ރަޝިއާގެ އެކުވެރި ސީރިއާއިން ޔޫކްރެއިންއާ ގުޅުން ކަނޑާލަން ނިންމިކަން ބުދަ ދުވަހު އިއުލާންކޮށްފި އެވެ.
"ޔޫކްރެއިން ސަރުކާރުގެ ނިންމުމަށް ރައްދު ދިނުމުގެ ގޮތުން، ސީރިއަން އަރަބް ރިޕަބްލިކުން ޔޫކްރެއިންއާ އެކު އޮތް ޑިޕްލޮމެޓިކް ގުޅުން ކަނޑާލަން ނިންމައިފިން،" ފޮރިން މިނިސްޓްރީގެ އޮފިޝަލަކު ސަނާ ނިއުސް އެޖެންސީއަށް ވިދާޅުވި އެވެ.
ސީރިއާއިން ބުނި ގޮތުގައި ގުޅުން ކަނޑާލަން އެންމެ ފުރަތަމަ ނިންމީ ޔޫކްރެއިން ސަރުކާރުންނެވެ. އެހެންކަމުން ސީރިއާއިން ވެސް ރައްދުގައި އެގޮތަށް ނިންމީ އެވެ.
ޔޫކްރެއިނުން ސީރިއާއާ ގުޅުން ކަނޑާލާނެ ކަމަށް އެ ގައުމުގެ ރައީސް ވޮލޮޑިމިރް ޒެލެންސްކީ އިއުލާނު ކުރެއްވީ މިދިޔަ ޖޫން މަހު އެވެ. އެއީ ރަޝިއާގެ ތާއީދު އޮތް ފަަރާތްތަކުން ވެރިކަން ކުރާ ޔޫކްރެއިންގެ އިރުމަތީގައި އޮންނަ ޑޮނެސްކް އަދި ލުހާންސްކް ވަަކި ދައުލަަތްތަކެއްގެ ގޮތުގައި ބަލައިގަންނަން ސީރިއާާއިން ނިންމުމުންނެވެ.
"މީގެ ފަހުން ޔޫކްރެއިން އާއި ސީރިއާއާާ ދެމެދު އެއްވެސް ގުޅުމެއް ނޯންނާނެ،" އޭރު ޒެލެންސްކީ ވިދާޅުވި އެވެ.
ޑޮނެސްކް އާއި ލުހާންސްކްއަަކީ ވަކި ދައުލަަތްތަަކެއްގެ ގޮތުގައި ބަލައިގަންނަ ކަމަށް އެންމެ ފުރަތަމަަ އިއުލާނު ކުރީ ރަޝިއާއިން މިދިޔަ ފެބްރުއަަރީ މަހު އެވެ. ރަަޝިއާ ސިފައިން ޔޫކްރެއިންގައި ހަނގުރާމަ ފެށީ އޭގެ ފަހުންނެވެ.
ރަަޝިއާގެ އިތުރުން އެ ދެ ސަރަހައްދުގެ މިނިވަަންކަން ބަލައިގަންނަ ކަމަށް ބުނި ފުރަތަމަ ގައުމަކީ ސީރިއާ އެވެ.
ސީރިއާގެ ދިގު ދާހިލީ ހަނގުރާާމައިގަައި ކުރި ހޯދަން ރައީސް ބައްޝާރުލް އަސަދް އެންމެ ބޮޑަށް ބަރޯސާވެވަޑަައިގެންނެވީ ރަޝިއާ އަށެވެ. މީގެ ކުރިން ވެސް ސީރިއާާއިން ވަނީ ރަޝިއާގެ ނިންމުމާާ އެއް ގޮތަށް ދެ ސަރަހައްދެއްގެ މިނިވަންކަން ބަލައިގެންފަ އެވެ.
އެއީ 2018 ވަނަ އަހަަރު އަބްހަޒިއާ އާއި ދެކުނު އޮސެޓިއާ އެވެ. ބަައިނަލްއަގްވާާމީ ގޮތުން އެއީ 1991 ވަނަ އަހަރު ސޯވިއެޓް ޔޫނިއަންއިން މިނިވަންކަން ލިބުނު ޖޯޖިއާގެ ސަރަަހައްދެކެވެ. ނަމަަވެސް ރަޝިއާ، ސީރިއާ އަދި ބައެއް އެހެން ގައުމުތަކުން ދެކެނީ އެއީ ވަކި މިނިވަން ދެ ސަރަހަައްދުގެ ގޮތުގަ އެވެ.
