ބްރެޒިލްގައި އެއް ދުވަސް ތެރޭ ކޮވިޑު ޖެހިގެން 4000 މީހުން މަރުވެއްޖެ

ކޮވިޑުގައި މަރުވި މީހެއް ވަޅުލާއިރު، އާއިލާއިން ހިތާމަފާޅު ކުރަނީ-- ފޮޓޯ: ގެޓީ އިމޭޖަޒް

ކޮވިޑުގައި މަރުވި މީހެއް ވަޅުލާއިރު، އާއިލާއިން ހިތާމަފާޅު ކުރަނީ-- ފޮޓޯ: ގެޓީ އިމޭޖަޒް

ހަލުވިކަމާއެކު ފެތުރޭ ކޮވިޑުގެ ވޭރިއެންޓުގެ ސަބަބުން ބްރެޒިލްގައި ކޭސްތަކުގެ އަދަދު މަތިވެފައިވާ މި ދަނޑިވަޅުގައި ފުރަތަމަ ފަހަރަށް 24 ގަޑިއިރު ތެރޭގައި މި ބަލީގައި 4،000 އަށް ވުރެ ގިނަ މީހުން މަރުވެއްޖެ އެވެ.

ބީބީސީން ރިޕޯޓުކުރާ ގޮތުގައި ހާލަތު ގޯސްވެ، ބްރެޒިލްގެ ހުރިހާ ހޮސްޕިޓަލެއް ވަނީ ފުރިފަ އެވެ. އެހެންކަމުން ބައެއް މީހުން މަރުވަމުންދަނީ ފަރުވާގެ އިންތިޒާރުގައި މަޑުކޮށްގެން ތިއްބަ އެވެ. އެ ގައުމުގެ ސިއްހީ ނިޒާމު ހުއްޓުމަށް އައިސްދާނެ ކަމުގެ ބިރު މިހާރު އެބަ އޮތެވެ.

ކޮވިޑުގެ ބަލިމަޑުކަން ފެތުރެން ފެށި ފަހުން ބްރެޒިލްގައި ޖުމްލަ 337،000 މީހުން ވަނީ މަރުވެފަ އެވެ. މަރުވާ މީހުންގެ އަދަދުތައް ރިކޯޑު މިންވަރަށް އިތުރުވެފައިވީ ނަމަވެސް ލޮކްޑައުންގެ ފިޔަވަޅުތައް އެޅުމާ ރައީސް ޖެއާ ބޮލްސޮނާރޯ ދެކޮޅެވެ.

އެމަނިކުފާނު ވިދާޅުވެފައިވަނީ ވައިރަހުން ލިބޭ ގެއްލުމަށް ވުރެ ލޮކްޑައުންކޮށްގެން އިގްތިސާދަށް ލިބޭ ގެއްލުމުގެ ނުރައްކާ މާ ބޮޑުވާނެ ކަމަށެވެ. ރިޔާސީ ގަނޑުވަރުގެ ބޭރުގައި ސަޕޯޓަރުންނާ މުހާތަބު ކުރައްވާ ވާހަކަފުޅު ދައްކަވަމުން އިއްޔެ ބޮލްސޮނާރޯ ވަނީ ބައެއް ހިސާބުތަކުގެ ކައުންސިލްތަކުން އަޅާފައިވާ ފިޔަވަޅުތަކަށް ވެސް ފާޑުވިދާޅުވެފަ އެވެ.

އެގޮތުން ބޮލްސޮނާރޯ ވިދާޅުވީ އެ ފިޔަވަޅުތަކުގެ ސަބަބުން އޮބީސިޓީ އާއި ޑިޕްރެޝަން ފަދަ ބަލިތަކަށް މަގުފަހިވަމުންދާ ކަމަށާއި ވަޒީފާ ގެއްލުމުގެ މައްސަލަތައް ވެސް އިތުރުވެފައިވާ ކަމަށެވެ. އެ ވާހަކަފުޅުގައި ކޮވިޑުގެ ސަބަބުން މަރުވާ މީހުންގެ އަދަދުތަކަށް އިޝާރާތް ކުރައްވާފައެއް ނުވެ އެވެ.

މިހާތަނަށް ބްރެޒިލްގައި 13 މިލިއަނަށް ވުރެ ގިނަ މީހުން ކޮވިޑަށް ޕޮޒިޓިވްވެފައިވާ ކަމަށް އެ ގައުމުގެ ހެލްތު މިނިސްޓްރީގެ ތަފާސްހިސާބުން ދައްކަ އެވެ. މާޗް މަހުގެ ތެރޭގައި މި ބަލީގައި 66،570 މީހުން މަރުވިއިރު، މިއީ ފެބްރުއަރީ މަހާ އަޅާ ބަލާއިރު ދެ ގުނަ އިތުރު އަދަދެކެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox