ވީޑިއޯ ސްޓްރީމިން ޕްލެޓްފޯމްތަކުގެ ރަސްގެފާނުގެ ގޮތުގައި އަހަރުތަކެއް ވަންދެން ދެމި އޮތް ނެޓްފްލިކްސްގެ މިލިއަނެއްހާ ސަބްސްކްރައިބަރުން އެ ހިދުމަތް ބޭނުން ކުރުން ހުއްޓާލައިފި އެވެ.
އެޕްރީލް މަހުން ޖުލައި މަހާ ހަމައަށް މިލިއަނެއްހާ މީހުން ނެޓްފްލިކްސް ބޭނުން ކުރުން ހުއްޓާލި ނަމަވެސް، އެއީ އެ ކުންފުނިން ކުރިން ލަފާކުރި ވަރަށް މަދު އަދަދެކެވެ.
ހީކުރި ވަރަށް ވުރެ މަަދު ކަސްޓަމަރުން ނެޓްފްލްކިސްއާ ވަކިވީ "ސްޓްރޭންޖާ ތިންގްސް" ސީރީޒްގެ ކާމިޔާބާ ހެދި ކަމަށް އެ ކުންފުނިން ގަބޫލުކުރެ އެވެ.
ދެހާސް އެގާރަ ވަނަ އަހަރަށް ފަހު ފުރަތަމަ ފަހަރަށް ނެޓްފްލިކްސްގެ ސަބްސްކްރަައިބަރުން ހިދުމަަތާ ވަަކިވީ މިދިޔަ އެޕްރީލް މަހު އެވެ. އޭގެ ފަހުން ކުންފުނިން ގިނަ މުވައްޒަފުން ވަކިކޮށް، ހިއްސާާގެ އަގު ވެއްޓުނެވެ.
ވާދަވެރި ޕްލެޓްފޯމްތަކުން ނެޓްފްލިކްސްގެ މައްޗަށް ކުރި ހޯދަަމުންދާ އިރު، އަގުތައް މަތިވުމަކީ ވެސް ސަބްސްކްރައިބަަރުން ވަކިވަމުންދާ ސަބަބެކެވެ.
