ޕަބްލިކް ސާވިސް މީޑިއާ (ޕީއެސްއެމް) ގެ މެނޭޖިން ޑިރެކްޓަރު (އެމްޑީ) ގެ މަގާމަށް އިބްރާހިމް ނަސްރީން މިއަދު އައްޔަނު ކުރައްވައިފި އެވެ.

ޕީއެސްއެމްގެ އެމްޑީއަކަށް ނަސްރީން އައްޔަނުކުރިކަން "އަދަދު" އަށް ކަށަވަރުވީ ނަމަވެސް ޕްރައިވެޓައިޒޭޝަން އެންޑް ކޯޕަރައިޓޭޒަޝަން ބޯޑުން (ޕީސީބީ) އިން އަދި މިކަން އަދި ހާމައެއް ނުކުރެ އެވެ.

Advertisement

ޕީއެސްއެމްގެ ޗީފް ކޮމާޝަލް އޮފިސަރުގެ މަގާމުގައި ހުންނެވި ނަސްރީން އެމްޑީގެ މަގާމަށް ހަމަޖެއްސީ އެ މަގާމުގައި ހުންނެވި މުހައްމަދު ސައީދު އިސްތިއުފާ ދެއްވުމާ ގުޅިގެންނެވެ.

މި ސަރުކާރުން ޕީއެސްއެމްގެ އެމްޑީއަކަށް އެންމެ ފުރަތަމަ ހަމަޖެއްސެވި ޒީނާ ޒާހިރު އިސްތިއުފާ ދެއްވުމުން، އެ މަގާމަށް ސައީދު އައްޔަނު ކުރީ އޮގަސްޓް 25، ގަ އެވެ.

ނަސްރީންއަކީ ޕީއެސްއެމްގެ އެމްޑީއަކަށް އެއް އަހަރު ތެރޭ އައްޔަނު ކުރެއްވި ތިންވަނަ އެމްޑީ ކަމަށްވާއިރު، އެ ޗެނަލްއިން ގެނެސްދީފައިވާ ކޮންޓެންޓްގެ މައްސަލަތަކެއް ފެންމަތިވެ ވަރަށް ފަހުން މުވައްޒަފުންތަކެއް ވެސް ވަނީ ސަސްޕެންޑު ކޮށްފަ އެވެ.