މާޒިޔާ އަށް ޕޯޗުގަލްގެ ޑިފެންޑަރެއް

20 މާރިޗު 2025 - 04:15 0

އަތޫފް އާތިފް

އ


މާޒިޔާ އަށް ޕޯޗުގަލްގެ ޑިފެންޑަރެއް

20 މާރިޗު 2025 - 04:15 0

އަންނަ ސީޒަނަށް މާޒިޔާ ސްޕޯޓްސް އެންޑް ރެކްރިއޭޝަން އިން ސްކޮޑް ވަރުގަދަ ކުރުމުގެ ގޮތުން ޕޯޗުގަލް އަށް ނިސްބަތްވާ ޑެފެންޑަރު ލުއިސް އަލްމައިޑާގެ ސޮއި ހޯދައިފި އެވެ.

މީގެ ކުރިން އެމެރިކާ އަދި ސްޕެއިންގެ އެކި ޑިވިޝަންތަކުގައި ކުޅެފައިވާ ޑެފެންޑަރު ލުއިސް އަކީ އަންނަ ސީޒަނަށް މާޒިޔާ އިން ގެނައި ދެވަނަ ކުޅުންތެރިޔާ އެވެ. މީގެ ކުރިން މާޒިޔާ އިން ވަނީ މޮޒަމްބީކުގެ މިޑްފިލްޑަރު ރިކާޑޯ މޮންޑްލޭންގެ ސޮއި ހޯދައިފަ އެވެ.

މާޒިޔާ އިން ބިދޭސީ ތިން ކުޅުންތެރިން ގެންނަން ނިންމާފައިވެ އެވެ. އެފްއޭއެމުން މި އަހަރު ގެނެސްފައިވާ އެއް ބަދަލަކީ، ޓީމުތަކަށް ގެނެވޭ ބިދޭސީ ކުޅުންތެރިންގެ އަދަދު ތިނަކަށް ކުޑަކުރުމެވެ.

މި ފަހަރުގެ ސީޒަނަށް މާޒިޔާ އިން ނުކުންނަނީ ރާއްޖޭގައި ބާއްވާ ހުރިހާ ޑޮމެސްޓިކް މުބާރާތްތަކެއް ކާމިޔާބުކުރުމަށް ޓާގެޓް ކޮށްގެންނެވެ. އަދި އެ ޓީމުން ވަނީ އަންނަނީ އަންނަ ސީޒަނަށް އެ ޓީމުގެ ސްކޮޑް ވަރުގަދަ ކުރުމަށް މަސައްކަތް ކުރަމުންނެވެ.

އެ ގޮތުން މި ސީޒަނުގައި އަލުން އެ ޓީމަށް ގުޅުނު ކުޅުންތެރިންގެ ތެރޭގައި، ކުރިން އެ ޓީމަށް ކުޅުނު ތަޖުރިބާކާރު ކުޅުންތެރިޔާ ޔަސްފާދު ހަބީބު (މުލަކޭ) އާއި މޫސާ ޔާމީން (ޔާމްބެ) ހިމެނެ އެެވެ.

މާޒިޔާ އަކީ މި ސީޒަނަށް ތައްޔާރުވުމުގެ ގޮތުން ފަރިތަކުރުންތައް ފެށި ފުރަތަމަ ޓީމެވެ. އެ ޓީމުން ވަނީ ފަރިތަކުރުންތައް ފެށުމުގެ ކުރިން އެ ޓީމުގެ ކޯޗަކަށް، ސްޕެއިނުގެ ތަޖުރިބާކާރު ކޯޗު ލުއިސްމާ ހެނާންޑޭޒް ހަމަޖައްސައިފަ އެވެ. ލުއިސްމާ އަކީ އޭޝިއާ ފުޓްބޯޅައިގެ ތަޖުރިބާ ބޮޑު ކޯޗެކެވެ.

އެންމެ ފަހުން ހަަަތަރު ފަހަރު ވެސް ލީގު ޗެމްޕިއަންކަން ހޯދި، މާޒިޔާ އިން ސީޒަން ހުޅުވަން ކުޅޭ ޗެރެޓީ ޝީލްޑް މެޗުގައި އަންނަ މަހުގެ އަށް ވަނަ ދުވަހު ނުކުންނާނީ ކްލަބް އީގަލްސްއާ ދެކޮޅަށެވެ. ޗެރިޓީ ޝީލްޑް މެޗުގެ އެންމެ ކާމިޔާބު ޓީމަކީ، މާޒިޔާ އެވެ. އެއީ، ފަސް ފަހަރު ހޯދައިގެންނެވެ.