ޔޫކްރެއިންގައި ކުރާ ހަނގުރާމަ ފެށުނީ ކްރައިމިއާއިން ކަމަށާއި ހަނގުރާމަ ނިމޭނީ އެތަން މިނިވަންވުމުން ކަމަށް ޔޫކްރެއިންގެ ރައީސް ވޮލޮޑިމިރް ޒެލެންސްކީ ވިދާޅުވެއްޖެ އެވެ.
ޒެލެންސްކީ އެގޮތަށް ވިދާޅުވީ ކްރައިމިއާގައި ހިންގާ ރަޝިއާގެ އަސްކަރީ މަރުކަޒެއްގައި ގޮވުންތަކެއް ގޮވައި، އެކަކު މަރުވެފައި ވަނިކޮށެވެ.
"ކްރައިމިއާއަކީ ޔޫކްރެއިންގެ ތަނެއް. އަޅުގަނޑުމެން ދުވަހަކު ވެސް އެތަން ދޫކޮށް ނުލާނަން،" ޒެލެންސްކީ ވިދާޅުވި އެވެ.
ރަޝިއާގެ ޑިފެންސް މިނިސްޓްރީން ބުނީ އެ ތަނުގައި ގޮވީ ރައްކާކޮށްފައި ހުރި ބޮން ފަދަ ތަކެތި ކަމަށެވެ. އެކަމުގައި ޔޫކްރެއިންގެ ބައިވެރިވުމެއް ނުވާނެ ކަމަށް ޔޫކްރެއިނުން ބުނެ އެވެ.
ކްރައިމިއާއަކީ ރަޝިއާއިން 2014 ވަނަ އަހަރު ހިފި ޔޫކްރެއިންގެ ސަރަހައްދެކެވެ. އެއީ ރަޝިއާގެ ފަތުރުވެރިންގެ މެދުގައި މަގްބޫލް މަންޒިލެކެވެ.
ހަނގުރާމައިގައި ޔޫކްރެއިންގެ އެހެން ހިސާބުތަކަށް ބޮޑެތި ގެއްލުންތައް ލިބެމުން ދިޔަ ނަމަވެސް، މިހާތަނަށް ކްރައިމިއާގައި އެއްވެސް ހަމަލާއެއް ނުދެ އެވެ.
