ޔާމީންގެ މެސެޖް: "މައުސޫމް މީހެއްގެ ގޮތުގައި ބައްދަލުކުރާނަން"

ކުރީގެ ރައީސް އަބްދުﷲ ޔާމީން: އެމަނިކުފާނު ވިދާޅުވަނީ ޖަލުން މިނިވަންވެ، ގައުމަށް ކުރިއެރުން ހޯއްދަވައިދެއްވާނެ ކަަމަށް. --ފޮޓޯ | ޕީޕީއެމް

ކުރީގެ ރައީސް އަބްދުﷲ ޔާމީން: އެމަނިކުފާނު ވިދާޅުވަނީ ޖަލުން މިނިވަންވެ، ގައުމަށް ކުރިއެރުން ހޯއްދަވައިދެއްވާނެ ކަަމަށް. --ފޮޓޯ | ޕީޕީއެމް

ޖަލުން މިނިވަންވެވަޑައިގެން "މައުސޫމް މީހެއްގެ ގޮތުގައި" ރައްޔިތުންނާ ބައްދަލުކުރައްވާނެ ކަމަށް ވިދާޅުވެ، އެ ވަގުތާ ހަމައަށް ޕީޕީއެމްގެ ފިކުރު ކުރިއަށް ނެރެ ބަދަހިކަމާ އެކު ތިބުމަށް, ކުރީގެ ރައީސް އަބްދުﷲ ޔާމީން ސަޕޯޓަރުންގެ ކިބައިން މިރޭ އެދިވަޑައިގެންފި އެވެ.

ލޯކަލް ކައުންސިލް އިންތިހާބަށް އެއް ދުވަހަށް ވެފައި ވަނިކޮށް, ދަރިކަލުން ޒެއިން އަބްދުﷲ ޔާމީން މެދުވެރިކޮށް ރައްޔިތުންނަށް ދެއްވި މެސެޖުގައި ޔާމީން ވިދާޅުވީ ގައުމުގެ ހާލަތާ މެދު އިންތިހާއަށް ކަންބޮޑުވެވަޑައިގަންނަވާ ކަމަށެވެ. މި ހާލަތުން ގައުމު ސަލާމަތްކޮށްދެވޭނީ ޕީޕީއެމްގެ ފިކުރަށް ކަމަށް ވިދާޅުވި އެވެ.

ޔާމީން ވިދާޅުވީ 2013ގައި ވެރިކަމަށް ވަޑައިގެން އިގްތިސާދު ކޮޅަށްޖަހައި، ހައްލުނުކުރެވޭނެ ކަމަށް ގިނަ ބަޔަކު ގަބޫލުކުރި ގައުމީ މަސްލަހަތާ ގުޅޭ މައްސަލަތައް ހައްލުކޮށްދެއްވި ކަމަށެވެ. އަދި ފުރިހަމަ ސިޔާދަތާއި މިނިވަންކަމުގައި އޮތް، ރައްޔިތުން ފަހުރުވެރިވާ ފަދަ ގައުމަކަށް ރާއްޖެ ބަދަލުކޮށްދެއްވި ކަމަށް ވެސް ވިދާޅުވި އެވެ.

މާފުށީ ޖަލުގައި އޮންނަވަން ޖެހިވަޑައިގަތުމަކީ، ޔާމީން ވިދާޅުވި ގޮތުގައި، އޭގެ ނަތީޖާ އެވެ.

އެމަނިކުފާނަށް ޖަލު ހުކުމެއް އިއްވީ ވާދަވެރި ސިޔާސީ ފަރާތްތަކާއި އެ ބޭފުޅުންނަށް ވާގިވެރިވާ ބޭރުގެ ފަރާތްތަކާއި ގުޅިގެން ކަމުގެ ތުހުމަތު ކުރެއްވި އެވެ.

ޔާމީން ވިދާޅުވީ ޕީޕީއެމާއި ޕީއެންސީގެ ފިކުރަކީ އެއްވެސް ބައެއްގެ ނުފޫޒުގެ ދަށުގައި ނުވެ ދިވެހިންގެ ކަންކަން އަމިއްލައަށް ނިންމުން ކަމަށެވެ. ބޮޑެތި ނުފޫޒުތަކުގެ އަޅުވެތި ކުރުމުގެ ފަލްސަފާއާ ދެކޮޅުވުމަކީ އެމަނިކުފާނަށް ފަސޭހަ ދަތުރެއް ނޫން ކަމަށް ވިދާޅުވި އެވެ.

"ތިޔަ ލޮބުވެތި ރައްޔިތުންނާ ދުރުގައި މާ އެކަހެރި ތަނެއްގައި އަޅުގަނޑު ފޮރުވައިގެން މި ގެންގުޅެނީ އެ ބޭފުޅުން މި ފިކުރުދެކެ ބިރުންނެވެ. އަޅުގަނޑުމެންގެ ހިތްވަރު ބަލިކޮށްލެވިދާނެ ކަމަށެވެ. އަޅުގަނޑުމެން އަމާން ދީފާނެކަމުގެ ފިނޑި ހިޔާލުގަ އެވެ،" ޔާމީން ވިދާޅުވި އެވެ.

އެމަނިކުފާނު ވިދާޅުވި ގޮތުގައި ބޭއިންސާފުގެ ކުރިމަތީގައި ކުޑަކަކޫ ނުޖައްސަވާނެ އެވެ. އަމިއްލަ ހިތްހަމަޖެހުމަށް ވުރެން އިސްކުރައްވާނީ ރައްޔިތުންގެ މަސްލަހަތާއި މި ގައުމުގެ އިސްތިގުލާލް ކަމަށް ވިދާޅުވި އެވެ.

"ބޭރު މީހުން މި ގައުމުގެ ދާހިލީ ކަންކަމުގެ ތެރެއަށް ވަދެ ގޮތް ކިޔައިގެން ނުވާނެ އެވެ. އެކަމަށް އަޅުގަނޑުމެން ފާރަވެރި ވާންޖެހޭނެ އެވެ،" ޔާމީން ވިދާޅުވި އެވެ.

"އަޅުގަނޑު ކުށެއް ނުކުރަމެވެ. އަޅުގަނޑުގެ ޟަމީރު މިކަމުގައި ވަރަށް ސާފެވެ. އަޅުގަނޑަށް އަނިޔާކޮށް ކުޑަ ގޮޅިއަކަށް ލައިގެން މިއުޅެނީ ކުށެއް ކޮށްގެނެއް ނޫނެވެ."

ޔާމީނަށް ޖަލު ހުކުމެއް އައީ ދައުލަތަށް ލިބެން ޖެހޭ އެއް މިލިއަން ޑޮލަރު އަމިއްލަ އެކައުންޓަށް ޖަމާކޮށް އަސްލު އޮޅުވާލައި މަންފާ ހޯދިކަން ސާބިތުވެގެންނެވެ. ފަސް އަހަރަށް އިއްވި މި ހުކުމް އިންސާފުވެރި ނޫން ކަމަށް އިދިކޮޅުން ދަނީ ބުނަމުންނެވެ.

އެމަނިކުފާނުގެ މައްޗަށް މަނީ ލޯންޑްރިންގެ އިތުރު ދައުވާއަކާއި ރިޝްވަތު ހިފުމުގެ ދައުވާއެއް ވެސް ވަނީ އުފުލައިފަ އެވެ.

ޔާމީން ވިދާޅުވި ގޮތުގައި ނުހައްގުން ޖަލުގައި އިންސާފުނުދީ ބަހައްޓާފައި ވަނީ ރައްޔިތުންގެ ހައްގުގައި ވަކާލާތު ކުރައްވާނެތީ އެވެ. ހަގީގީ އަނިޔާއަކީ އެއީ ކަމަށް ވިދާޅުވި އެވެ.

"މާތް ﷲގެ ވާގިފުޅާ އެކު ޖަލުން މިނިވަންވެ ތިޔަ ލޮބުވެތި އަޚުންނާއި އުޚުތުންނާއި ބައްދަލުކުރާނީ މައުސޫމް މީހެއްގެ ގޮތުގަ އެވެ،" ޔާމީން ވިދާޅުވި އެވެ.

ޔާމީން ވަނީ ޕީޕީއެމްގެ ލަޝްކަރު ބަދަހިކަމާ އެކު ކުރިއަށް ގެންގޮސްދޭން އެދިވަޑައިގެންފަ އެވެ. އިދިކޮޅު ކޯލިޝަނުން އެދޭ ރަންޒަމާން ރާއްޖެއަށް ހޯދައިދޭން ކުރާ ދަތުރުގައި އެމަނިކުފާނު ޖަލަށް ލުމަކީ ކުޑަކުޑަ މަޑުޖެހުމެއް ކަމަށް ވިދާޅުވި އެވެ.

އެހެންވިޔަސް އެ ދަތުރު އަލުން ފައްޓަވައި އުފާވެރި ދުވަސްތަކެއްގެ ދަންމަރު އަލުން ރޯކޮށް ޕީޕީއެމްގެ ފިކުރާއެކު ގައުމަށް ކުރިއެރުން ހޯއްދަވައިދެއްވާނެ ކަަމަށް ވިދާޅުވި އެވެ.

"ހުރިހާ ބޭފުޅުން ވެސް ހިތްވަރުކުރައްވައި ގަދައަޅައި މަސައްކަތް ކުރައްވާށެވެ. އަޅުގަނޑުމެން އެނބުރި އަންނާނީ ބަދަހިކޮށެވެ،" ޔާމީން ވިދާޅުވި އެވެ.

ޔާމީން ވަނީ ލޯކަލް ކައުންސިލް އިންތިހާބު ކާމިޔާބުކުރަން ޕީޕީއެމް/ޕީއެންސީ ކޯލިޝަނުން ކުރާ މަސައްކަތަށް ޝުކުރު އަދާކުރައްވައިފަ އެވެ. އެ ކޯލިޝަނުން ބުނެފައިވާ ގޮތުގައި މި އިންތިހާބުގައި ސިޓީ ކައުންސިލްތައް ހިމަނައިގެން ބޮޑު އަޣުލަބިއްޔަތެއް ނަގާނީ އެ ކޯލިޝަނުންނެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox