މުއިއްޒު ހާޒިރު ކުރީ ސިޔާސީ ވިސްނުމުގައި ނޫން ކަމަށް އޭސީސީން ބުނެފި

މާލޭގެ މޭޔަރު ކަމަށް އިދިކޮޅު ކޯލިޝަނުން ވާދަ ކުރައްވާ ކުރީގެ ހައުސިން މިނިސްޓަރު، ޑރ. މުހައްމަދު މުއިއްޒު އެންޓި-ކޮރަޕްޝަން ކޮމިޝަން (އޭސީސީ) އަށް ހާޒިރު ކުރީ އިންތިހާބާ ދިމާކޮށް ސިޔާސީ ގޮތުން ބިރު ދެއްކުމަށް ކަމަށް ދެކެވޭ ވާހަކަތައް އެ ކޮމިޝަނުން ދޮގުކޮށްފި އެވެ.

ރައީސް އަބްދުﷲ ޔާމީންގެ ސަރުކާރުގައި އެންމެ ގިނަ މަޝްރޫ ހިންގި އެއް މިނިސްޓަރު ކަމަށްވާ މުއިއްޒު މިދިޔަ ހަފުތާގައި އޭސީސީއަށް ހާޒިރުކުރުމުން އެއީ އިންތިހާބުގައި ވާދަ ކުރައްވާތީ ބިރު ދެއްކުމަށް ކުރި ކަމެއް ކަމަށް ބުނީ އިދިކޮޅު ކޯލިޝަނުނުންނެވެ.

އެކަމަށް ރައްދު ދީ އޭސީސީއިން ނެރުނު ބަޔާނެއްގައި ބުނީ އެ ކޮމިޝަނުން މައްސަލަތައް ތަހުގީގު ކުރަނީ ދުރާލާ ޕްލޭންކޮށްގެން ކަނޑައަޅާފައިވާ އުސޫލުތަކެއްގެ ތެރެއިން ކަމަށެވެ. އެގޮތުން މައްސަލަތަކުގެ ތަހުގީގު ފަށާނެ ދުވަހާއި ނިންމާނެ ދުވަސް ކަނޑައަޅަނީ ސިޔާސީ ވިސްނުމަކަށް ނުވަތަ އިންތިހާބުތަކުގައި ވާދަކުރާ ކެނޑިޑޭޓުންނަށް އަމާޒުކޮށްގެން ނޫން ކަމަށް ވެސް އޭސީސީން ބުންޏެވެ.

އެ ކޮމިޝަނަށް ތަހުގީގުތަކަށް ހާޒިރުކުރާ މީހުންގެ މައުލޫމާތު މީޑިއާއާ އޭސީސީއިން ހިއްސާ ނުކުރާ ކަމަށް ވެސް ބަޔާނުގައި ބުނެފައިވެ އެވެ. އެގޮތުން މުއިއްޒު އެ ކޮމިޝަނަށް ހާޒިރު ކުރިކަން ވެސް މީޑިއާތަކާ ހިއްސާކޮށްފައި ނުވާނެ ކަމަށް ބަޔާނުގައި ބުނެފައިވެ އެވެ.

"(އިއްޔެ) ޑރ. މުހައްމަދު މުއިއްޒު ކޮމިޝަނަށް ހާޒިރުކޮށްފައިވަނީ ކުރިއަށް އޮތް ލޯކަލް ކައުންސިލް އިންތިހާބާ ދިމާކޮށް ނުފޫޒު ފޯރުވަންކަމަށް ވާހަކަ ދެކެވޭއިރު، ކޮމިޝަނުން ބަލަމުންދާ މައްސަލައަކާ ގުޅިގެން ލޯކަލް ކައުންސިލް އިންޔިޚާބު އިއުލާނުކުރި ފަހުން ވެސް މީގެ ކުރިން ޑރ. މުހައްމަދު މުއިއްޒު ކޮމިޝަނަށް ހާޒިރުކޮށްފައިވާނެ އެވެ. ނަމަވެސް އޭރުގައި ވެސް ކޮމިޝަނުގެ ފަރާތުން އެކަން މީޑީއާއަށް ހިއްސާކޮށްފައެއް ނުވާނެ އެވެ." ރައްދުގައި އޭސީސީގެ ބަޔާނުގައި ލިޔެފައިވެ އެވެ.

މުއިއްޒު އޭސީސީއަށް ހާޒިރު ކުރުމަކީ އިންތިހާބަށް ނުފޫޒު ފޯރުވުމަށް ކޮމިޝަނުން ވަކި ފަރާތަކުން އަންގައިގެން ކުރާ ކަމެއް ކަމަށް ދޭހަވާގޮތަށް ދައްކާ ވާހަކަތަކަކީ ހަގީގަތާއި ހިލާފަށް އަދި ކޮމިޝަނާ މެދު ނުބައި ތަސައްވަރެއް އުފެއްދުމަށް ކުރާ ކަމެއްކަމަށް ބުނެ ބަޔާނުގައި ވަނީ ކަންބޮޑުވުން ފާޅުކޮށްފަ އެވެ. ސޯޝަލް މީޑިއާގައި އެ ކޮމިޝަންގެ މެމްބަރުންނަށް ފުރައްސާރަ ކުރަމުން ދާކަން ފާހަގަކޮށް އެކަންކަމަށް ބެލުމެއް ނެތި ކޮމިޝަނުގެ ގާނޫނީ ވާޖިބު އަދާ ކުރުމުގައި ފަސް ނުޖެހޭނެ ކަމަށް ވެސް ބަޔާނުގައި ބުނެފައިވެ އެވެ.

ކޮރަޕްޝަންގެ ތުހުމަތު ކުރެވޭ މައްސަލައެއްގައި މުއިއްޒު އޭސީސީއަށް ހާޒިރުކޮށްފައިވާއިރު އެއީ ސީދާ ކޮން މައްސަލައެއްކަން އޭސީސީން ހާމައެއް ނުކުރެ އެވެ.

ހައުސިން ޔުނިޓްތަކެއް އެޅުމަށް ނޫމަޑިއާ އެކު ހެދި އެއްބަސްވުން އުވައިލުމުން ދައުލަތުން ބަދަލުދޭން ޖެހުނު މައްސަލައިގައި މުއިއްޒާ ދެކޮޅަށް ދައުވާކޮށް، ޕްރޮސެކިއުޓާ ޖެނެރަލްގެ އޮފީހުން ކްރިމިނަލް ކޯޓަށް މިދިޔަ އަހަރުގެ ޖޫން މަހު ވަނީ ހުށަހަޅައިފަ އެވެ. އެ ދައުވާ އުފުލުމުން ވެސް މުއިއްޒު އޭރު ވިދާޅުވީ އެއީ ސިޔާސީ ގޮތުން ކުރި ދައުވާއެއް ކަމަށެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox