މޮސްކޯ، ރަޝިއާ (މާޗް 10) - ޔޫކްރެއިންގެ މަރިޔުޕޯލް ސިޓީގައި ކުޑަކުދިންގެ ހޮސްޕިޓަލަކަށް ދިން ހަމަލާ ވަނީ ޔޫކްރެއިނުން "ސްޓޭޖުކޮށްފައި" ކަމަށް ރަޝިއާއިން ތުހުމަތުކޮށްފި އެވެ.
"މަރިޔުޕޯލް ސަރަހައްދުގެ ބިމުގައި އެއްވެސް ޓާގެޓަކަށް އަމާޒުކޮށް ރަޝިއާގެ ވައިގެ ސިފައިން އެއްވެސް މިޝަނެއް ނުހިންގާ،" ރަޝިއާ ޑިފެންސް މިނިސްޓްރީގެ ތަރުޖަމާނު އައިގޯ ކޮނަޝެންކޯވް ވިދާޅުވި އެވެ.
"ހިނގި ކަމަށް ބުނާ ވައިގެ ހަމަލާއަކީ މުޅިން ސްޓޭޖުކޮށް، ކުރީ ބައިގައި ރާވައިގެން ހިންގި ކަމެއް. ބޭނުމަކީ ހުޅަނގުގެ މީހުންގެ މެދުގައި ރަޝިއާއާ ދެކޮޅު ފިކުރު ފެތުރު."
Advertisement
މަރިޔުޕޯލް ސިޓީގެ މޭޔަރު ބުރާސްފަތި ދުވަހު ވިދާޅުވޯ ހޮސްޕިޓަލަށް ދިން ހަމަލާގައި ތިން މީހުން މަރުވި ކަމަށެވެ. އޭގެ ތެރޭގައި ކުޑަ ކުއްޖަކު ހިމެނެ އެވެ. އޭގެ އިތުރުން 17 މީހުންނަށް އަނިޔާވި އެވެ.
