޮޓަރި ހުންނާނެ އެވެ. އެންމެ މަތީ ފްލޯގައި ޓެރަހާއެކު ޕެންޓްހައުސް އެވެ. ހުރިހާ އެފާޓްމެންޓެއް ހުންނާނީ އެންމެ ޒަމާނީ ފެންވަރަށް ސެމީ ފާނިޝްކޮށް ނިންމާފަ އެވެ. ވަޔާއި ވިއްސާރައިން ރައްކާތެރި ކުރުމަށް ހާއްސަ ސަމާލުކަމެއް ދީ ކުނޑަ ދޮރުތަކުގައި ޝޭޑް ހަރުކުރެ އެވެ. އިމާރާތުގެ ބޭރުން ބޮޑުބައި ފެނިގެން ދާނީ ބިއްލޫރި އާއި ލޫއްވައިންނެވެ. ފިތުރޯނުމަގުގެ ރީތިކަމަށް މި އިމާރާތުން އިތުރު ފުރިހަމަ ކަމެއް ގެނެސްދޭނެ އެވެ.
ސޮލިޓެއާ ފަރުމާކޮށް ތަރައްގީ ކުރަނީ އެސޯޓެކް ރިއަލްޓީގެ އެފިލިއޭޓް ކުންފުންޏެއް ކަމައްވާ ސެންޑަލް މޮރިޝިސްއިންނެވެ. އެސޯޓެކް ރިއަލްޓީއަކީ ރެސިޑެންޝަލް ރީޓެއިލް އަދި ހޮސްޕިޓަލިޓީ ދާއިރާގައި މަޝްރޫއުތައް ތަރައްގީ ކުރުމުގައި ކާމިޔާބު ތަޖުރިބާތަކެއް ލިބިފައިވާ ކުންފުންޏެކެވެ. ސޮލިޓެއާ އަކީ މި ކުންފުނިން ހުޅުމާލޭގައި ތަރައްގީ ކުރާ ދެ ވަނަ ރެސިޑެންޝަލް ޕްރޮޖެކްޓެވެ.
