އޮކްސިޖަން ޓޭންކެއް ގޮވާ އިރާގުގައި ކޮވިޑު ބަލީގެ 23 މީހުން މަރުވެއްޖެ

ކޮވިޑް ބަލި މީހުންނަށް ފަރުދާވޭ ހޮސްޕިޓަލުގައި އޮކްސިޖަން ޓޭންކު ގޮވުމުން 23 މީހުން މަރުވި.-- ފޮޓޯ: ގެޓީ އިމޭޖަޒް

ކޮވިޑް ބަލި މީހުންނަށް ފަރުދާވޭ ހޮސްޕިޓަލުގައި އޮކްސިޖަން ޓޭންކު ގޮވުމުން 23 މީހުން މަރުވި.-- ފޮޓޯ: ގެޓީ އިމޭޖަޒް

އިރާގުގެ ވެރިރަށް ބަގުދާދުގައި ކޮވިޑް ބަލި މީހުންނަށް ފަރުވާ ދޭ ހޮސްޕިޓަލެއްގައި އޮކްސިޖަން ޓޭންކެއް ގޮވާ ރޯވި އަލިފާންގަނޑުގެ ސަބަބުން 23 މީހުން މަރުވެއްޖެ އެވެ.

ހޮނިހިރު ދުވަހުގެ ރޭ އިބްން ހުތައިބް ހޮސްޕިޓަލުގައި ހިނގި އެ ހާދިސާގެ ސަބަބުން ގިނަ ބަޔަކު ޒަހަމް ވެސް ވި އެވެ. ރިޕޯޓުތައް ބުނާ ގޮތުން އަލިފާން ރޯވީ އޮކްސިޖެން ޓޭންކު ގޮވުމުންނެވެ.

ސޯޝަލް މީޑިއާގައި އާއްމުވެފައިވާ ވީޑިއޯތަކުން ފެންނަނީ ރޯވެފައިވާ އިމާރަތަކުން ނިކުންނަން މީހުން މަސައްކަތް ކުރާއިރު، އަލިފާން ނިވާ ސިފައިން ހަރަކާތްތެރިވާ މަންޒަރެވެ.

އިރާގުގެ ބޮޑު ވަޒީރު މުސްތަފާ އަލް ހަދީމީ ވަނީ އެ ހާދިސާގެ ތަހުގީގު ވަގުތުން ފެށުމަށް ގޮވާލައްވާފަ އެވެ.

އިރާގުގެ ސިވިލް ޑިފެންސްގެ ވެރިޔާ މޭޖާ ޖެނެރަލް ހަދީމް ބޯހާން ވިދާޅުވީ އަލިފާން ރޯވީ އައިސީޔޫއަށް ހާއްސަ ފަންގިފިލާގައި ކަމަށެވެ. އެ ތަނުގައި ތިބި 120 މީހުންގެ ތެރެއިން 90 މީހުން ސަލާމަތް ކުރި އެވެ.

އެ ތަނުން ސަލާމަތް ކުރި މީހުން މިހާރު ވަނީ އެހެން ހޮސްޕިޓަލްތަކަށް ބަދަލުކޮށްފަ އެވެ. ކޮވިޑު ބަލިމަޑުކަމުގެ ސަބަބުން އިރާގުގެ ހޮސްޕިޓަލްތަކަށް ވަނީ ބާރުބޮޑުވެފަ އެވެ.

ފެބްރުއަރީ މަހުން ފެށިގެން ކޭސްތައް އިތުރުވާން ފަށާފައިވާކަން ތަފާސްހިސާބުން ދައްކަ އެވެ. މިހާތަނަށް ޖުމްލަ 1،025،288 މީހުން އެ ގައުމުން ޕޮޒިޓިވްވެފައި ވާއިރު، 15،217 މީހުން މަރުވެފައި ވެއެވެ.

މިދިޔަ މަހު އިރާގުން ވެކްސިން ޕްރޮގްރާމް ފަށާފައި ވާއިރު، 650،000 ޑޯޒް ލިބިފައިވަނީ އދ. ގެ ކޯވެކް ފެސިލިޓީގެ ދަށުންނެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox