ސިނޮފާމް ވެކްސިންގެ ފުރަތަމަ ޑޯޒް ޖެހުމަށް ފަހު ދެވަނަ ޑޯޒަކަށް ކޮވިޝީލްޑް ވެކްސިން ޖެހި މީހާގެ ހާލު ގާތުން ބަލަމުންދާ ކަމަށް އެޗްޕީއޭ އިން ބުނި ވާހަކަތައް ދޮގުކޮށް، އޭނާގެ ހާލު ގޯސް ކަމަށް އެ މީހާ ބުނެފި އެވެ.
އެއާޕޯޓުގައި މަސައްކަތްކުރާ އަބްދުލް މަތީނު "އަދަދު"އަށް ބުނި ގޮތުގައި، އޭނާ ފުރަތަމަ ވެކްސިން ޑޯޒް ޖެހީ ހުޅުމާލެ ހޮސްޕިޓަލުންނެވެ. އެއަށް ފަހު ދެވަނަ ޑޯޒް ޖަހަން އޭނާ ދިޔައީ އެއާޕޯޓަށެވެ. މަތީނު ބުނާ ގޮތުން ގޯސް ހަދާފައި ވަނީ އެތަނުގައި ވެކްސިން ޖަހަން ތިބި މީހުންނެވެ.
މަތީންގެ ވެކްސިން ކާޑު: ގައިގައި ރިއްސާފައި ގަދަޔަށް ހުން އައިސްފައި ހުރި ކަމަށް އޭނާ ބުނި
އެނގުމުން އަޅާނުލާ ހުއްޓާ، ދަންވަރު ލޯ މައްޗަށް އަނދިރިވީ
މަތީނު ބުނި ގޮތުގައި އޭނާ އެއާޕޯޓަށް ދެވަނަ ޑޯޒް ޖަހަން ދިޔައީ އެއާޕޯޓު ފާސް އޮންނަ މީހުންނަށް އެތަނުން ވެކްސިން ޖެހޭ ކަމަށް އޭނާއަށް މައުލޫމާތު ލިބިފައި އޮތުމުންނެވެ.
އެއާޕޯޓަށް ދިޔުމަށް ފަހު ތަފާތު ހަތަރު ކައުންޓަރެއް ކައިރިއަށް ގޮސް، ހަތަރު މީހަކަށް އައިޑީ ކާޑު ދެއްކި ކަމަށް ބުންޏެވެ.
"އެތާ އިން ކުއްޖާ ކާޑު ބަލާފައި އިތުރު ފޯމެއް ފުރި. އެހެން ފޯމުތަކެއް. އެވަރު ބަލާފައި އަޅުގަނޑަށް މިކަންތައް ކޮށްފައި މި އޮންނަނީ" މަތީނު ބުންޏެވެ.
މަތީންގެ ގަޔަށް ޖެހީ ދެ ވައްތަރެއްގެ ވެކްސިނެއްކަން އޭނާއަށް އެނގުނީ ގެޔަށް އައިސް ވެކްސިން ކާޑު ބެލި ފަހުން ކަމަށް އޭނާ ބުނެ އެވެ.
"އެ ހިސާބުން އެކުވެރިއަކާ އެ މައުލޫމާތު ހިއްސާ ކުރުމުން، އެއީ ގޯހެއް ކަމަށް ބުނި. ނަމަވެސް، އޭރު މާބޮޑު ކަމެއް ނުވާތީ އަޅާނުލާ ހުރީ،" މަތީނު ކިޔައިދިނެވެ.
"އެހެން ހުއްޓައި 2:30 [މެންދަމު] ހާއިރު ފާޑަކަށް މޫނުމައްޗަށް އަނދިރި ވާން ފެށީ. އަޅުުގަނޑު ފާހަނާ ތެރޭ ހުއްޓާ ކިރިޔާ ނުވެއްޓުނީ ވެސް. ދެން މަޑުމަޑުން ފާހަނާއިން ނުކުމެގެން އައިސް އެނދުމަތީގައި އޮށޯތީ."
ގަދަޔަށް ހުން އައި، އެކަމަކު ހޮސްޕިޓަަލަކަށް ނުދޭ
މަތީނު ބުނީ އޭނާގެ ހެޔަށް ގޮތް ވާން ފެށުމުން ނުނިދުނު ކަމަށާއި ކުރީކޮޅު ގައިގައި ރިއްސާފައި ދެން ގަދައަށް ހުން އައީ ކަމަށް ބުންޏެވެ.
"މިހާރު ވެސް ތުރުތުރު އަޅާ ހުންނަނީ،" މަތީނު ބުންޏެވެ.
އެކަމަކު އޭނާ ހޮސްޕިޓަަލަކަށް ދާކަށް ބޭނުމެއް ނުވެ އެވެ.
"އަޅުގަނޑަށް ވާނުވާ ނޭނގޭތީ އަޅުގަނޑު ރައްޓެހިން ކައިރީ ބުނެގެން މިިއުޅެނީ" މަތީން ބުންޏެވެ.
އެޗްއީއޯސީން މިއަދު ބޭއްވި ނޫސްވެރިންގެ ބައްދަލުވުމެއްގައި ދެ ވައްތަރުގެ ވެކްސިން ޖެހުނު މީހާގެ ހާލު "ވަރަށް ގާތުން ބަލަމުންދާ" ކަމަށް ބުންޏެވެ. ނަމަވެސް، މަތީނު ވަނީ އެ ވާހަކަތައް ދޮގުކޮށްފަ އެވެ.
އަދި ބުނީ، ހެނދުނު ގުޅާފައި އެކަން ހިނގި ގޮތް ބަލަމުންދާ ކަމަށް އެޗްޕީއޭ އިން ބުނި ކަމަށާއި، ހާލު ބަލަން ގަޑި އިރަކު އެއް ފަހަރު ގުޅާނެ ކަމަށް ބުނި ނަމަވެސް، އޭގެ ފަހުން ނުގުޅާ ކަމަށެވެ.
