އިންޑިއާ ސަރުކާރުން ކަޝްމީރް ޕްރެސް ކްލަބް ބަންދުކޮށްފި

ކަޝްމީރް ޕްރެސް ކްލަބް ހުންނަ އިމާރާތް. -- ފޮޓޯ: އޭއެފްޕީއ

ކަޝްމީރް ޕްރެސް ކްލަބް ހުންނަ އިމާރާތް. -- ފޮޓޯ: އޭއެފްޕީއ

ސްރީނަގަރް، އިންޑިއާ (ޖެނުއަރީ 18) - ކަޝްމީރް ޕްރެސް ކްލަބް ބަންދު ކުރުމުން ނޫސްވެރިންނާއި ސިޔާސީ މީހުންނާއި އެކްޓިވިސްޓުން އިންޑިއާ ސަރުކާރަށް ފާޑުކިޔަން ފަށައިފި އެވެ.

ކަޝްމީރަކީ 1947 ވަނަ އަހަރުން ފެށިގެން އިންޑިއާ އާއި ޕާކިސްތާނުން ދެފަޅިކޮށްލާފައި އޮންނަ ތަނެކެވެ. އިންޑިއާއިން ކޮންޓްރޯލް ކުރާ ކަޝްމީރުގައި ހުއްޓުމެއް ނެތި ހިނގާ ހަމަނުޖެހުންތަކުގައި އެތައް ހާސް ބަޔަކު މަރުވެފައި ވެ އެވެ.

ކަޝްމީރުގެ ނޫސްވެރިންނަށް އޮންނަ ޕްރެޝަރު ފަހަކަށް އައިސް އިތުރުވެފައި ވާއިރު، ޓެރަރިޒަމްގެ ތުހުމަތުގައި ހައްޔަރު ކުރުމާއި، ދައުވާ ކުރުމާއި، ބަލައި ފާސް ކުރުމުގެ އިތުރުން މަސައްކަތާ ގުޅިގެން ފުރައްސާރައާ ވެސް ކުރިމަތިވެފަ އެވެ.

ކަޝްމީރް ޕްރެސް ކްލަބަކީ ކަޝްމީރުގެ ނޫސްވެރިންގެ ތެރެއިން އިންތިހާބުކޮށްފައިވާ މެމްބަރުން ހިމެނޭ އިދާރާ އެކެވެ. ނޫސްވެރިންނަށް ދިމާވާ މައްސަލަތަކުގެ ޝަކުވާ ސަރުކާރަށް ހުށަހަޅައިދެނީ އެ ތަނުންނެވެ. އަދި ފުލުހުން މީޑިއާއާ މެދު އަމަލުކުރާ ގޮތް ކުށްވެރިކޮށް ބަޔާންތައް ނެރިފައި ވެ އެވެ.

ކަމާ ބެހޭ އިދާރާތަކުން ބުނީ މެމްބަރުންނާ ގުޅޭ ގާނޫނާ ހިލާފު އެތައް ކަމެއް ފާހަގަވެފައި ވާތީ، 2019 ވަނަ އަހަރު އުފެއްދި ޖަމިއްޔާ އުވާލާފައިވާ ކަމަށެވެ. އެގޮތުން އަލަށް ހެދި ގާނޫނުގެ ދަށުން ޕްރެސް ކްލަބް ރަޖިސްޓްރީ ވެސް ނުކުރާ ކަމަށް ބުންޏެވެ. އޭގެ އިތުރުން ގާނޫނުގައިވާ ގޮތަށް ޖަމިއްޔާގެ އިންތިހާބު ބާއްވާފައި ނުވާ ކަމަށް ބުންޏެވެ.

ޕްރެސް ކްލަބްގެ މެމްބަރުން ހަ މަސް ވަންދެން ކުރި މަސައްކަތުގެ ދަށުން، އަލުން ޖަމިއްޔާ ރަޖިސްޓްރީ ކުރުމުގެ ހުއްދަ ދިނީ މިދިޔަ މަހު އެވެ. އެއާ އެކު އާ އިންތިހާބެއް ބާއްވަން އިއުލާނު ކުރި އެވެ. ނަމަވެސް ދެ ދުވަސް ފަހުން އިދާރާތަކުން ބުނީ އެއީ ސަސްޕެންޑުކޮށްފައިވާ ޖަމިއްޔާއެއް ކަމަށެވެ.

ހޮނިހިރު ދުވަހު ސަރުކާރަށް ތާއީދު ކުރާ ނޫސްވެރިންތަކެއް ވަނީ ފުލުހުންނާއި ސިފައިންގެ އެހީއާ އެކު ޕްރެސް ކްލަބް ހިންގާ އިމާރާތަށް ގޮސް، އެ ތަނާ ހަވާލުވާނީ އެ މީހުން ކަމަށް ބުނެފަ އެވެ.

ދަ އެޑިޓާޒް ގިލްޑް އޮފް އިންޑިއާއިން އެކަން ސިފަކުރީ "ހަތިޔާރާ އެކު ގަދަ ބާރުން ހިފުމުގެ" ގޮތުގަ އެވެ.

ޕްރެސް ކްލަބްގެ ސެކެޓްރީ އިޝްފާގް ޓެންޓްރޭ ވިދާޅުވީ ސަރުކާރުން އުޅެނީ އެ ޖަމިއްޔާ މެދުވެރިކޮށް ނޫސްވެރިންގެ ހައްގުގައި އަޑު އުފުލުން މެދުކަނޑާލަން ކަމަށެވެ.

ކަޝްމީރްގެ ކުރީގެ ޗީފް މިނިސްޓަރު މެހްބޫބާ މުފްތީ ޓްވިޓާގައި ވިދާޅުވީ "އެއީ ނޫސްވެރިންގެ ހައްގުގައި އުޅޭ ބަޔަކު ހުއްޓުވާލަން ހިންގި ބަގާވާތެއް" ކަމަށެވެ.

އެމެރިކާގައި ހިންގާ ކޮމިޓީ ޓު ޕްރޮޓެކްޓް ޖާނަލިސްޓްސް (ސީޕީޖޭ) އިން ވެެސް ވަނީ އެކަން ކުށްވެރިކޮށް ކަޝްމީރުގެ ނޫސްވެރިންނަށް ފުރައްސާރަ ކުރުން ހުއްޓާލަން ގޮވާލާފަ އެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox