މިއަދު ފަށާ އުރީދޫ ސާފް ޗެމްޕިއަންޝިޕާ ދިމާކޮށް "އަދަދު" ނޫހުގެ ފަރާތުން ވަނީ "ގޯލްއާރް"އާ އެކު މުބާރާތުގެ ފޯރިގަދަ ކުރުމުގެ ގޮތުން ސްކޯ ދިމާކުރުމުގެ ޕްރޮމޯޝަނެއް ފަށައިފަ އެވެ.
ބޮޑެތި މުބާރާތްތަކުގައި ސްކޯ ދިމާކުރުމުގެ މުބާރާތްތައް ފޯރިގަދަވެފައި ވާއިރު، "ގޯލްއާރް" އެޕްލިކޭޝަނަކީ ހަގީގަތުގައި މި ފަދަ ކަންކަމަށް ވަރަށް ފުރިހަމަ އަށް ފަރުމާކޮށްފައިވާ އެޕްލިކޭޝަނެކެވެ.
"ގޯލްއާރް" މެދުވެރުކޮށް މި ފަހަރުގެ ސާފް ޗެމްޕިއަންޝިޕްގެ 11 މެޗުގެ ސްކޯ ދިމާކޮށްގެން އެއް ވަަަނަ އަށް ހޮވޭ ފަރާތަކަށް އިނާމެއްގެ ގޮތުގައި ލޮޓަސް ބައިކް ޝޮޕުން ހަދިޔާކޮށްފައިވާ އިލެކްޓްރިކް ސްކޫޓަރެއް ލިބޭނެ އެވެ. މީގެ އިތުރަށް ސާފް ޗެޖެންޖުގައި ބައިވެރިވާ ފަރާތްތަށް ވެސް ގޯލާއާރްގެ ފަރާތުން ހާއްސަ އިނާމުތައް ހުށަހަޅާފައިވެ އެވެ.
ސާފް ޗެމްޕިއަންޝިޕްގެ ކަންކަމުގައި "ގޯލްއާރް" އިން "އަދަދު" ނޫހާ އެކު ކުރިއަށްދާން ނިންމި އެންމެ ބޮޑު ސަބަބަކީ "އަދަދު" ނޫހަކީ ސާފް ޗެމްޕިއަންޝިޕްގެ އޮންލައިން އެންޑް ޕީއާރް ޕާޓްނަރަށް ވުމެވެ. އަދި މީގެ އިތުރުން ކުރު މުއްދަތެއްގެ ތެރޭގައި މީޑިއާގައި "އަދަދު" އިން ހޯދަމުން އަންނަ ކުރިއެރުމަށް ބެލުމަށް ފަހު އެވެ.
"ގޯލްއާރް" އަކީ ދިވެހި ޒުވާނުންތަކެއް އިސްނަގައިގެން ފަށާފައިވާ ޝައުގުވެރި މަސައްކަތެކެވެ. "ގޯލްއާރް" ވުޖޫދުވީ މިދިޔަ ޔޫރޯ ފުޓްބޯޅަ މުބާރާތުގެ ތެރެއިންނެވެ. އެ މުބާރާތުގައި ރާއްޖޭގެ ގިނަ އޮފީސްތަކުން މުވައްޒަފުންގެ މެދުގައި "ގޯލްއާރް" މެދުވެރިކޮށް ޕްރައިވެޓް ލީގުތައް ވެސް ވަނީ ބާއްވައިފަ އެވެ. އެ މުބާރާތުގައި "ގޯލްއާރް" އަށް ލިބުނު ތަރުހީބު ބޮޑެވެ.
"މިއީ މި ފަދަ ގޮތަކަށް ރާއްޖޭގެ ބަޔަކު ލޯކަލް އާއި އިންޓަނޭޝަނަލް ހިމެނޭގޮތަށް ހެދި ފުރަތަމަ އެޕް. މީގެ ތަފާތު ފީޗާސްތައް ހުންނާނެ. މިއީ ފުޓްބޯޅަ ސަޕޯޓަރުން ވަރަށް ގަޔާވާގޮތަށް ހެދިފައިވާ އެޕެއް،" ގޯލްއާރް އިން ބުންޏެވެ.
ޕްރައިވެޓް ލީގަކީ ދުނިޔޭގެ ފުޓްބޯޅައިގައި މި ވަގުތު ވަރަށް ބޮޑު ޓްރެންޑެކެވެ. ޔޫރޯ ފުޓްބޯޅަ މުބާރާތުން ފެށި "ގޯލްއާރް" އެޕްގައި މިހާރު ވެސް އެކްޓިވްކޮށް ގިނަ ބަޔަކު ޕްރައިވެޓް ލީގުތައް ހަދައިގެން ކުޅެ އެވެ.
ދުނިޔޭގެ ނަން މަޝްހޫރު ލީގުތައް ވެސް މިހާރު "ގޯލްއާރް" އެޕްގައި ޕްރިޑިކްޓް ދަ ސްކޯ އާއި ޕްރައިވެޓް ލީގު ފަކްޝަން ކުރެވެން ހުރެ އެވެ.
މި ފަހަރުގެ ސާފް ޗެމްޕިއަންޝިޕަށް "ގޯލްއާރް" އިން ޕްރައިވެޓް ލީގުތަކާއި އެހެނިހެން ސްކޯ ދިމާކުރުމުގެ ކަންކަން ފެށިއިރު، މިއި ހަގީގަތުގައި ދިވެހި އިތުރު މުބާރާތްތަކުގައި ވެސް މި ފަދަ ކަންކަން ކުރުމުގެ ފެށުމެކެވެ. ކުރިއަށް އޮތްތަނުގައި މި ފަދަ އިތުރު މުބާރާތްތަކުގައި ވެސް "ގޯލްއާރް" ފެންނާނެ އެވެ.
