ރަޝިއާގެ ރައީސް ލެޑިމިއަަ ޕުޓިންއަކީ އަންހެނަކަށް ވި ނަމަ ޔޫކްރެއިންގެ ހަނގުރާމަ ނުފެށީސް ކަމަށް އިނގިރޭސި ބޮޑު ވަޒީރު ބޮރިސް ޖޯންސަން ވިދާޅުވެއްޖެ އެވެ.
ބޮރިސް ވިދާޅުވީ ރަޝިއާގެ ސިފައިން ޔޫކްރެއިނަށް ފޮނުވައި ކުރަމުންދާ ހަނގުރާމައަކީ "ޓޮކްސިކް މަސްކިޔުލިނިޓީ"ގެ ފުރިހަމަ މިސާލެއް ކަމަށެވެ.
އޭނާ ވިދާޅުވީ ފިރިހެނުންގެ މެދުގައިވާ ގަދަބާރުން ކަންކަމުން ކުރި ހޯދުމުގެ ވިސްނުން ގޯސް ކަމަށާއި، ވެރިކަމާއި ނުފޫޒު ގަދަ މަގާމުތަކުގައި ގިނަ އަންހެނުން ތިބުން މުހިއްމު ކަމަށެވެ.
ޖީ7 ސަމިޓަށް ފަހު ޖަރުމަނުގެ ޓީވީއަކަށް ދެއްވި އިންޓަަވިއުގައި ބޮރިސް ވިދާޅުވީ ޔޫކްރެއިން ހަނގުރާމަ ނިންމަން ކިތައްމެ ބޭނުންވި ނަމަވެސް މި ވަގުތު އެކަން ކުރެވޭނެ ގޮތެއް ނެތް ކަމަށެވެ.
ބޮރިސް ވިދާޅުވީ ހުޅަނގުގެ ގައުމުތަކުން ޔޫކްރެއިންގެ އަސްކަރީ ސްޓްރެޓެޖީއަށް އެއްބާރުލުން ދޭން ޖެހޭނެ ކަމަށާއި މަޝްވަރާއާ މެދު ރަޝިއާއިން ސީރިއަސްވާ އިރު ޔޫކްރެއިން އޮންނަން ވާނީ ރަނގަޅު ހިސާބެއްގައި ކަމަށެވެ.
ރަޝިއާ އއި ޔޫކްރެއިން ހަނގުރާމައަށް ހަތަރު މަަސް ވެފައިވާ އިރު، މިހާތަނަށް ބޭއްވު މަޝްވަރާ ބަައްދަލުވުންތަކުން އެއްވެސް ކުރިއެރުމެއް ނުލިބެ އެވެ.
