އިމްތިހާނަކާ ނުލައި ރާއްޖޭގައި އުޅަނދު ދުއްވުމަށް ލައިސެންސް ދޭ ގައުމުތަކުގެ ތެރޭގައި ބަންލަދޭޝްއިން ނަގާ ލައިސެންސްތައް ވެސް ހިމަނަން ޓްރާންސްޕޯޓް މިނިސްޓްރީން މިއަދު ނިންމައިފި އެވެ.
މިދިޔަ މަހު ޓްރާންސްޕޯޓުން އިއުލާން ކުރި ލިސްޓުގައި ހިމެނީ 25 ގައުމެކެވެ. ނަމަވެސް މިއަދު ޓްރާންސްޕޯޓް މިނިސްޓްރީން އާންމުކުރި ލިސްޓަށް ވަނީ ބަންގްލަދޭޝް އިތުރު ކޮށްފަ އެވެ.
އެ ހުއްދައާއެކު އިތުރު ލައިސަންސެއް ހޯދުމަކާ ނުލައި، ނުވަދިހަ ދުވަހުގެ މުއްދަތަށް ރާއްޖޭގައި އެއްގަމު އުޅަނދު ދުއްވޭނެ އެވެ.
ދެން އެ ލިސްޓްގައި ހިމެނޭ ގައުމުތަކުގެ ތެރޭގައި ބޫޓާން، އިންޑިޔާ، ނޭޕާލް، ޕާކިސްތާން، ސްރީލަންކާ، ބްރުނާއީ، ކެމްބޯޑިއާ، އިންޑޮނޭޝިއާ، ލާއޯސް، މެލޭޝިއާ، މިޔަންމާ، ޕިލިޕީސް، ސިންގަޕޫރު، ތައިލެންޑް، ވިއެޓްނާމް، ޖަޕާން، އިނގިރޭސިވިލާތް، އެމެރިކާ، ޗައިނާ، ޔުނައިޓެޑް އެރެބް އެމިރެޓްސް، ސްވިޒަލޭންޑް، ސައުދީ އަރަބިއްޔާ، ބެލްޖިއަމް، އަދި ޖާމަނީ ހިމެނެ އެވެ.
