ދީބާޖާއަށް ބަދަލު ދޭން ކުރި ހުކުމް ބާތިލްކޮށްފި

ސުޕްރީމް ކޯޓު: ދީބާޖާގެ ހުކުމް ބާތިލްކޮށް އަލުން ބެލުމަށް ވަނީ ނިންމާފައި - ފޮޓޯ: ހުސެއިން ވަހީދު | އަދަދު

ސުޕްރީމް ކޯޓު: ދީބާޖާގެ ހުކުމް ބާތިލްކޮށް އަލުން ބެލުމަށް ވަނީ ނިންމާފައި - ފޮޓޯ: ހުސެއިން ވަހީދު | އަދަދު

ދީބާޖާ ކުންފުންޏަށް 348 މިލިއަން ރުފިޔާގެ ބަދަލެއް ނަގައިދިނުމަށް ސުޕްރީމް ކޯޓުން އިއްވާފައިވާ ހުކުމް ހަމަ އެ ކޯޓުން މިއަދު ބާތިލްކޮށްފި އެވެ. ނަމަވެސް, މައްސަލަ އަލުން ސުޕްރީމް ކޯޓަށް އިސްތިއުނާފަށް ހުށަހެޅުމުގެ ފުރުސަތު ފަނޑިޔާރުންގެ ބެންޗުން ދެއްވި އެވެ.

ދިބާޖާ މައްސަލަ އެންމެ ފުރަތަމަ ސިވިލް ކޯޓަށް ހުށަހެޅުމުން ނިންމީ އެ ކުންފުންޏަށް ބަދަލު ދޭން ޖެހޭ ކަަމަށެވެ. އެކަމަކު ހައި ކޯޓުން އެ ހުކުމް ބާތިލްކުރީ އެވެ.

ހައި ކޯޓުގެ ނިންމުމާ މެދު ހިތްހަމަނުޖެހިގެން ދީބާޖާއިން ސުޕްރީމް ކޯޓުގައި އިސްތިއުނާފްކުރުމުން، މައްސަލައިގެ މައުލޫއާ ގުޅޭ ގޮތުން އެއްވެސް ޝަރީއަތެއް ހިންގެވުމަކާ ނުލައި ބޮޑު ބަދަލެއް ދޭން ނިންމެވީ އެވެ. އެއީ، ދައުލަތުން ހައިކޯޓަށް މައްސަލަ ވެއްދީ އިސްތިއުނާފު ކުރުމުގެ މުއްދަތު ހަމަވި ފަހުން ކަމަށް ބުނާ ނުކުތާގެ އަލީގަ އެވެ.

އެ ހުކުމް ސުޕްރީމް ކޯޓުން ނެރުއްވީ މިހާރު މަގާމުން ވަކި ކުރައްވާފައިވާ ފަނޑިޔާރުން ބެންޗުގައި ތިއްބަވަނިކޮށެވެ.

ދައުލަތުން ހައިކޯޓަށް އެ މައްސަލަ ހުށަހެޅީ ޖުލައި 22، 2015ގަ އެވެ. ނަމަވެސް އިސްތިއުނާފު ކުރަން ލިބޭ 90 ދުވަހަށް ބަލާއިރު އެ މައްސަލަ އިސްތިއުނާފަށް ހުށަހެޅޭނެ އެންމެ ފަހު ތާރީހަކީ މާޗް، 12، 2015 އެވެ. -- އޭރު އަމަލު ކުރަމުން ދިޔަ އުސޫލުގައިވާ ގޮތުން ދަށު ކޯޓުތަކުގެ ހުކުމްތައް ހައިކޯޓުގައި އިސްތިއުނާފު ކުރަން 90 ދުވަހުގެ މުއްދަތެއް ލިބެ އެވެ.

ސުޕްރީމް ކޯޓުގެ އެ ހުކުމާއެކު، މަޝްރަހު ހޫނުވެގެން ގޮސް އެންމެފަހުން ރައްޔިތުންގެ މަޖިލީހުން ފާސްކުރީ އެ ހުކުމް ރިވިއު ކުރަން ހުށަހަޅަން ބަންޑާރަ ނައިބު އޮފީހަށް ދަންނަވާށެވެ. އެ މައްސަލަ ކާމިޔާބު ނުވާނެ ކަަމަށް ވިދާޅުވުމަށް ފަހު ވެސް ބަންޑާރަނައިބު އިބްރާހިމް ރިފްއަތު ފަހުން ނިންމެވީ ސުޕްރީމް ކޯޓަށް މައްސަލަ ހުށަހަޅުއްވާށެވެ.

ބަންޑާރަ ނައިބުގެ ފަރާތުން ހުށަހެޅި މައްސަލާގައި ހުކުމް އިއްވަމުން އެ މައްސަލަ ބައްލަވާ ބެންޗުގެ ރިޔާސަތުގައި އިންނެވި ފަނޑިޔާރު އައިޝާ ޝުޖޫން މިއަދު ވިދާޅުވި ގޮތުގައި، މައްސަލާގެ ހުކުމް އައިސްފައިވަނީ އިންސާފަށް ހުރަސްއެޅޭ ގޮތަށް ކަމަށެވެ. އެގޮތުން، ފަނޑިޔާރު ޝުޖޫން އެންމެ ބޮޑަށް ފާހަގަ ކުރެއްވީ އިސްތިއުފާނުގެ މުއްދަތާ ގުޅޭ ނުކުތާ އެވެ.

ޝުޖޫން ފާހަގަ ކުރެއްވި ގޮތުގައި އިސްތިއުނާފުގެ މުއްދަތަކީ ކަނޑައެޅިފައިވާ މުއްދަތެއް ނަމަވެސް، ބައެއް ހާލަތްތަކުގައި އިސްތިއުނާފުގެ މުއްދަތު ހަމަވުމުން ވެސް އެ ހުއްދަ ދިނުމަކީ ހައިކޯޓަށް ލިބިގެންވާ އިހްތިޔާރީ ބާރެއް ކަމަށެވެ. އެ ބާރުގެ ބޭނުން ހައިކޯޓުގެ ފަނޑިޔާރުން ބައެއް ހާލަތްތަކުގައި ހިފަން ޖެހޭނެކަން ޝުޖޫން ފާހަގަ ކުރައްވަމުން ވިދާޅުވީ އެ ހާލަތްތަކަކީ ވަކިން ކަނޑައަޅާފައިވާ ހާލަތްތަކެއް ނޫން ކަމެވެ. އަދުލު އިންސާފަށް އުނިކަމެއް ނުވަތަ ހަނިވާ ކަމަށް ގަބޫލު ކުރެވޭ ކޮންމެ ހާލަތެއްގައި އެ އިހްތިޔާރުގެ ބޭނުން ހިފަން ޖެހޭނެ ކަމަށެވެ.

މި މައްސަލާގައި ހައިކޯޓަށް ދައުލަތުން އިސްތިއުނާފު ހުށަހެޅުމަށް ލަސްވެގެން ދިޔަ ސަބަބެއް ކަމަށް ބަޔާންކޮށްފައިވަނީ ސިވިލް ކޯޓުގެ ޝަރީއަތް ނިމުނު ގޮތުގެ ރިޕޯޓް ލިބުން ލަސްވުމާއި އެ މައްސަލައާ ހަވާލުވެ ހުންނެވި ވަކީލްގެ އިހުމާލުން ކަމެވެ. މައްސަލާގައި ޝަރީއަތް ނިންމި ގޮތުގެ ރިޕޯޓް، ސިވިލް ކޯޓުން ދޫކުރީ 72 ދުވަސް ފަހުންނެވެ. އެއީ 14 ދުވަސް ތެރޭގައި ދޫކުރަން ޖެހޭ އެއްޗެކެވެ.

ޝުޖޫން ފާހަގަ ކުރެއްވި ގޮތުގައި، ޝަރީއަތް ނިންމި ގޮތުގެ ރިޕޯޓަކީ ވަރަށް އަސާސީ ހައްގެއް ކަމަށްވާ އިސްތިއުނާފު ކުރުމުގެ ހައްގާ ގުޅިފައިވާ އެއްޗަކަށްވާއިރު އެ ދޫނުކުރުން ލަސްކުރުމަކީ އިންސާފަށް ދަތި ކުރުން ކަމުގަ އެވެ. އޭނާ ވިދާޅުވި ގޮތުގައި، ހަގީގަތުގައި އިސްތިއުނާފު މުއްދަތު ގުނަން ޖެހޭނީ ވެސް ޝަރީއަތް ނިންމި ގޮތުގެ ރިޕޯޓް ދޫކުރާ ދުވަހުން ފެށިގެން ކަމަށެވެ.

"ޝަރީއަތް ނިންމި ގޮތުގެ ރިޕޯޓް އެތައް ދުވަހެއް ލަސްވެގެން ދިޔުމަކީ އިންސާފުގެ ހަމައަށް ބޭރު ކަމެއްކަން ޝަރުއީ އަދި ބުއްދީގެ ނަޒަރުން ބެލި ކަމުގައި ވިޔަސް އެނގިގެންދޭ،" ޝުޖޫން ފާހަގަ ކުރައްވާފަ އެވެ.

އިސްތިއުނާފުގެ މުއްދަތު ހަމަވި ފަހުން ވެސް މައްސަލަ ބަލައިގަނެ، ހައިކޯޓުގައި ޝަރީއަތް ކުރިއަށް ގެންދިޔަ ސަބަބެއް އެ ކޯޓުގެ ހުކުމްގައި ބަޔާންކޮށްފައިނުވީ ނަމަވެސް، ޝުޖޫން ގަބޫލު ކުރެއްވި ގޮތުގައި ހައިކޯޓުގައި އެ މައްސަލާގެ ޝަރީއަތް ހައިކޯޓުގައި ކުރިއަށް ގެންދިޔުން ރަނގަޅެވެ. އަދި ސުޕްރީމް ކޯޓުން އިސްތިއުނާފުގެ ނުކުތާގައި ހިފައި، މައްސަލާގެ މައުލޫއީ ގޮތެއްގައި ނުބަލައި ހުކުމް އިއްވުން ގޯހެވެ.

ދެން ފަނޑިޔާރު ޝުޖޫން ފާހަގަ ކުރެއްވީ ސުޕްރީމް ކޯޓުގެ ނިންމުމެއް، ހަމަ އެ ކޯޓުން ރިވިއުކޮށް އިތުރު ގޮތެއް ނިންމުމެއްގެ ބާރު ލިބިގެންވޭތޯ ކަމާމެދު އޮތް ނުކުތާއަށެވެ. އޭނާ ފާހަގަ ކުރެއްވި ގޮތުގައި އަދުލުއިންސާފަށް ފާޅުކަން ބޮޑު ގޮތެއްގައި އެޅިފައިވާ މައްސަލައެއްނަމަ، ސުޕްރީމް ކޯޓަށް އެ މައްސަލައެއް ރިވިއު ކުރުމުގެ ފުރުސަތު އޮންނާނެ ކަމަށް ގަބޫލު ކުރައްވާ ކަމަށެވެ.

މީގެކުރިން ސުޕްރީމް ކޯޓުން މައްސަލަތައް ރިވިއުކޮށްފައިވާކަން ފާހަގަ ކުރައްވަމުން ޝުޖޫން ވިދާޅުވި ގޮތުގައި، މި މައްސަލައަކީ ސުޕްރީމް ކޯޓަށް އަލުން ބެލިދާނެ މައްސަލައެއް ކަމެވެ.

ފަނޑިޔާރު ޝުޖޫން ހުކުމް ކުރެއްވީ، ހައިކޯޓުގެ ހުކުމަށް ރުޖޫއަވުމަށެވެ. އެއީ، ދީބާޖާ ކުންފުންޏަށް ބަދަލު ދޭން ނުޖެހުމެވެ. ނަމަވެސް އެ ހުކުމަށް އަހަރުތަކެއްވެފައިވާތީ އެންމެ އިންސާފުވެރި ގޮތަކީ، މައްސަލަ އަލުން ސުޕްރީމް ކޯޓަށް އިސްތިއުނާފު ކުރުމުގެ ފުރުސަތު ދިނުން ކަމުގައި ކަމަށް ޝުޖޫން ވިދާޅުވި އެވެ. މިއަދުން ފެށިގެން 15 ދުވަހުގެ ތެރޭގައި ދީބާޖާއިން ބޭނުންވާނަމަ، ހައިކޯޓުގެ ހުކުމް ސުޕްރީމް ކޯޓުގައި އިސްތިއުނާފު ކުރުމުގެ ފުރުސަތު އޮންނާނެކަން ފާހަގަ ކުރައްވަމުން ޝުޖޫން ވިދާޅުވި ގޮތުގައި އަލުން އިސްތިއުނާފުކޮށްފިނަމަ، މައްސަލަ މައުލޫއީ ގޮތެއްގައި އެ ކޯޓުން ބަލައި ހުކުމެއް ނެރޭނެ އެވެ.

ފަނޑިޔާރު ޝުޖޫންގެ މި ހުކުމަށް ބެންޗުގައި ދެން ތިއްބެވި، ފަނޑިޔާރު ޑރ. އަޒްމިރާލްދާ ޒާހިރު އަދި، ފަނޑިޔާރު ޑރ. މުހައްމަދު އިބްރާހީމް ތާއިދު ކުރެއްވި އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox