ލަންޑަން، އިނގިރޭސިވިލާތް (ޖުލައި 19) - އިނގިރޭސިވިލާތަށް އާދަަޔާ ހިލާފަށް ހޫނުވަމުން ދަނިކޮށް، ވެރިރަށް ލަންޑަންގެ އެކި ހިސާބުތަކުގައި އަލިފާން ރޯވެ، ފަޔާާ ބްރިގޭޑުން ހަރަކާތްތެރި ވާން ފަށައިފި އެވެ.
ލަންޑަންގެ މޭޔަރު ސާދިގް ހާން ވިދާޅުވީ އެކި ތަންތަނުގައި އަލިފާން ރޯވުން ވަރަށް ބޮޑަށް އިތުރުވެފައިވާ ކަމަށާއި ފަޔާ ބްރިގޭޑް ހިދުމަތަށް ބާރު ބޮޑުވެފައިވާ ކަމަށެވެ.
އިރުމަތީ ލަންޑަންގެ ވެނިންގްޓަން ހިސާބުގައި ރޯވެފައިވާ ބޮޑު އަލިފާންގަނޑެއް ނިއްވަން 15 ފަޔާ ލޮރީ އާާއި 100 އަށް ވުރެ ގިނަ ފަޔާ ފައިޓަރުން ހަރަކާތްތެރި ވާން ޖެހުނެވެ.
ޔޫރަޕްގެ ބޮޑު ބަޔަކަށް މި އަހަރުގެ ހޫނު މޫސުމުގައި އާދަޔާ ހިލާފަަށް ހޫނުގަދަވެ ޖަންގަލިތަކުގައި ރޯވުމުގެ މައްސަލަ ވަނީ ދިމާވެފަ އެވެ. އިނގިރޭސިވިލާތަށް 40 ޑިގްރީ ސެލްސިއަސްއަށް ދަަނީ ހޫނުވަަމުންނެވެ.
ލަަންޑަން ފަޔާ ބްރިގޭޑުން އެދިފައި ވަނީ އެމެޖެންސީއެއް ދިމާ ނުވާާ ނަމަ އެ ހިދުމަތަށް ނުގުޅުމަށާއި މި ދަނޑިވަޅުގައި ބާބެކިއު ނުހެދުމަށާއި އަލިފާން ރޯނުކުރުމަށާއި ސިނގިރޭޓް ނިވާލުމުގައި ސަމާލުވެ، ބިއްލޫރި ފުޅި އާއި ތަޅައިގެން ގޮސްފައިވާ ބިއްލޫރި ބިންމަަތީގައި ނުބެހެއްޓުމަށެވެ.
"ކުޑަ ކުޑަ އަލިފާން ކަންޏަކުން ވެސް ބޮޑު ހުޅެއް ރޯވެދާނެ،" އެ ހިދުމަތުން ބުންޏެވެ.
