ހަކަތަ އިގުތިސޯދު ކުރުމަށް ދެކުނު ކޮރެއާއިން ގިނަ ފިޔަވަޅުތަކެއް އަޅަނީ

Mar 24, 2026, 10:26 AM
ހަކަތަ އިގުތިސޯދު ކުރުމަށް ދެކުނު ކޮރެއާއިން ގިނަ ފިޔަވަޅުތަކެއް އަޅަނީ

މެދުއިރުމަތީގައި ހިނގަމުންދާ ހަނގުރާމައާ ގުޅިގެން ހަކަތަ އިގުތިސޯދު ކުރުމަށް ގިނަ ފިޔަވަޅުތަކެއް އެޅުމަށް ދެކުނު ކޮރެއާގެ ސަރުކާރުން އެ ގައުމުގެ ރައްޔިތުންގެ އަރިހުން އެދިއްޖެ އެވެ.

އިރާން ހަނގުރާމައިގެ ސަބަބުން ތެލާއި ގޭސް ލިބުމަށް ހުރަސް އެޅިދާނެތީ، ދެކުނު ކޮރެއާގެ ރައީސް ލީ ޖައި މިއުންގް މުޅި ގައުމުގައި ހަކަތަ އިގްތިސާދު ކުރުމުގެ ކެމްޕޭނެއް އިއުލާނު ކުރެއްވީ މިއަދު އެވެ.

މި ކެމްޕޭނުގެ ދަށުން ސަރުކާރުގެ މުއައްސަސާތަކުގައި ބޭނުންކުރާ އަމިއްލަ ކާރުތައް ބޭނުންކުރުން މަދުކުރުމަށް ވަނީ ނިންމާފަ އެވެ.

ދެކުނު ކޮރެއާގެ ސަރުކާރުން ވަނީ ހަކަތަ އިގުތިސޯދު ކުރުމުގެ 12 ފިޔަވަޅެއް އެޅުމަށް އާންމުންނަށް ގޮވާލާފަ އެވެ. އޭގެ ތެރޭގައި ފެންވަރާ ވަގުތު ކުރުކުރުމާއި، ފޯނާއި އިލެކްޓްރިކް އުޅަނދުތައް ދުވާލު ގަޑީގައި ޗާޖުކުރުމާއި، އަދި ދޮންނަ މެޝިނާއި ވެކިއުމް ކްލީނަރު ފަދަ ތަކެތި ބަންދު ދުވަސްތަކުގައި ބޭނުންކުރުން ހިމެނެ އެވެ.

އޭގެ އިތުރުން އެންމެ ގިނައިން ތެޔޮ ބޭނުންކުރާ 50 ކުންފުންޏަކަށް ތެޔޮ ބޭނުންކުރާ މިންވަރު މަދުކުރުމަށް އަންގާނެ ކަމަށާއި، ވަޒީފާއަށް ނުކުންނަ ގަޑިތަކަށް ބަދަލު ގެނައުމަށް ބާރު އަޅާނެ ކަމަށް ވެސް އެ ގައުމުގެ ސަރުކާރުން ވަނީ ހާމަކޮށްފަ އެވެ.

ކުރު މުއްދަތުގެ ފިޔަވަޅުތަކުގެ އިތުރުން، އެނާޖީ މިނިސްޓަރު ކިމް ވިދާޅުވީ މެއި މަހުގެ ނިޔަލަށް ފަސް ނިއުކްލިއާ ރިއެކްޓަރު އަލުން އޮޕަރޭޓް ކުރަން ފަށާނެ ކަމަށެވެ. އަދި ބޭރުން ގެންނަ ގޭހަށް ބަރޯސާވާ މިންވަރު ކުޑަކުރުމަށްޓަކައި، ކޯލް ޕްލާންޓްތަކުގެ ގަވާއިދުތަކަށް ލުއިދީ، އިއާދަކުރަނިވި ހަކަތަ ބޭނުންކުރާ މިންވަރު އިތުރުކުރަން އެ ގައުމުން ވަނީ މަސައްކަތް ފަށާފަ އެވެ.

ހަނގުރާމައިގެ ސަބަބުން އިގުތިސޯދަށް އަތުވެދާނެ ލޮޅުންތަކުން ސަލާމަތްވުމަށްޓަކައި 16.6 ބިލިއަން ޑޮލަރުގެ ސަޕްލިމެންޓްރީ ބަޖެޓެއް ހުށަހެޅުމަށް ވެސް ދެކުނު ކޮރެއާގެ ސަރުކާރުން އަންނަނީ ތައްޔާރުވަމުންނެވެ. އެ ބަޖެޓުގެ ދަށުން އާންމުންނަށް ކޭޝް ވައުޗަރު ދިނުމާއި ކުންފުނިތަކަށް މާލީ އެހީތެރިކަން ފޯރުކޮށްދިނުން ހިމެނެ އެވެ.

ދެކުނު ކޮރެއާއަކީ ބޭނުންވާ ސާފުނުކުރާ ތެލުގެ 70 އިންސައްތަ އެ ކަނޑުއޮޅިން އެތެރެކުރާ ގައުމަކަށް ވުމުން، އެގައުމަށް ހަކަތައިގެ ބޮޑު ކާރިސާއަކާ ވަނީ ކުރިމަތިލާން ޖެހިފައެވެ. ދެކުނު ކޮރެއާގެ އަތުގައި 190 މިލިއަން ފީފާގެ ތެޔޮ ރިޒާވް އެބަހުއްޓެވެ. ނަމަވެސް، ދިރާސާކުރާ ފަރާތްތަކުން ބުނަނީ، މި ރިޒާވު ދެ މަސްދުވަހަށް ވެސް ނުފުދޭނެ ކަމަށެވެ.

ކޮމެންޓް

ފަހުގެ ޚަބަރު

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

Newsletter

Get the latest news delivered straight to your inbox