އައިސްލޭންޑު ޕާލިމެންޓުން އަންހެނުންނަށް ލިބުނު މެޖޯރިޓީ ގެއްލިއްޖެ

އައިސްލޭންޑުގެ ބޮޑު ވަޒީރު ކެޓްރިން ޖަކޮބްސްޑޮޓިރް.-- ފޮޓޯ: ގެޓީ އިމޭޖަޒް

އައިސްލޭންޑުގެ ބޮޑު ވަޒީރު ކެޓްރިން ޖަކޮބްސްޑޮޓިރް.-- ފޮޓޯ: ގެޓީ އިމޭޖަޒް

އައިސްލޭންޑުގެ އާއްމު އިންތިހާބަށް ފަހު ޔޫރަޕުގެ ޕާލިމެންޓަކަށް ފުރަތަމަ ފަހަރަށް ފިރިހެނުންނަށް ވުރެ ގިނައިން އަންހެނުން ހޮވިފައިވާ ކަމަށް ކުރިން ބެލެވުނު ނަމަވެސް، އަލުން ވޯޓު ގުނުމުން އަންހެނުންނަށް ލިބުނު މެޖޯރިޓީ ގެއްލިއްޖެ އެވެ.

ޕާލިމެންޓުގެ 63 ގޮނޑީގެ ތެރެއިން 30 ގޮނޑި ލިބުނީ އަންހެނުންނަށެވެ. އެއީ 47.6 ޕަސެންޓެވެ. ކުރިން އިއުލާނު ކުރި ނަތީޖާއިން ދެއްކި ގޮތުގައި 33 ގޮނޑިއާ އެކު އަންހެނުންނަށް 52 ޕަސެންޓު ލިބިފައި ވެ އެވެ.

ޔޫރަޕުގެ އެއްވެސް ގައުމެއްގެ ޕާލިމެންޓުގައި މިހާތަނަށް 50 ޕަސެންޓަށް ވުރެ އިތުރަށް އަންހެން މެމްބަރުން ހިމެނިފައެއް ނުވެ އެވެ. އިންޓަ ޕާލިމެންޓަރީ ޔޫނިއަން (އައިޕީޔޫ)ގެ ޑޭޓާ ދައްކާ ގޮތުގައި ސްވިޑަން ޕާލިމެންޓުގައި 47 ޕަސެންޓު އަންހެނުން ތިބެ އެވެ.

ވޯޓު އަލުން ގުނުމުން އިތުރު ހަ އަންހެނަކަށް ޕާލިމެންޓު ގޮނޑި ކަށަވަރުވި ނަމަވެސް، މެޖޯރިޓީ ލިބުނީ ފިރިހެނުންނަށެވެ.

ބައެއް އެހެން ގައުމުތަކާ ހިލާފަށް އައިސްލޭންޑުގެ ޕާލިމެންޓުގައި އަންހެނުންނަށް ވަކި އަދަދެއްގެ ގޮނޑި ހާއްސަކުރަން ގާނޫނުން ލާޒިމެއް ނުކުރެ އެވެ. ނަމަވެސް ބައެއް ސިޔާސީ ޕާޓީތަކުގެ އުސޫލުގައިވާ ގޮތުން ވަކި އަދަދަކަށް އަންހެން ކެންޑިޑޭޓުން ނެރެން ޖެހެ އެވެ.

އައިސްލޭންޑު ޕާލިމެންޓުގައި އަންހެނުންނަށް މެޖޯރިޓީ ލިބޭނެ ކަމަށް ކުރިން ބެލެވުމާއެކު، އެއީ ތާރީހީ ކާމިޔާބެއްގެ ގޮތުގައި އެކި ފަރާތްތަކުން ފާހަގަކުރަން ފެށި އެވެ.

އެގޮތުން އައިސްލޭންޑުގެ ރައީސް ގުޑްނީ ޖޮހަނެސަން އާރްޔޫވީ އަށް ދެއްވި އިންޓަވިއުއެއްގައި ވިދާޅުވީ މިއީ އުފާވެރި ހަބަރެއް ކަމަށާއި އައިސްލޭންޑު ޕާލިމެންޓުގައި އަންހެނުންނަށް މެޖޯރިޓީ ލިބުމަކީ ޔޫރަޕުގައި އަލަށް ހިނގި ކަމެއް ކަމަށެވެ.

އުތުރު ޔޫރަޕުގައި އޮންނަ އައިސްލޭންޑަކީ ޒަމާނުއްސުރެ ޖިންސުގެ ހަމަހަމަކަމާއި އަންހެނުންގެ ހައްގުތަކަށް އިސްކަންދޭ ގައުމެކެވެ. ފާއިތުވި 12 އަހަރު ވޯލްޑް އިކޮނޮމިކް ފޯރަމްގެ އެންމެ ހަމަހަމަ ގައުމުތަކުގެ ލިސްޓުގެ ކުރީގައި އޮތީ އައިސްލޭންޑެވެ.

އެ ގައުމުގައި އަންހެނުންނާ ފިރިހެނުންނަށް "ޕޭރެންޓެލް" ޗުއްޓީ ދެނީ ތަފާތު ކުރުމެއް ނެތި އެއް ވަރަކަށެވެ. އޭގެ އިތުރުން އަންހެނުންނާއި ފިރިހެނުންގެ މުސާރަ ހަމަހަމަވާން ޖެހޭނެ ކަމަށް 1961 ގައި އެ ގައުމުގައި ހެދި ގާނޫނުން ކަނޑައަޅާފައި ވެ އެވެ.

މުޅި ދުނިޔެއިން ވެސް އެންމެ ފުރަތަމަ އަންހެން ރައީސަކު އިންތިހާބު ކުރީ ވެސް 1980 ގައި އައިސްލޭންޑުންނެވެ.

އިންޓަ ޕާލިމެންޓަރީ ޔޫނިއަން (އައިޕީޔޫ) އިން ބުނާ ގޮތުގައި ދުނިޔޭގެ ފަސް ގައުމެއްގެ ޕާލިމެންޓުގައި މަދުވެގެން 50 ޕަސެންޓުގެ ގޮތުގައި މި ވަގުތު އަންހެނުން ތިބެ އެވެ. އެއީ ރުވާންޑާގެ 61 ޕަސެންޓް، ކިޔުބާގެ 53 ޕަސެންޓް، ނިކަރަގުއާގެ 51 ޕަސެންޓް އަދި މެކްސިކޯ އާއި ޔޫއޭއީގެ 50 ޕަސެންޓެވެ.

އައިސްލޭންޑުގެ ބޮޑު ވަޒީރު ކެޓްރިން ޖޭކޮބްސްޑޮޓިރްގެ ކޯލިޝަނަށް މެޖޯރިޓީ ގޮނޑި ކާމިޔާބު ކުރެވުނު ނަމަވެސް، އެ ކޯލިޝަނުގައި ހިމެނޭ ތިން ޕާޓީ އެކުގައި މަސައްކަތް ކުރެވޭނެ ކަމާ މެދު ޝައްކުތަކެއް އެބަ ހުއްޓެވެ.

ކޮމެންޓް

ފަހުގެ ޚަބަރު

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

ޓްރަމްޕް ފިލިޕީންސަށް ވަޑައިގެންފި

އެމެރިކާގެ ރައީސް ޑޮނަލްޑް ޓްރަމްޕް އޭޝިއާއަށް ކުރައްވާ ދަތުރުފުޅުގައި ފިލިޕީންސަށް ވަޑައިގެން، އިންޑިއާ، ޖަޕާން އަދި އޮސްޓްރޭލިއާ ހިމެނޭ ކުއަޑް ގްރޫޕުގެ ލީޑަރުންނާ ބައްދަލުކުރައްވައިފިއެވެ. މި ބައްދަލުވުމުގައި އިންޑޯ-ޕެސިފިކް ސަރަހައްދުގެ އަމާންކަމާއި ގުޅުން ބަދަހިކުރުމާ ގޮތުން މަޝްވަރާކުރެއްވިއިރު، އެމެރިކާގެ އަމާޒަކީ ޗައިނާގެ ނުފޫޒު ކުޑަކޮށް މި ގައުމުތަކާއެކު އޮންނަ އިގްތިސާދީ އަދި ޓެކްނޮލޮޖީގެ ގުޅުން ވަރުގަދަކުރުމެވެ.

ހަގިން ފޭސްއަށް ދިން ހަމަލާއާ ގުޅިގެން ދައުވާކޮށްފި

އެކަށީގެންވާ ރައްކާތެރިކަމުގެ ފިޔަވަޅުތަކެއް ނެތި އޭއައި މޮޑެލްތައް ތަރައްގީކޮށް އާންމުން ނުރައްކަލަށް ހުށަހެޅި ކަމަށް ބުނެ، ކެލިފޯނިއާގެ އެޓާނީ ޖެނެރަލް އޯޕަންއޭއައިއާ ދެކޮޅަށް ދައުވާ އުފުލައިފިއެވެ. މި ދައުވާގެ މައިގަނޑު އަސާސަކީ އޯޕަންއޭއައިގެ އެޖެންޓުންތަކެއް "ހަގިން ފޭސް" ގެ ނިޒާމަށް ވަދެ ދިން ހަމަލާއަކަށްވާއިރު، މިއީ އެމެރިކާގެ ސްޓޭޓަކުން އޭއައި ކުންފުންޏަކާ ދެކޮޅަށް ކުރި ފުރަތަމަ ދައުވާއެވެ.

އިންޑިއާ: އޭއައި ބޭނުންކޮށް ބިމާއި މަގުގެ މައްސަލަތަކަށް ހައްލު

އިންޑިއާގެ ސްޓާޓްއަޕްތަކުން އޭއައި ބޭނުންކޮށްގެން ބިމުގެ ރެކޯޑުތައް ބެލެހެއްޓުމާއި، މަގުތަކުގައި ހުންނަ ވަޅުގަނޑުތައް ދެނެގަތުން ފަދަ އިޖުތިމާއީ ބޮޑެތި މައްސަލަތަކަށް އަންނަނީ ހައްލު ހޯދައިދެމުންނެވެ. މީގެ އިތުރުން ސިއްހީ ދާއިރާގައި ލެބް ރިޕޯޓުތައް ތަރުޖަމާކުރުމާއި ބަލިމަޑުކަން ދެނެގަތުމަށް ވެސް މި ޓެކްނޮލޮޖީގެ އެހީގައި ލުއިފަސޭހަ ނިޒާމުތަކެއް ވަނީ ގާއިމުކޮށްފައެވެ.

Newsletter

Get the latest news delivered straight to your inbox