މޯލްޑިވްސް މެރިން ސައިންސް ސިމްޕޯސިއަމް މިއަދު އެމްއެންޔޫގެ އޮޑިޓޯރިއަމުގައި ފަށައިފި އެވެ.
މެރިން ސައިންސް ސިމްޕޯސިއަމަކީ ތިމާވެއްޓާ ބެހޭ ގޮތުން ކޮށްފައިވާ ތަފާތު ދިރާސާތަކާމެދު ވާހަކަ ދެއްކުމަށް އަދި ތިމާވެއްޓާ ގުޅޭ ގޮތުން އިލްމީ ނަޒަރަކުން މަޝްވަރާ ކުރުމަށް ބާއްވާ ސިމްޕޯސިއަމެކެވެ.
މިއަހަރުގެ ސިމްޕޯސިއަމްގައި ފަސް ތީމެއް އެ ހަރަކާތް އިންތިޒާމް ކުރާ މޯލްޑިވްސް މެރިން ރިސާޗް އިންސްޓިޓިއުޓުން ވަނީ ކަނޑައަޅައިފަ އެވެ. އެއީ މުރަކަ އާލާ ކުރުމާއި ރީފް އެކޮލޮޖީ އާއި މެރިން މެގަފައުނާ އާއި ސީ ގްރާސް އެންޑް މެންގްރޯވްސް އާއި ފިޝެރީޒް އެންޑް މެނޭޖްމަންޓާއި ޕްލާސްޓިކް ޕޮލިއުޝަނެވެ.
މިއަހަރުގެ ސިމްޕޯސިއަމްގައި ގިނަ ފަރާތްތަކުން އިލްމީ ކަރުދާސް ހުށަހެޅުމަށް ހަމަޖެހިފައިވާއިރު ތިމާވެށި ރައްކާތެރި ކުރުމަށް މަސައްކަތް ކުރާ ރެޒިލިއެންޓް ރީފްސްގެ ފަރާތުން ނުވަ ކަރުދާހެއް ހުށަހެޅުމަށް ވަނީ ހަމަޖެހިފަ އެވެ.
އޭގެ ތެރޭގައި، މޫދު ވިނަ އާއި ކުޅި އާއި ފަރުމަސްވެރިކަމާ ގުޅޭ ގޮތުން ލ. އަތޮޅުގައި ހަދާފައި ހުރި ދިރާސާ ކަރުދާސް ހިމެނޭ ކަމަށް ރެޒިލިއެންޓް ރީފްސް އިން ބުނެފައިވެ އެވެ.
ރެޒިލިއެންޓް ރީފްސްގެ އިތުރުން ބްލޫ މެރިން ފައުންޑޭޝަނުން ވެސް އެ ސިމްޕޯސިއަމްގައި ކަރުދާސް ހުށަހަޅާނެ އެވެ.
