ނަސީބުވެރި ފަރާތްތަކަށް ހިޔާ ފްލެޓް އެޕާޓްމެންޓްތަކުން ހަ މަހުގެ މެއިންޓަނަންސް ފީ ދިނުމަށް ވިލާ ގޭހުން ހާއްސަ ޕްރޮމޯޝަނެއް ފަށައިފި އެވެ.
ވިލާ ގޭހުގެ މި ހާއްސަ ޕްރޮމޯޝަންގެ ދަށުން 16 ނަސީބުވެރިން ހޮވާނެ އެެވެ. އެއީ ހިޔާ ޓަވަރުތަކުގެ ތެރެއިން ކޮންމެ ޓަވަރަކުން އެއް ނަސީބުވެރި ފަރާތެވެ.
ގުރުއަތުން ހޮވޭ ނަސީބުވެރިންނަށް ހަ މަސް ދުވަހުގެ މެއިންޓަނަންސް ފީ އަށް ވާ 6،000ރ ވިލާ ގޭހުން ދައްކައިދޭނެ އެވެ.
ހިޔާ ފްލެޓް ލަކީޑްރޯ ޝޯގައި ބައިވެރިވެވޭނީ މަދުވެގެން ހަ މަސްދުވަސް ވަންދެން ވިލާ ގޭސް އޯޑަރު ކޮށްފައިވާ މީހުންނަށެވެ.
ވިލާ ގޭހުން އަބަދުވެސް މަސައްކަތްކުރަނީ ކަސްޓަމަރުންނަށް އެންމެ ފަސޭހަވާނެ ގޮތްތައް ބަަލައި، ކަސްޓަމަރުންގެ ބޭނުންތަކާ އެއްގޮތަށް ހިދުމަތްތައް ބައްޓަންކޮށް ފައިދާކުރަނިވި ފުރިހަމަ ހިދުމަތްތައް ފޯރުކޮށްދިނުމަށް ކަމަށް އެކުންފުނިން ފާހަގަކުރެ އެވެ.
ހިޔާ ފްލެޓްތަކަށް ދިރުއުޅުން ބަދަލުކުރާ މީހުން ވިލާ ގޭހަށް ރަޖިސްޓްރީ ކުރުމުން ހިލޭ ގޭސް ފުޅިވެސް ދަނީ ފޯރުކޮށްދެމުންނެވެ. މިއިން ކޮންމެ ގޭސް ފުޅިއެއްވެސް ރީފިލް ކުރަން ބޭނުން ނަމަ އަތުން ހަރަދުވާނީ 200ރ. އެވެ.
