ރާއްޖޭގައި ކުޅޭ ފުޓްސަލްގެ އެންމެ ބޮޑު އެއް މުބާރާތް ކަމަށްވާ ކްލަބް މޯލްޑިވްސްގެ ސެމީ ފައިނަލް މެޗުތައް އައިސް ޓީވީން ވަގުތުން ބެލޭނެ ކަމަށް މީޑިއާނެޓުން ބުނެފި އެވެ.

ސެމީގެ ފުރަތަމަ މެޗުގައި މާދަމާ ރޭ 20:30 ގައި ވާދަކުރާނީ އާރްއާރްސީ އާއި މޯލްޑިވިއަން އެވެ. ސެމީގެ ދެވަނަ މެޗުގައި މާދަމާ ރޭ 22:30 ގައި އެސްޓިއޯ އިން ވާދަކުރާނީ އެމްޕީއެލްއާ ދެކޮޅަށެވެ.

މޯލްޑިވިއަން ސެމީއަށް ދަތުރުކުރީ 3-2 އިން ސްޓެލްކޯ ބަލިކުރުމަށްފަހު ކަމަށްވާއިރު، އާރްސީސީ ސެމީއަށް ދަތުރުކުރީ 3-2 އިން އެމްއޭސީއެލް ބަލިކޮށްފަ އެވެ. އެމްޓީސީސީ 3-2 ގެ އިން ބަލިކޮށް އެސްޓީއޯއިން ސެމީގެ ޖާގަ ހޯދިއިރު، އެމްޕީއެލްއިން ސެމީގެ ޖާގަ ހޯދީ 6-0 އިން ފެނަކަ ބަލިކޮށްގެންނެވެ.

މުބާރާތުގެ ފައިނަލް މެޗު ކުޅޭނީ އަންނަ ހޮނިހިރު ދުވަހުގެ ރެ އެވެ. އެ މެޗު ވެސް އައިސް ޓީވީން ވަގުތުން ދުރަށް ދެއްކުމަށް ވަނީ ހަމަޖެހިފަ އެވެ.