ތެޔޮ ކާރިސާއާ ގުޅިގެން އޭޝިއާ ގައުމުތަކަށް ޖަޕާނުގެ ބޮޑު އެހީއެއް
އޭޝިއާގެ ގައުމުތަކުގެ ހަކަތައިގެ ރައްކާތެރިކަން ކަށަވަރުކުރުމަށާއި ސަޕްލައި ޗެއިންތައް ދެމެހެއްޓުމަށްޓަކައި 10 ބިލިއަން ޑޮލަރުގެ އެހީއެއް ދިނުމަށް ޖަޕާނުން ނިންމައިފިއެވެ. މި އެހީގެ މައިގަނޑު ބޭނުމަކީ ހަނގުރާމައިގެ ސަބަބުން ތެޔޮ ލިބުމަށް ކުރިމަތިވާ ދަތިތަކުން އަރައިގަތުމަށް އޭޝިއާގެ ގައުމުތަކަށް އެހީތެރިވުމާއި، ތެޔޮ ރައްކާކުރާ މިންވަރު އިތުރުކުރުމެވެ. މި އިސްނެގުމަށް އޭޝިއާގެ ގިނަ ގައުމުތަކެއްގެ ލީޑަރުން ވަނީ މަރުހަބާ ވިދާޅުވެފައެވެ.
