ޔޫރަޕްގެ ތިން ގައުމެއްގެ ވެރިން ހަނގުރާމައަށް ބެލުމެއް ނެތި ޔޫކްރެއިންގެ ވެރިރަށް ކިޔެވްއަށް ވަޑައިގެންފި އެވެ.
އަންގާރަ ދުވަހުގެ ރޭ ޔޫކްރެއިންގެ ރައީސް ވޮލޮޑިމިރް ޒެލެންސްކީއާ ބައްދަލުކުރެއްވީ ޕޮލޭންޑް، ސްލޮވީނިއާ އަޗި ޗެކް ރިޕަބްލިކްގެ ބޮޑު ވަޒީރުންނެވެ.
ބައްދަލުވުމަށް ފަހު ޗެކް ރިޕަބްލިކްގެ ބޮޑު ވަޒީރު ޕެޓްރް ފިޔަލަ ވިދާޅުވީ ޔޫކްރެއިންގެ ރައްޔިތުން ތިބީ އެކަނި ނޫން ކަމަށެވެ.
ޕޮލޭންޑްގެ ބޮޑު ވަޒީރު މަޓެޔުސްޒް މޮރަވިއެކީ ވިދާޅުވީ ޔޫކްރެއިން ގެއްލިއްޖެ ނަމަ ޔޫރަޕް މުޅިން ބަދަލުވާނެ ކަމަށެވެ.
ޔޫކްރެއިންގެ ބޮޑު ވަޒީރު ޑެނީސް ޝްމީހާލް ވިދާޅުވީ ރަޝިއާއާ ދެކޮޅަށް އަޅާފައިވާ ފިޔަވަޅުތަކުގެ އިތުރުން "ޓެރަރިޒަމް ސްޕޮންސާ ކުރާ ގައުމެއްގެ ގޮތުގައި ރަޝިއާ ލޭބަލް ކުރުމަށް" މަޝްވަރާ ކުރި ކަމަށެވެ.
ބައްދަލުވުން ކުރިއަށް ދިޔަ ވަގުތު ވެސް ކިޔެވްގެ ހުޅަނގު ސަރަހައްދުން ބާރުގަދަ ގޮވުންތަކުގެ އަޑު އިވެމުން ދިޔަ އެވެ.
ޕޮލޭންޑުން ކިޔެވްއަށް ރޭލެއްގައި ނުރައްކާތެރި ދަތުރެއް ބޮޑު ވަޒީރުން ކުރެއްވި އިރު، ދަތުރު ފެށުމުގެ ކުރިން ރަޝިއާއަށް އެންގި އެވެ.
އަސްކަރީ ޖެޓެއްގައި ދަތުރު ނުކޮށް ރޭލުގައި ދަތުރު ކުރަން ނިންމީ ރަޝިއާގެ ނުރުހުން އަމާޒުވެދާނެތީ ކަމަށް އެނެލިސްޓުން ބުނެ އެވެ.
