ބަންގްލަދޭޝްގެ އިންޓަނޭޝަނަލް ކްރައިމްސް ޓްރައިބިއުނަލް (އައިސީޓީ) އިން އެ ގައުމުގެ ކުރީގެ ބޮޑުވަޒީރު ޝައިހް ހަސީނާ ހައްޔަރު ކުރަން ދެވަނަ ފަހަރަށް މިއަދު އަމުރެއް ނެރެފި އެވެ.

އައިސީޓީން ހަސީނާ ހައްޔަރު ކުރަން ކޯޓު އަމުރެއް ނެރުނީ މިދިޔަ އަހަރުގެ ޖުލައި އަދި އޯގަސްޓް މަހު ބަންގްލަދޭޝްގެ ކުރީގެ ސަރުކާރާ ދެކޮޅަށް މުޒާހަރާއަށް ނިކުތް މީހުންނާ މެދު އަމަލު ކުރި ގޮތުންނެވެ.

އައިސީޓީން މިއަދު ބޭއްވި އަޑުއެހުމެއްގައި ނިންމީ ހަސީނާ ހައްޔަރުކޮށްގެން އެ ކޯޓަށް ފެބްރުއަރީ 2، ގައި އެ ކޯޓަށް ހާޒިރު ކުރުމަށެވެ.

ހަސީނާގެ އިތުރުން 12 މީހެއް ހައްޔަރުކޮށްގެން ކޯޓަށް ހާޒިރު ކުރުމަށް ވެސް ވަނީ އަމުރުކޮށްފަ އެވެ.

ބަންގްލަދޭޝްގައި ކުރި މުޒާހަރާތަކުގައި 753 މީހަކު މަރުވެ، އެތައް ހާސް ބަޔަކު ޒަހަމްވިއިރު، މުޒާހަރާގެ ބައިވެރިންނާ ފުލުހުންގެ އިތުރުން އޭރުގެ ސަރުކާރު ސަޕޯޓަރުން ކުރިމަތިލި އެވެ.

މުޒާހަރާތަކުގައި ބައިވެރިވި މީހުންނާ ދެކޮޅަށް ހިންގި ލާއިންސާނީ އަމަލުތަކާ ގުޅިގެން 60 އަށްވުރެ ގިނަ މައްސަލަ އައިސީޓީއަށް ވަނީ ހުށަހަޅާފަ އެވެ.

މުޒާހަރާތައް ކޮންޓްރޯލުން ނެއްޓުމާ ގުޅިގެން މިދިޔަ އޯގަސްޓް 5، ގައި ހަސީނާ ވަނީބޮޑުވަޒީރު ކަމުން މަގާމުން އިސްތިއުފާ ދެއްވުމަށްފަހު، ފިއްލަވައިގެން އިންޑިއާއަށް ވަޑައިގެންފަ އެވެ. އަދިވެސް ހަސީނާ ހުންނެވީ އިންޑިއާގައި ކަމަށް ރިޕޯޓްތައް ބުނެ އެވެ.