ޓްރީޓޮޕް ހޮސްޕިޓަލުން ގޭގައި ތިބެގެން ފިޒިއޮތެރަޕީ ފަރުވާ ލިބޭގޮތަށް ހާއްސަ ކޮށްފައިވާ "ހޯމް ކެއާ" ފިޒިއޮތެރަޕީގެ އާ ދެ ޕެކޭޖެއް ތައާރަފް ކޮށްފި އެވެ.

ޓްރީޓޮޕުން ބުނީ އާ ޕެކޭޖުތަކުގެ މަގްސަދަކީ ފަރުވާހޯދާ ފަރާތްތަކަށް ހަރަކާތްތެރިކަން އިތުރުކޮށް، ތަދު ލުއިކޮށްދީ، އަދި ދިރިއުޅުމުގެ ފެންވަރު ރަނގަޅުކުރެވޭނެ ފިޒިއޮތެރަޕީ ފަރުވާ ފަސޭހައިން ލިބުން ކަމަށެވެ.

ޕެއިން މެނޭޖްކުރުމުގެ ޕެކޭޖް ނުވަތަ ތަދު ލުއިކުރާ ފަރުވާ

ޕެއިން މެނޭޖްކުރުމުގެ ޕެކޭޖު ހާއްސަކޮށްފައި ވަނީ ދިގު މުއްދަތަކަށް ނުވަތަ ކުއްލިއަކަށް ވާ ތަދުތަކަށް ލުޔެއް ހޯދަން ބޭނުންވާ ފަރާތްތަކަށެވެ. ޕެކޭޖުގައި ހިމެނެނީ:

• ބަލިމީހާގެ ބޭނުންތަކަށް ހާއްސަ ކޮށްގެން ތައްޔާރުކޮށްފައިވާ އަސާސީ ތެރަޕިއުޓިކް އެކްސަސައިޒް ނުވަތަ ކަސްރަތު ފަރުވާ.

• ތަދު ލުއިކޮށްދިނުމަށް ހާއްސަ ކޮށްފައިވާ އިލެކްޓްރޯ ތެރަޕީ ފަރުވާތައް.

• ތަދު ލުޔިކުރުމަށް ބޭނުންކުރާ ޓެކްނިކްތަކާބެހޭ އިރުޝާދު.

އެ ޕެކޭޖަކީ ތަދު ލުއިކުރުމަށް އެކި އާލާތްތަކާއި މާހިރުންގެ އިރުޝާދާއިއެކު ދެވޭ ފުރިހަމަ، ވަށައިޖެހޭ ފަރުވާލިބޭ ޕެކޭޖެއް ކަމަށް ޓްރީޓޮޕުން ބުންޏެވެ.

ފަންކްޝަނަލް އިމްޕްރޫވްމަންޓް ޕެކޭޖު

ފަންކްޝަނަލް އިމްޕްރޫވްމަންޓް ޕެކޭޖަކީ ހަރަކާތްތެރިކަން އިތުރުކޮށް، ދުވަހުން ދުވަހަށް ކުރާ މަސައްކަތްތައް ފަސޭހައިން ކުރުމަށް ފަރުމާކޮށްފައިވާ ޕެކޭޖެކެވެ. އެ ޕެކޭޖުގައި ހިމެނެނީ:

• ހަރަކާތްތެރިކަން އިތުރުކުރުމުގެ ގޮތުން ދެވޭ ހާއްސަ ތެރަޕިއުޓިކް ފަރުވާ.

• ހަރަކާތްތެރިކަން ރަނގަޅުކުރުމަށް ބޭނުންވާ އިރުޝާދު، އޭގެ ސަބަބުން ބަލިމީހުންނަށް އަމިއްލައަށް ކަސްރަތު ފަރުވާ ހޯދޭނެ.

• އިތުރަށް ނެގިދާނެ ފަރުވާ ނުވަތަ އެޑްއޮން ފަރުވާތަކުގެ ތެރޭގައި، އިންޓަފްރެންޝަލް ތެރަޕީ އަދި އަލްޓްރާސައުންޑް ތެރަޕީ ހިމެނޭ. އޭގެ ސަބަބުން ފަރުވާހޯދާ ފަރާތްތަކަށް އެންމެ ފުރިހަމަ ފިޒިއޮތެރަޕީ ފަރުވާ ލިބިގެންދާނެ،

އެ ޕެކޭޖަކީ އެކިކަހަލަ އިންޖަރީ ނުވަތަ އަނިޔާލިބި، ރަނގަޅުވަމުންދާ މީހުންނަށާއި، އަދި ހަށިގަނޑުގެ ހަރަކާތްތެރިކަމާއި ގާބިލުކަން އިތުރުކުރަން ބޭނުންވާ މީހުންނަށް އެންމެ އެކަށީގެންވާ ޕެކޭޖެކެވެ.

ޓްރީ ޓޮޕް ހޮސްޕިޓަލަކީ ދިވެހިރާއްޖޭގެ ސިއްހީ ހިދުމަތުގެ ދާއިރާގައި އިސް ދައުރެއް އަދާކުރަމުން އަންނަ ހޮސްޕިޓަލްއެކެވެ.

އެ ހޮސްޕިޓަލުގެ މައިގަނޑު އަމާޒަކީ އައު އުސޫލުތަކާއި ހިދުމަތްތައް ތައާރަފުކޮށް، ދިވެހި ރައްޔިތުން ބޭރު ގައުމުތަކަށް ސިއްހީ ފަރުވާ ހޯދަން ދާންޖެހޭ ސަބަބު މަދުކުރުމާއި، ސިއްހީ ހިދުމަތުގެ ހަރަދުތައް ކުޑަކުރުމެވެ.

އެންމެ ޒަމާނީ ޓެކްނޮލޮޖީއާއި ފުރިހަމަ ލެބޯޓަރީ ހިދުމަތްތަކާއި އެކު، ޓްރީޓޮޕްގެ ތަޖުރިބާކާރު ސްޕެޝަލިސްޓުންނާއި ސިއްހީ ދާއިރާގައި އެކި ނަން މަޝްހޫރު ދާއިރާތަކުން ހާއްސްވެފައިވާ ޑޮކްޓަރުންގެ އަމާޒަކީ ރާއްޖޭގެ ރައްޔިތުންނަށް ގިނަ ސިއްހީ ހިދުމަތްތަކެއް ފޯރުކޮށްދިނުމެވެ.

ޓްރީޓޮޕާ ބެހޭ އިތުރު މައުލޫމާތު ހޯދުމަށް 3351630 ނަންބަރަށް ގުޅައިގެން ނުވަތަ [email protected] އަށް އީމެއިލް ކުރުމަށް އެ ހޮސްޕިޓަލުން އެދެ އެވެ.