ޔޫކްރެއިން ބޯޑަރު ކައިރީގައި އޮންނަ ރަޝިއާގެ ބެލްގޮރޯޑް ސިޓީއަށް ދިން ހަމަލާއެއްގައި ތިން މީހުން މަރުވެފައިވާ ކަމަށް ސަރަހައްދީ ގަވަރުނަރު ވިޔަޗެސްލާވް ގްލަޑްކޯވް ވިދާޅުވެއްޖެ އެވެ.
ހަމަލާގައި މީހުން ދިރިއުޅޭ އެޕާޓްމަންޓް ހުންނަ 11 އިމާރާތާއި 39 ގެއަށް ގެއްލުން ލިބުނެވެ. ހަމަލާ އަމާޒުވުމާ އެކު އެއާ ޑިފެންސް ސިސްޓަމް އެކްޓިވޭޓްވި ކަމަށް ގްލަޑްކޯވް ވިދާޅުވި އެވެ.
ބެލްގޮރޯޑް ސިޓީއަށް ދިން ހަމަލާއާ ގުޅޭ ގޮތުން ޔޫކްރެއިނުން ވަކި އެއްޗެއް ނުބުނެ އެވެ.
މިދިޔަ ފެބްރުއަރީ މަހު ރަޝިއާގެ ސިފައިން ޔޫކްރެއިނަށް އަރައި ފެށި ހަނގުރާމައިގައި މި ވަގުތު އެންމެ ބޮޑަށް ހަމަލާ ބަދަަަލު ކުރަނީ ލިސިޗާންސްކް ސިޓީގަ އެވެ.
އިރުމަތީ ޔޫކްރެއިންގެ ޑޮންބާސް ސަރަހައްދުން މިހާރު ރަޝިއާއަށް ނުހިފި އޮތީ ހަމައެކަނި އެ ސިޓީ އެވެ. އޭގެ އިތުރުން ބައެއް އެހެން ސިޓީތަކަަށް ވެސް ރަޝިއާާއިން ދަނީ ވައިގެ ހަމަލާތައް ދެމުންނެވެ.
