ވިހި ތިރީސް ވަނަ އަހަރު ދެ ފަހަރަށް ރޯދަ މަސް އަންނާނެ ކަމަށް ސައުދީ އަރަބިއްޔާގެ އެސްޓްރޮނޮމާ ހާލިދް އަލް ޒަގާގް ވިދާޅުވެއްޖެ އެވެ.
އެސްޓްރޮނޮމަރުންނަކީ ތަރިތަކާއި، ޕްލެނެޓްތަކާއި، ޖައްވުގައި ހިނގާ އެހެނިހެން ކަންކަން ދިރާސާކޮށް ދެނެގަންނަ ސައިންސްވެރިންނެވެ.
ހިޖުރީ ކަލަންޑަރު ބިނާ ވަނީ ހަނދަށް އަންނަ ބަދަލުތަކެވެ. އެއާ ހިލާފަށް މީލާދީ ކަލަންޑަރު ބިނާ ވަނީ ދުނިޔެއިން އިރު ވަށާ ދައުރުވާ ގޮތަށެވެ.
އެހެންކަމުން ގާތްގަނޑަކަށް ކޮންމެ 30 އަހަރަކަށް ފަހު މީލާދީ އަހަރެއްގައި ދެ ފަހަރަށް ރޯދަ މަސް އަންނަން މެދުވެރިވާ ކަމަށް އަލް ޒަގާގް ކުރި ޓްވީޓެއްގައި ބުންޏެވެ.
އެންމެ ފަހުން އެގޮތަށް މެދުވެރިވި 1997 އަދި 1965 ވަނަ އަހަރު އެވެ. ވިހި ތިރީސް ވަނަ އަހަރަށް ފަހު ދެން އެގޮތަށް މެދުވެރިވާނީ 2063 ވަނަ އަހަރު އެވެ.
ހިޖްރީ ގޮތުން 1451 ވަނަ އަހަރުގެ ރޯދަ މަސް ފަށާނީ މީލާދީ ގޮތުން 2030 ވަނަ އަހަރުގެ ޖެނުއަރީ ފަސް ވަނަ ދުވަހު އެވެ. އަދި ހިޖުރީ ގޮތުން 1452 ވަނަ އަހަރުގެ ރޯދަ މަސް ފަށާނީ 2030 ވަނަ އަހަރުގެ ޑިސެމްބަރު 26 ވަނަ ދުވަހު އެވެ.
