މެނީލާ، ފިލިޕީންސް (ޖޫން 24) - ފިލިޕީންސްގެ ކުރީގެ ރައީސް ބެނީނޯ "ނޮއިނޮއި" އަކުއިނޯ އުމުރުން 61 އަހަރުގައި މިއަދު އަވަހާރަވެއްޖެ އެވެ.
އަކުއިނޯ ފިލިޕީންސްގެ ރައީސްކަން ކުރެއްވީ 2010 އިން 2016 އަށެވެ. އޭނާއަކީ ކުރީގެ ރައީސް ކޮރަޒޯން އަކުއިނޯ އަދި ކުރީގެ ސެނެޓަރު ބެނީނޯ "ނީނޯއި" އަކުއިިނޯގެ ދަރިކަލުންނެވެ.
ފިލިޕީންސްގެ މީޑިއާއިން ރިޕޯޓު ކުރި ގޮތުގައި މިއަދު ހެނދުނުގެ ވަގުތެއްގައި އަކުއިނޯއަށް އެމެޖެންސީ ސިއްހީ ފަރުވާ ދެއްވުމަށް މެނީލާގައި ހުންނަ ކެޕިޓަލް މެޑިކަލް ސެންޓަރަށް ގެންގޮސްފައި ވެ އެވެ.
ފޮރިން ސެކެޓްރީ ޓިއޮޑޮރޯ ލޮކްސިން ކުރެއްވި ޓްވީޓުގައި ވަނީ އަކުއިނޯ އަވަހާރަވުމާ ގުޅިގެން ހިތާމަފާޅު ކުރައްވާފަ އެވެ.
އަކުއިނޯއަށް ފަހު ފިލިޕީންސްގެ ވެރިކަމަށް ވަޑައިގެންނެވީ މިހާރުގެ ރައީސް ރޮޑްރިގޯ ޑުޓާޓޭ އެވެ.
