2022 އަކީ ބަލިމަޑުކަން ނިންމާ އަހަރަށް ހަދަން ޖެހޭ: ޑަބްލިއުއެޗްއޯ

ޑަބްލިއުއެޗްއޯގެ ޑިރެކްޓަރު ޖެނެރަލް ޓެޑްރޯސް އަދަނޮމް. -- ފޮޓޯ: އޭއެފްޕީ

ޑަބްލިއުއެޗްއޯގެ ޑިރެކްޓަރު ޖެނެރަލް ޓެޑްރޯސް އަދަނޮމް. -- ފޮޓޯ: އޭއެފްޕީ

ޖެނީވާ، ސްވިޓްޒަލޭންޑް (ޑިސެމްބަރު 21) - އަންނަ އަހަރުގެ ތެރޭގައި ކޮވިޑްގެ ބަލިމަޑުކަން ނިމުމަކަށް ގެންނަން ކުރަން ޖެހޭ ބުރަ މަސައްކަތާ ކުރިމަތިލުމަށް ގައުމުތަކުން އެއްބައިވުމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) ގެ ވެރިޔާ ގޮވާލައްވައިފި އެވެ.

"2022 ވަނަ އަހަރަކީ ބަލިމަޑުކަން ނިންމާ އަހަރަށް ހަދަން ޖެހޭ،" ޖެނީވާގައި ނޫސްވެރިންނާ ވާހަކަ ދައްކަވަމުން ޑަބްލިއުއެޗްއޯގެ ޑިރެކްޓަރު ޖެނެރަލް ޓެޑްރޯސް އަދަނޮމް ވިދާޅުވި އެވެ.

އަހަރު ނިމުމާއި އާ އަހަރު ފެށުން ގިނަ ގައުމުތަކެއްގައި ފާހަގަކުރާއިރު، "ހުރިހާ އެންމެން ވެސް ބޭނުންވަނީ އެކުވެރިންނާއި އާއިލާއާ އެކު" ވަގުތު ހޭދަކުރަން ކަމަށާއި "އަލުން އަނބުރާ ނޯމަލް" އަށް ދާން އެންމެން ވެސް ބޭނުންވާ ކަމަށް އޭނާ ވިދާޅުވި އެވެ.

Advertisement

ނަމަވެސް އެނބުރި ނޯމަލް ހާލަތަށް ދެވޭނީ މިހާރު ހަލުވިކަމާ އެކު ފެތުރެމުންދާ އޮމިކްރޯން ވޭރިއެންޓާ މެދު ސަމާލުވެ ރައްކާތެރިވެގެން ކަމަށް އޭނާ ފާހަގަކުރެއްވި އެވެ.

ދެކުނު އެފްރިކާ އިން ނޮވެމްބަރު މަހު އެންމެ ފުރަތަމަ ރިޕޯޓު ކުރި އޮމިކްރޯން މިހާރު ވަނީ ގިނަ ގައުމުތަކުން ފެނިފަ އެވެ. އެއާއެކު ބަލިމަޑުކަން ނިމުމަކަށް ގެންނަން ގިނަ ބަޔަކު ކުރަމުން ދިޔަ އުއްމީދުތައް ވަނީ ފެނަށް ވެފަ އެވެ.

އޮމިކްރޯން އަކީ ޑެލްޓާ ވޭރިއެންޓަށް ވުރެ ބަލީގައި ސީރިއަސްވާ މިންވަރު ކުޑަ ވޭރިއެންޓެއް ކަމަށް ދިރާސާތަކުން ދައްކަ އެވެ. ނަމަވެސް އޮމިކްރޯން އަކީ ޑެލްޓާ އަށް ވުރެ ހަލުވިކޮށް ފެތުރި، ވެކްސިނުން ލިބޭ ރައްކާތެރިކަން ކުޑަވާ ވޭރިއެންޓެއް ކަމަށް ދިރާސާތަކުން ދައްކަ އެވެ.

ގިނަ ގައުމުތަކުގައި ކޮވިޑް ކޭސްތައް އިތުރުވާން ފަށާފައި ވާތީ، ޓެޑްރޯސް ގޮވާލެއްވީ ކްރިސްމަސް އާއި އާ އަހަރުގެ އުފާ ފާޅުކުރުންތައް ކެންސަލްކޮށް "ފަހުން ހިތާމަ ކުރުމުގެ ބަދަލުގައި އުފާ ކުރުމަށެވެ."

"މިހާރު ފޯކަސް ކުރަންވީ ބަލިމަޑުކަން ނިންމަން."

ޓެޑްރޯސް ތަކުރާރުކޮށް ވިދާޅުވީ ބަލިމަޑުކަން ހުއްޓުވިދާނެ ކަމަށާއި ނަމަވެސް އެކަން ކުރެވޭނީ ލިބެން ހުރި ވަސީލަތްތަކުގެ ފުރިހަމަ ބޭނުންކޮށްގެން ކަމަށެވެ. އެގޮތުން ވެކްސިން ޖެހުމާއި، މާސްކް އެޅުމާއި، ގައިދުރުކަން ބެހެއްޓުން އޭނާ ފާހަގަކުރެއްވި އެވެ.

"ފަހަރުގައި އެންމެ މުހިއްމު ކަމަކީ މިއީ ކަމަށް ވެދާނެ، ގައުމުތަކަށް ވެކްސިން ލިބުމުގައި އޮތް ނަހަމަކަން ނައްތާލަން ޖެހޭ. އަންނަ އަހަރުގެ ތެރޭގައި ބަލިމަޑުކަން ނިންމަން ބޭނުން ނަމަ، ނަހަމަކަން ނައްތާލަން ޖެހޭ،" ޓެޑްރޯސް ވިދާޅުވި އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox