ޔޫކްރެއިންގެ ޒަޕޮރިއްޒިޒިއާ ނިޔުކްލިއާ ޕްލާންޓަށް ތަކުރާރުކޮށް ހަމަލާދޭތީ އދ. އިން ކަންބޮޑުވުން ފާޅުކޮށްފި އެވެ.
ރަޝިއާ އާއި ޔޫކްރެއިނުން ވެސް ހަމަލާތަކަށް ޒިންމާއެއް ނުވެ އެވެ. އޭގެ ބަދަލުގައި އެއް ގައުމު އަނެއް ގައުމަށް ތުހުމަތު ކުރެ އެވެ.
ދެ ގައުމުން ވެސް ބުނީ ބުރާސްފަތި ދުވަހު ޕްލާންޓްގެ އިދާާރީ އޮފީހާއި އަލިފާން ނިއްވާ މަރުކަޒަށް 10 ހަމަލާ ދިން ކަމަށެވެ.
އދ. ގެ ސެކެޓްރީ ޖެނެރަލް އެންޓޯނިއޯ ގުޓެރޭޒް ވިދާޅުވީ އެ ޕްލާންޓަށް ހަމަލާދޭ ނަމަ ބޮޑު ކާރިސާއެއް މެދުވެރިވެދާނެ ކަމަށެވެ.
ރަަޝިއާއިން އެ ޕްލާންޓް ހިފީ މިދިޔަ މާޗް މަހުގަ އެވެ. ނަމަވެސް އެ ތަނުގެ މުވައްޒަފުންގެ ގޮތުގަައި އަދިވެސް މަސައްކަަތް ކުރަނީ ޔޫކްރެއިން މީހުންނެވެ.
ބުދަަ ދުވަހު ޖީ7 ގައުމުތަކުން ރަޝިއާއަށް ގޮވާލީ އެ ޕްލާންޓްގެ ކޮންޓްރޯލް ވަގުތުން ޔޫކްރެއިނާ ހަވާލު ކުރުމަށެވެ.
އެމެރިކާއިން ގޮވާލީ ނިޔުކްލިއާ ޕްލާންޓް ވަށައި ހަމަލާދިނުން މަނާ ޒޯނެއް ކަނޑައެޅުމަށެވެ. ނިޔުކްލިއާ ޕްލާންޓެއް ކައިރީ ހަނގުރާމަ ކުރުމަކީ ނުރައްކާތެރި އަދި ޒިންމާދާރުކަން ކުޑަ ކަމެއްގެ ގޮތުގައި އެމެރިކާއިން ސިފަކުރި އެވެ.
ޔޫކްރެއިނުން ބުނީ އެ ޕްލާންޓް އަސްކަރީ މަރުކަޒަކަށް ބަދަލުކޮށް، ރަޝިއާއިން އެ ތަނުން ހަމަލާތަައް ލޯންޗު ކުރާ ކަމަށެވެ. އަދި ރައްދުގައި ޔޫކްރެއިނުން ހަމަލާދިނުން ގާތްކަން ރަޝިއާއަށް އެނގޭ ކަމަށެވެ. އެކަމަކު ރަޝިއާއިން އެކަން ދޮގުކުރެ އެވެ.
