އިންޑިއާ އާއި ޕާކިސްތާނުގެ ދެބަސްވުން ހައްލު ކުރަން ސައުދީ އަރަބިއްޔާއިން ގޮވާލައިފި

ޕާކިސްތާނުގެ ބޮޑު ވަޒީރު އިމްރާން ހާން އަދި ސައުދީ ވަލީ އަހުދު އަމީރު މުހައްމަދު ބިން ސަލްމާން.-- ފޮޓޯ: އޭއެފްޕީ

ޕާކިސްތާނުގެ ބޮޑު ވަޒީރު އިމްރާން ހާން އަދި ސައުދީ ވަލީ އަހުދު އަމީރު މުހައްމަދު ބިން ސަލްމާން.-- ފޮޓޯ: އޭއެފްޕީ

ކަޝްމީރުގެ މައްސަލަ ހިމެނޭހެން އިންޑިއާ އާއި ޕާކިސްތާނުގެ ދެބަސްވުންތައް ހައްލު ކުރަން މަޝްވަރާ ކުރަން ސައުދީ އަރަބިއްޔާއިން ބާރު އަޅައިފި އެވެ.

ޕާކިސްތާނުގެ ބޮޑު ވަޒީރު އިމްރާން ހާން ސައުދީ އަރަބިއްޔާއަށް ކުރެއްވި ތިން ދުވަހުގެ ދަތުރުފުޅުގައި އިއްޔެ ވަނީ ވަލީ އަހުދު އަމީރު މުހައްމަދު ބިން ސަލްމާންއާ ބައްދަލުކުރައްވާފަ އެވެ.

ބައްދަލުވުމާ ގުޅޭ ގޮތުން ދެ ގައުމުގެ ފޮރިން މިނިސްޓްރީން ނެރުނު ޖޮއިންޓް ސްޓޭޓްމަންޓުގައި ބުނީ އިންޑިއާއާ މެދު ހުރި ހިޔާލު ތަފާތުވުންތައް ހައްލު ކުރުމުގެ މުހިއްމުކަން ސައުދީން ފާހަގަކުރާ ކަމަށެވެ.

"ސަރަހައްދީ ހަމަޖެހުމާއި ސުލްހަ ގާއިމް ކުރުމަށް، ޖައްމު އަދި ކަޝްމީރާއި އެހެން މައްސަލަތަކުގައި ވާހަކަދައްކައިގެން އެއްބަސްވުމަކަށް އަންނަން މަސައްކަތް ކުރުމުގެ މުހިއްމުކަން ފާހަގަކުރަން،" ބަޔާނުގައި ވެއެވެ.

އިންޑިއާ އާއި ޕާކިސްތާނަށް ކަޝްމީރު ދެ ފަޅިކޮށްލާ "ލައިން އޮފް ކޮންޓްރޯލް" ހިސާބުގައި ހަމަލާ ބަދަލު ކުރުން ހުއްޓާލުމަށް އެ ދެ ގައުމުން ދާދި ފަހުން އެއްބަސްވެފައި ވާތީ އެކަމަށް ވެސް ސައުދީ ވަލީ އަހުދު މަރުހަބާ ވިދާޅުވި އެވެ.

އިންޑިއާއާ އެކު ސުލްހަ ގާއިމް ކުރުމުގެ ވާހަކަތަކުގެ އިތުރުން ޕާކިސްތާނާއި ސައުދީ އަރަބިއްޔާގެ އެކި ގުޅުންތައް ކުރިއަރުވާނެ ގޮތްތަކާ ބެހޭ ގޮތުން ވެސް އިމްރާން ހާނާއި ސައުދީ ވަލީ އަހުދު މަޝްވަރާ ކުރެއްވި އެވެ.

އެގޮތުން ސައުދީ-ޕާކިސްތާން ސުޕްރީމް ކޯޑިނޭޝަން ކައުންސިލެއް އުފެއްދުމުގެ އެއްބަސްވުމުގައި ސޮއިކޮށް، ގާނޫނާ ހިލާފަށް ޑްރަގް ޓްރެފިކް ކުރުމުގެ މައްސަލާގައި ގުޅިގެން މަސައްކަތް ކުރުމުގެ މެމޮރެންޑަމް އޮފް އަންޑަސްޓޭޑިންއެއްގައި ވެސް ސޮއިކުރި އެވެ.

އޭގެ އިތުރުން ސައުދީ ފަންޑު ފޯ ޑެވެލޮޕްމަންޓުގެ އެހީގައި ޕާކިސްތާނުގައި ހަކަތަ އުފެއްދުމާއި އިންފްރާސްޓްރަކްޗާ ގާއިމް ކުރުމާއި ފެނުގެ ހިދުމަތް ތަރައްގީ ކުރުމާ ގުޅޭ އެއްބަސްވުންތަކުގައި ވެސް ސޮއިކުރި އެވެ.

ޕާކިސްތާނާ ސައުދީ އަރަބިއްޔާއިން ވަނީ ހުރިހާ މުސްލިމް ގައުމުތައް ގުޅިގެން ހަރުކަށި ފިކުރު ފެތުރުމާއި ޓެރަރިޒަމާ ދެކޮޅަށް މަސައްކަތް ކުރުމަށް ގޮވާލާފަ އެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox