އިރުމަތީ ޔޫކްރެއިނަށް ރަޝިއާ ސިފައިން އަރަން އެންގެވި ނަމަވެސް، ރަޝިއާގެ ބާރާއި ނުފޫޒު ފަތުރަން ނޫޅޭ ކަމަށް ރައީސް ލެޑިމިއަ ޕުޓިން ވިދާޅުވެއްޖެ އެވެ.
އަޒަރްބައިޖާންގެ ރައީސް އިލްހާމް އަލިޔޭވްއާ ބައްދަލުކުރައްވަމުން ޕުޓިން ވިދާޅުވީ އިހުގެ ބޯޑަރު ހޯދައި، ބާރު ފަތުރަން އުޅޭ ކަމަށް ބުނެ އަޑު ފަތުރަމުންދާ ކަމަށެވެ.
"މިއީ އެއްވެސް ވަރަކަށް ހަގީގަތެއް ނޫން،" ޕުޓިން ވިދާޅުވި އެވެ.
ހޯމަ ދުވަހުގެ ރޭ ރަޝިއާއިން ވަނީ އިރުމަތީ ޔޫކްރެއިންގެ ޑޮނެސްކް އަދި ލުހާންސްކް މިނިވަން ދެ ދައުލަތުގެ ގޮތުގައި ބަލައިގެންފަ އެވެ. އަދި އެ ދެ ތަނުގައި ސުލްހަ ބަލަހައްޓަން ރަޝިއާގެ ސިފައިން ފޮނުވަން ނިންމި އެވެ.
ޕުޓިން އެކަން އިއުލާނު ކުރެއްވީ 65 މިނެޓުގެ ދިގު ހިތާބެއްގަ އެވެ. ޕުޓިން ވިދާޅުވީ ޔޫކްރެއިން އުފެއްދީ ރަޝިއާއިން ކަމަށާއި ޔޫކްރެއިން ދެމި އޮތުމުގެ ހައްގާ މެދު ސުވާލު އުފެދޭ ކަމަށެވެ.
ނަމަވެސް އަންގާރަ ދުވަހު އަޒަރްބައިޖާންގެ ރައީސްއާ އެކު ބޭއްވި ބައްދަލުވުމުގައި ޕުޓިން ވިދާޅުވީ މިހާރު އޮތް ބޯޑަރުތަކާއި ސިޔާސީ ހަގީގަތްތައް ރަޝިއާއިން ބަލައިގަންނަ ކަމަށެވެ.
ނަމަވެސް ޔޫކްރެއިންއަކީ ތަފާތު ހާލަތަކަށް ވަނީ "ތިން ވަނަ ފަރާތަކުން ރަޝިއާގެ ސަލާމަތަށް ނުރައްކާ ކުރުމުގެ ވަސީލަތެއްގެ ގޮތުގައި" ޔޫކްރެއިން ބޭނުން ކުރަމުން ދާތީ ކަމަށެވެ.
