ދިވެހި ކުދިބޮޑު އެންމެންގެ މެދުގައި މަގްބޫލު ކެރެކްޓާ "ރޮބޯމޭން" ހަރަކާތްތެރިވާ ހިޔާލީ ވާހަކައެއްގެ މައްޗަށް ބިނާކޮށް ތައްޔާރު ކޮށްފައިވާ "ރޮބޯމޭން ދަ މޫވީ" މީޑިއާނެޓުގެ ވީޑިއޯ ކްލަބު މެދުވެރިކޮށް ބެލޭނެ ފުރުސަތު ފަހިވެއްޖެ އެވެ.

މިދިޔަ ސެޕްޓެމްބަރު 26، ގައި އޮލިމްޕަސް ސްކްރީނުގައި އެޅުވި އެ ފިލްމަށް ބޮޑު ތަރުހީބެއް ލިބުނުއިރު، އެ ފިލްމު އޮލިމްޕަހުގެ އިތުރުން ބައެއް ރަށްތަކުގައި ވެސް އެޅުވި އެވެ.

ރޮބޯމޭން ދަ މޫވީގައި ހަރަކާތްތެރިވާ ދެ ކުޑަކުދިން ކަމުގައިވާ އަމީލިއާ އަދި މިޝާގެ އެކްޓިންއަށް ގިނަ ބައެއްގެ ތައުރީފު ވަނީ ލިބިފަ އެވެ. އެ ދެ ތަރިންނާއި ރޮބޯމޭންގެ އިތުރުން ދިވެހި ފިލްމު އިންޑަސްޓްރީގައި ނަން މަޝްހޫރު ބައެއް ތަރިންކަމުގައިވާ އައްޒަ އަދި ރަވީ ވެސް ފިލްމުން ފެނިގެންދެ އެވެ.

އެ ފިލްމަކީ އެމް އޮރިޖިނަލްސް ބެނާގެ ދަށުން ތައްޔާރުކޮށްފައިވާ އޯކޭޒް އިންކް އަދި މީޑިއާނެޓުގެ ވީޑިއޯކްލަބްގެ އުފެއްދުމެކެވެ.

މީޑިއާނެޓު އެމްޓީވީ، އެމްއެސް ޓީވީ އަދި އެމްއެސް ލައިޓް ހިދުމަތް މިހާރު ވެސް ގެންގުޅޭ ފަރާތްތަކަށް ވީޑިއޯކްލަބް ކޮންޓެންޓް ބަލާލުމަށް ހަމައެކަނި ޖެހޭނީ ވީޑިއޯކްލަބް ޕެކޭޖު ސަބްސްކްރިޕްޝަނެއް ނަގާލަންށެވެ.

މީޑިއާނެޓު ހިދުމަތް ބޭނުން ނުކުރާ ފަރާތްތަކުން ފުރަތަމަ ޖެހޭނީ ހިދުމަތައް ރަޖިސްޓާ ކޮށްލަންށެވެ. އެއަށްފަހު ޕެކޭޖު/ސަބްސްކްރިޕްޝަނެއް ނަގާލުމުން ވީޑިއޯކްލަބްގެ ކޮންޓެންޓް ބަލާލެވޭނެ އެވެ. ރަޖިސްޓާ ކުރުމަށް ތިރީގައިވާ ލިންކު ބޭނުންކުރެވޭނެއެވެ.