މިހާރު ކުރިއަށްދާ އުރީދޫ ސާފް ޗެމްޕިއަންޝިޕަށް ހާއްސަ ގޭމެއް އުރީދޫ މޯލްޑިވްސް އިން ތައާރަފުކޮށްފި އެވެ.
ސާފް ޗެމްޕިއަންޝިޕް މުބާރާތާ ގުޅިގެން ރާއްޖޭގައި ގައުމީ ޖޯޝާއި ފުޓުބޯޅައިގެ ފޯރި އިތުރުކުރުމަށް އުރީދޫ އިން ދަނީ ގިނަ މަސައްކަތްތަކެއް ކުރަމުންނެވެ.
ދިވެހި ގައުމީ ޓީމު ކުޅޭ މެޗުތަކުގެ ޓިކެޓް، ސޯޝަލް މީޑިއާގައި ކުރިއަށްގެންދާ ހާއްސަ ހަރަކާތެއްގައި ބައިވެރިވެ ހޯދުމުގެ ފުރުސަތުވެސް އުރީދޫ އިން ދެނީ ދަމުންނެވެ.
މިފަހަރު އުރީދޫ އިން މިވަނީ ސާފް ޗެމްޕިއަންޝިޕާ ގުޅުވައި ހާއްސަ ގޭމެއް އުރީދޫ އެޕްގައި ތައާރަފުކޮށްފަ އެވެ. މިގޭމްގައި ޕެނަލްޓީ ކިކެއް ގޯލަށް ޖަހާ ސްކޯ ކުރާ ކަސްޓަމަރުންނަށް އެއް ޖީބީ ޑޭޓާ ހިލޭ ލިބޭނެ އެވެ.
އުރީދޫގެ ސްކޯ އެންޑް ވިން ގޭމް ކުޅެން ބޭނުންވާ ނަމަ 50ރ. އަށްވުރެ މަތިން ރީޗާޖް ކޮށްގެން ގޭމް ކުޅެވޭނެ އެވެ. އަދި އުރީދޫގެ ޕެކް އެކްޓިވޭޓްކުރާ ކަސްޓަމަރުންނަށްވެސް މި ގޭމް ކުޅެވޭނެކަމަށް އެކުންފުނިން ބުނެ އެވެ.
ސްކޯ އެންޑް ވިން ގޭމް ކުޅޭނެ ގޮތް
- އުރީދޫ އެޕަށް ޒިޔާރާތްކުރޭ http://ore.do/app
- 50ރ. އަށްވުރެ މަތިން ރިޗާޖްކުރޭ
- ރީޗާޖެ ކުރުމުން ސްކްރީނުން ފެންނަ PLAY ONCE އަށް ފިތާލާ
- ޕެނަލްޓީ ކިކަކުން ގޯލްޖަހައި ހިލޭ ޑޭޓާ ހޯދޭނެ
ސާފް ޗެމްޕިއަންޝިޕާ ދިމާކޮށް އުރީދޫ އިން ކުރިއަށްގެންދާ ހާއްސަ ހަރަކާތްތަކުގެ ތެރޭގައި ސޯޝަލް މީޑިއާ ކޮންޓެސްޓްގެ އިތުރުން އުރީދޫ އީ-ކޮމާސް ޕްލެޓްފޯމް މެދުވެރިކޮށް ވިޔަފާރިކުރާ ކަސްޓަމަރުންނަށްވެސް މެޗުތަކުގެ ޓިކެޓް ހޯދުމުގެ ފުރުސަތު ވަނީ ހުޅުވާލާފަ އެވެ.
މީގެ އިތުރުން އުރީދޫ އިން ވަނީ މިއަދު ކުޅޭ ދެ މެޗް ލެޑް ސްކްރީނުން ބަލާލުމުގެ ފުރުސަތުވެސް ރައްޔިތުންނަށް ހޯދާދީފަ އެވެ.
މި ކަންތައްތަކުގެ އިތުރުންވެސް ފުޓުބޯޅައިގެ ފޯރީގައި ރައްޔިތުންނާއި ބައިވެރިވެ ކުލަގަދަ ކުރުމަށް އެކިއެކި ހަރަކާތްތައް ރޭވިފައިވާ ކަމަށް އުރީދޫ އިން ބުނެ އެވެ.
އަދި މިފަދަ މަޖާ ގޭމް ކުޅެގެން އަގުހުރި އިނާމު ހޯދުމުގެ ފުރުސަތު އުރީދޫ އެޕް މެދުވެރިކޮށް ކުރިއަށް އޮތްތަނުގައިވެސް ކަސްޓަމަރުންނަށް ލިބިގެންދާނެކަމަށް ބުނެ އެވެ.
