މާލެ ސަރަހައްދުގައި އަމިއްލަ ވެހިކަލް ގެންގުޅުމަކީ ވަރަށް އުނދަގޫ ކަމަކަށް މިހާރު ވަނީ ވެފަ އެވެ. މަގުތަކުގެ ދަތިކަމުގެ އިތުރުން ޕާކުކުރާނެ ޖާގައެއް ނޯވެ އެވެ. ދާންވާ ތަނަށް ދެވުމުން ނިމުނީއެއް ނޫނެވެ، ބްލޮކް ވަށާ ދުއްވާ ޕާކު ކުރާނެ ތަންކޮޅެއް ހޯދުމުގެ މަސައްކަތް ކުރަންވެސް އިރުތަކެއް ނަގަ އެވެ. ޕާކްކޮށްފައިވާ ސައިކަލް ނެރުމަކީވެސް ހަމައެހާ ދަތި ކަމެކެވެ.
ހުޅުމާލެގެ ފިތުރޯނު މަގުގައި ތަރައްގީ ކުރަމުން އަންނަ ސެންޑަލް މޮރިޝަސްގެ ސޮލިޓެއާ އަކީ މި ހުރިހާ ކަމަކުން ދުރުގައި ސިޓީއަކުން ލިބޭ ހުރިހާ ހިދުމަތާއި ފައިދާއާއި އެކު ޖާގައާއި ހިތްފަސޭހަކަންވެސް ތިޔާގި ތަނެކެވެ. ސެންޑަލް މޮރިޝަސް ތަރައްގީކުރަނީ ލޮވަ އަދި އަޕަ ގްރައުންޑް ފްލޯގައި ކާރާއި ސައިކަލް ޕާކުކުރާނެ ޖާގަތަށް ހިމަނައިގެންނެވެ.
އާއިލާއާއިކު ދިރިއުޅުން ބިނާކޮށް އުފަލާއި އަރާމުގައި ދުވަސްތައް ހޭދަކުރާނެ އަމިއްލަ ތަނެއް ލިބުމަކީ ކޮންމެ މީހަކުވެސް ދެކޭ ހުވަފެނެކެވެ. ކޮންމެ ގޮތަކުން ވިސްނިޔަސް ސޮލިޓެއާ އަކީ އެފަދަ ޑްރީމް ހޯމްއަކަށް ފުދޭ ތަނެކެވެ. ސޮލިޓެއާ ފަރުމާކޮށް ތަރައްގީކުރަމުން އަންނަނީ ދުޅަހެޔޮ އުފާވެރި ދިރިއުޅުމަކަށް ބޭނުންވާ ހުރިހާ ކަމަކަށް ބަލައިގެންނެވެ. ނިއު ދިއްލީގެ އެސޮޓެކް ރިއަލްޓީގެ ސަބްސިޑިއަރީ ކުންފުންޏެއް ކަމަށްވާ ސެންޑަލް މޮރިޝަސްއަކީ އޮފީސް ކޮމްޕްލެކްސް، ޝޮޕިން މޯލް އަދި ލަގްޝަރީ އެޕާޓްމަންޓްފަދަ ޕްރޮޕަޓީތައް ތަރައްގީ ކުރުމުގައި ކާމިޔާބު ދިގު މާޒީއެއް އޮތް އިތުބާރުހުރި ކުންފުންޏެކެވެ. މިތަޖުރިބާގެ އަލީގައި ތަރައްގީކުރާ އެޕާޓްމަންޓް ކޮމްޕްލެކްސްތަކަކީ ދިރިއުޅުމުގެ ފެންވަރާއި ފަރުމާ ފުރިހަމަ ތަންތަނެވެ.
ސޮލިޓެއާގައި އިމާރާތުގެ އެތެރޭގައި ކަސްރަތުކުރާ ޖިމެއް ހުރެ އެވެ. އެންމެ ފަހުގެ ކަސްރަތު އިކުއިޕްމަންޓާއި އެކު ހަދާ މި ޖިމަކީ ޓެރަސް ފްލޯގައި ހުންނަ، ސޮލިޓެއާގައި ދިރިއުޅޭ މީހުންނަށް ކޮންމެ ވަގުތެއްގައި ވެސް ބޭނުންކުރެވޭނެ ތަނެކެވެ. ޖިމްގެ އިތުރުން ޓެރަސް ފްލޯގައި އިންފިނިޓީ ޕޫލެއްވެސް ހުންނާނެއެވެ. ޓެރަސްގެ މިހިތްގައިމު މަންޒަރާއެކު ކަސްރަތު ކުރުމަކީ އިތުރު ހިތްހަމަޖެހުމެއް ލިބިދޭނެ ކަމެކެވެ.
ސޮލަޓެއާގެ ފުރިހަމަ ފާހާނާ
ކަސްރަތު ނިންމާލުމަށް ފަހު ސޮލިޓެއާގެ ޑިލަކްސް އެޕާޓްމަންޓައް އެނބުރި ގޮސް ފުރަތަމަ ވެސް ބޭނުން ވާނީ ފެންވަރާލާ އަރާމުކޮށްލާށެވެ. ސޮލިޓެއާ އެޕާޓްމަންޓްތަކުގެ ފާހަނާއަކީ ވެސް އެންމެ ޒަމާނީ ފެންވަރަށް ހަދާފައިވާ ތަންތަނެވެ. ރީތި ލަގްޝަރީ ތަނެއްގައި، ފެންވަރާލުން ފަދަ އާދައިގެ ކަމެއް ކޮށްލުމަކީވެސް ހާއްސަކަމާއި ހިތްގައިމުކަން އިހުސާސުކުރެވޭ ކަމެކެވެ.
ފެންވަރާލައިގެން އަރާމު ކޮށްލުމަށް ދެން ބޭނުންވަނީ ކަސްރަތަށްފަހު ކާލާނެ ދުޅަހެޔޮ ކެއުމެކެވެ. ސޮލިޓެއާގައި ބަދިގެއަކީ ކެއްކުމަށާއި ވަގުތު ހޭދަކޮށްލުމަށްވެސް އެހާމެ އެކަށޭނަ ތަނެކެވެ. ޖާގަ ތަނަވަސްވެފައި ފަސޭހަ ވުމުގެ އިތުރުން އެހާމެ ރީއްޗެވެ. ބަދިގޭގައި އެންމެ ފަހުގެ އާލާތްތައް ހުންނާނެއެވެ. ކައްކާ އިރު ގޭތެރޭގައި ވަސް ނުހިފާނެހެން އެކްސްޓްރެކްޓަ ފޭންވެސް ހުންނާނެ އެވެ.
ކާން ތައްޔާރުވުމުން ކާމޭޒު ކައިރީގައި ހަމަޖެހިލައިގެން ކާލަންވީއެވެ. ނުވަތަ ސިޓިން ރޫމުގެ ބެލްކަނިން ފެންނަ ރީތި މަންޒަރާއި އެކު ކާއެއްޗިއްސަށް އިންސާފު ކޮށްލެވިދާނެއެވެ.
އިރު އޮއްސޭ ވަގުތަކީ ހާއްސަކޮށް ސޮލިޓެއާގެ ހިތްގައިމުކަން ފާހަގަވެގެންދާނެ ވަގުތެކެވެ. އެޕާޓްމަންޓްގެ އެތެރެއަށް ބޮޑެތި ބިއްލޫރި ދޮރުތަކުން އިރުއޮއްސުމުގެ ކުލަވަރު ފާއްދާލާއިރު ދުވަހުގެ ނިމުން އަންނާނީ ހިތްހަމަޖެހުމާއެކުއެވެ. އަދި އެޕާޓްމަންޓްގެ ބެލްކަނީގައި ހުންނަ އިރު ކުރިމަތިން އޮންނަ ފަޅު ތެރެއަށް އިރު އޮއްސިގެންދާ މަންޒަރު ފެނުމުން ކޮންމެ ދުވަހެއްގެ ނިމުން ހާއްސަވެގެންދާނެއެވެ.
