ޒަޕޮރިއްޒިޒިއާ ނިޔުކްލިއާ ޕްލާންޓަށް ހަމަލާދޭ ރަޝިއާގެ ސިފައިންނަށް ވަކިން ޓާގެޓް ކުރާނެ ކަމަށް ޔޫކްރެއިންގެ ރައީސް ވޮލޮޑިމިރް ޒެލެންސްކީ އިންޒާރު ދެއްވައިފި އެވެ.
ޒެލެންސްކީ ވިދާޅުވީ ނިޔުކްލިއާ ޕްލާންޓުން ވެސް ހަމަލާއެއް ދީފި ނަމަ، އެ ހަމަލާއެއް ދިން ސިފަައިންގެ މީހަަކު "ހާއްސަ ޓާގެޓަކަށް" ހަދާނެ ކަމަށެވެ.
ރަޝިއާއިން އުޅެނީ އެ ޕްލާންޓް އަސްކަރީ މަރުކަޒަކަަށް ބަދަލުކޮށް ނިޔުކްލިއާ ބްލެކްމެއިލް ކުރުމުގެ ބޭނުމުގައި ކަމަށް ޒެލެންސްކީ ތުހުމަތު ކުރެއްވި އެވެ.
ރަޝިއާއިން އެ ޕްލާންޓް ހިފީ މިދިޔަ މާޗް މަހުގަަ އެވެ. އެ ތަނުގެ ސެކިއުރިޓީ ރަޝިއާއިން ބަލަހައްޓާ އިރު، މުވައްޒަފުންނަކީ ޔޫކްރެއިން ރައްޔިތުންނެވެ.
އެ ޕްލާންޓަށް އަމާޒުކޮށް ހަމަލާދޭ މައްސަލައިގައި ކަންބޮޑުވުން އިތުރުވެފައިވާ އިރު، އެކަމުގެ ޒިންމާ ރަަޝިއާ އަދި ޔޫކްރެއިނުން ވެސް ނުއުފުލަ އެވެ.
