އިންޑިއާގެ ނުފޫޒުން ހުއްޓުވި ލަންކާ މަޝްރޫއު ރާއްޖޭގައި ހިންގަނީ

ތ. އަތޮޅުގެ ހުރިހާ ރަށެއްގައި އިރުގެ އަލިން ހަކަތަ އުފައްދާނެ ނިޒާމެއް ގާއިމްކުރަން ޗައިނާ ކުންފުންޏާ ހަވާލު ކުރަން ބޭއްވި ރަސްމިއްޔާތުގެ ތެރެއިން -- ފޮޓޯ: އެންވާރަމެންޓް މިނިސްޓްރީ

ތ. އަތޮޅުގެ ހުރިހާ ރަށެއްގައި އިރުގެ އަލިން ހަކަތަ އުފައްދާނެ ނިޒާމެއް ގާއިމްކުރަން ޗައިނާ ކުންފުންޏާ ހަވާލު ކުރަން ބޭއްވި ރަސްމިއްޔާތުގެ ތެރެއިން -- ފޮޓޯ: އެންވާރަމެންޓް މިނިސްޓްރީ

އިންޑިއާގެ ނުފޫޒުން ސްރީލަންކާގައި ހުއްޓުވި ޗައިނާގެ މަޝްރޫއެއް ރާއްޖޭގައި ކުރިއަށް ގެންދަން ނިންމައި، އެކަމުގެ އެއްބަސްވުމުގައި މިދިޔަ ހަފުތާގައި ސޮއިކޮށްފި އެވެ.

މިދިޔަ ހަފުތާގެ ހޯމަ ދުވަހު އެންވާރަމަންޓް މިނިސްޓަރު އައިމިނަތު ޝައުނާ ކުރެއްވި ޓްވީޓެއްގައި ވިދާޅުވީ ތ. އަތޮޅުގެ މީހުން ދިރިއުޅޭ ހުރިހާ ރަށެއްގައި އިރުގެ އަލިން 2.5 މެގަވޮޓުގެ ހަކަތަ އުފެއްދުމުގެ ނިޒާމު ގާއިމްކުރާނެ ކަމަށެވެ.

"މީގެ ސަބަބުން އަޅުގަނޑުމެން ބޭރުކުރާ ކާބަންޑައިއޮކްސައިޑް ގޭސް 2900 ޓަނުން މަދުކޮށް، އަހަރަކު 12 މިލިއަން ރުފިޔާ ސަލާމަތް ކުރެވޭނެ،" ޝައުނާގެ ޓްވީޓުގައި ވިދާޅުވި އެވެ.

Advertisement

އޭގެ ކުރިން ސްރީލަންކާގައި ހުންނަ ޗައިނާ އެމްބަސީ އިން ކުރި ޓްވީޓެއްގައި ބުނީ ސިނޯ ސޯ ހައިބްރިޑް ޓެކްނޮލޮޖީ ކުންފުނިން ލަންކާގައި ހައިބްރިޑް އެނާޖީ ސިސްޓަމް ގާއިމްކުރުމުގެ މަސައްކަތާ މެދު ތިން ވަނަ ފަރާތަކުން "ސަލާމަތީ ކަންބޮޑުވުންތައް" ފާޅުކުރުމުން، މަޝްރޫއު ހުއްޓާލުމަށް ފަހު ރާއްޖޭގެ 12 ރަށެއްގައި އިރުގެ އަލިން ހަކަތަ އުފައްދާ ނިޒާމު ގާއިމްކުރަން ދިވެހި ސަރުކާރާ އެކު ނޮވެމްބަރު 29 ވަނަ ދުވަހު ސޮއިކޮށްފައިވާ ކަމަށެވެ.

އިންޑިއާގެ ނޫސްތަކުން ވެސް ރިޕޯޓުކޮށްފައިވާ ގޮތުގައި ސްރީލަންކާގައި ހިންގަން އުޅުނު ހައިބްރިޑް އެނާޖީ މަޝްރޫއެއް ހުއްޓާލަން ޖެހުނީ "ތިން ވަނަ ފަރާތަކުން ސަލާމަތާ ގުޅޭ ކަންބޮޑުވުން" ފާޅުކުރުމުންނެވެ.

ޓައިމްސް އޮފް އިންޑިއާ ނޫހުން ހޮނިހިރު ދުވަހު ރިޕޯޓުކުރި ގޮތުގައި ސްރީލަންކާގެ މަޝްރޫއުތަކުން "ޗައިނާ ދުރު ކުރުމަށް" އިންޑިއާ އިން މަސައްކަތް ކުރާތާ އަހަރެއް ވެއްޖެ އެވެ.

އެކަމާ ގުޅޭ ގޮތުން އިންޑިއާ ސަރުކާރުން ވަކި އެއްޗެއް ނުބުނެ އެވެ. ނަމަވެސް މިދިޔަ ފެބްރުއަރީ މަހު ދަ ހިންދޫ އިން ސްރީލަންކާގެ މަސްދަރުތަކާ ހަވާލަދީ ރިޕޯޓު ކުރި ގޮތުގައި މަޝްރޫއު ހިންގާ ހިސާބާއި އިންޑިއާގެ އައްސޭރިފަށާ ގާތްވުމުން "ކަންބޮޑުވުން ފާޅުކޮށްފައި" ވެ އެވެ.

ދަ ހިންދޫ އިން ބުނީ 12 މިލިއަން ޑޮލަރުގެ އެހީއަކާ އެކު އެ މަޝްރޫއު ކުރިއަށް ގެންގޮސްދޭން އިންޑިއާ އިން ހުށަހެޅި ކަމަށެވެ.

ޗައިނާގެ ފާޑުކިޔުން

"މަޝްރޫއު އަށް ނުފޫޒު ފޯރުވަން އިންޑިއާ އިން ސަލާމަތީ ސަބަބުތައް ދެއްކުމަކީ ވަރަށް ހެއްވާ ކަމެއް. ސްރީލަންކާގެ މަޝްރޫއަކީ ވަރަށް ކުޑަ މަޝްރޫއެއް، އެއީ ކުޑަ ތިން ރަށެއްގައި އުޅޭ ރައްޔިތުންނަށް ކަރަންޓު ފޯރުކޮށްދިނުމުގެ މަޝްރޫއެއް. މި ރަށްތަކާއި ސްރީލަންކާގެ މައި ބިމާ ވަކިން އޮންނާތީ، ޕަވާ ގްރިޑް ސްރީލަންކާގެ އެހެން ތަންތަނަކަށް ނުވެސް ގުޅޭނެ،" ސިނޯ ސޯ ހައިބްރިޑް ޓެކްނޮލޮޖީ ކުންފުނީގެ އޮފިޝަލަކު ޗައިނާގެ ގްލޯބަލް ޓައިމްސް ނޫހަށް ބުންޏެވެ.

އެ ކުންފުނީގެ އިތުރުން ޗައިނާގެ ތަޖުރިބާކާރުން ވެސް އަންނަނީ އެކަމާ ގުޅިގެން އިންޑިއާ އަށް ވަރަށް ބޮޑަށް ފާޑުކިޔަމުންނެވެ. އެގޮތުން އެފަދަ ގޮތަކަށް ނުފޫޒު ފޯރުވުމުން ސްރީލަންކާ ފަދަ ދެކުނު އޭޝިއާ ގައުމުތަކުގެ ތަރައްގީ އާއި ކުރިއެރުމަށް ހުރަސް އެޅޭނެ ކަމަށް އެ މީހުން ބުނެ އެވެ.

"ސްރީލަންކާ ފަދަ އަވައްޓެރި ގައުމުތަކާ މެދު އިންޑިއާ އިން އަބަދުވެސް ދެކެނީ އެއީ އެ މީހުންގެ ބެކްޔާޑުގެ ގޮތުގައި،" ދެކުނު އޭޝިއާގެ ކަންކަމާ ގުޅޭ ތަޖުރިބާކާރު ވާންގް ޑެހުއާ ގްލޯބަލް ޓައިމްސް ނޫހަށް ބުންޏެވެ.

ރިސާޗް ސެންޓާ ފޯ ޗައިނާ-ސައުތު އޭޝިއާ ކޯޕޮރޭޝަންގެ ސެކެޓްރީ ޖެނެރަލް ލިއު ޒޮންގްޔީ ވިދާޅުވީ އިންޑިއާ ކަނޑުގައި އިންޑިއާ އިން ޗައިނާއާ ވާދަކުރަނީ ކަނޑި އާއި ކަނޑި ޖައްސައިގެން ކޮންމެ ގޮތަކުން ވެސް ކުރި ހޯދުމަށް ކަމަށެވެ.

ސިނޯ ސޯ ހައިބްރިޑް ޓެކްނޮލޮޖީ ކުންފުނިން ލަންކާގައި ގާއިމްކުރަން އުޅުނު ސޯލާ ހައިބްރިޑް ސިސްޓަމް އަކީ 1700 ކިލޯވޮޓްގެ ހަކަތަ އިރުގެ އަލިން އުފައްދައި، 530 ކިލޯވޮޓްގެ ހަކަތަ ވައިގެ އެހީގައި އުފައްދާ ނިޒާމެކެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox