އިނގިރޭސި ބޮޑު ވަޒީރު ބޮރިސް ޖޯންސަންއާ މެދު ހިތްހަމަނުޖެހި ފިނޭންސް މިނިސްޓަރާއި ހެލްތު މިނިސްޓަރު އިސްތިއުފާ ދެއްވައިފި އެވެ.
ހެލްތު ސެކެޓްރީ ސާޖިދް ޖާވިދް އިސްތިއުފާ ދެއްވިކަން އިއުލާން ކުރައްވާ ނެރުނު ބަޔާނުގައި ވިދާޅުވީ "އިތުރަށް ކުރިއަށް ދެވެން ނެތް" ކަމަށެވެ.
އޭގެ ކުޑައިރުކޮޅެއް ފަހުން ފިނޭންސް މިނިސްޓަރު ރިޝީ ސުނަކް ވެސް އިސްތިއުފާ ދޭން ނިންމެވިކަން އިއުލާން ކުރެއްވި އެވެ.
ދެ މިނިސްޓަރުން އިސްތިއުފާ ދެއްވި އިރު، ޖިންސީ ފުރައްސާރައިގެ ތުހުމަތު ކުރެވޭ ކްރިސް ޕިންޗާއަށް ސަރުކާރުގެ ވަޒީފާއެއް ދިން މައްސަލަަ ވަނީ ހޫނުވެފަ އެވެ.
އެ ވަޒީފާ ދިނީ އޭނާއަކީ "އެކަމަށް އެކަށީގެންވާ މީހެއް ނޫންކަަން ނޭނގޭތީ" ކަމަށް ވިދާޅުވެ، ބޮޑު ވޒީރު ބޮރިސް އަންގާރަ ދުވަހުގެ ރޭ މައާފަށް އެދިވަޑައިގެންނެވި އެވެ.
"މިހާރު ވިސްނާލުމުން، އެއީ ގޯސް ނިންމުމެއްކަން އަޅުގަނޑަށް އެނގޭ. އެ ނިންމުމުގެ ސަބަބުން އަސަރު ކުރި އެންމެންގެ ކިބައިން އަޅުގަނޑު މައާފަށް އެދެން،" ބޮރިސް ވިދާޅުވި އެވެ.
ޕިންޗާއާ ދެކޮޅަށް ޖިންސީ ފުރަައްސާރައިގެ ތުހުމަތު ކުރީ 2019 ވަނަ އަހަރު އެވެ. އޭނާާއަށް ސަރުކާރުގެ މަގާމެއް ދިން އިރު، ބޮރިސްއަށް އެކަން އެނގިވަޑައިގަންނަވަ އެވެ.
މިދިޔަ ހަފްތާގައި ކޮންޒަވޭޓިވް ޕާޓީއިން ވަނީ ޕާލިމެންޓް މެމްބަރު ކަމުން ޕިންޗާ ސަސްޕެންޑްކޮށްފަ އެވެ. ޕިންޗާއަށް ކުރާ ތުހުމަތު އޭނާ ދޮގުކުރެ އެވެ.
