މަޝްހޫރު ލަވަކިޔުމުގެ ރިއަލިޓީ ޝޯއެއް ކަމަށްވާ "އިންޑިއަން އައިޑަލް" ގެ 15 ވަނަ ސީޒަންގެ ޝޯތައް މީޑިއާނެޓުން ބެލޭނެ ކަމަށް އެ ކުންފުނިން ބުނެފި އެވެ.

ކޮންމެ ހޮނިހިރު އަދި އާދީއްތަ ދުވަހުގެ ރޭ 8:30 އިން ފެށިގެން މީޑިއާނެޓްގެ ސޮނީ އެންޓަޓައިންމެންޓް ޗެނަލްއިން އެ ޝޯ ދެއްކުމަށް ވަނީ ހަމަޖެހިފަ އެވެ.

މި ފަހަރު ވެސް އިންޑިއަން އައިޑަލްގެ އޮޑިޝަން ބުރާއި ތިއޭޓަރު ބުރުން ފާސްވެގެން ޝޯގެ ގާލާ ރައުންޑަށް ކޮލިފައިވާނީ 12 ލަވަކިޔުންތެރިންނެވެ.

ޝޯގެ އެ ސީޒަން ވެސް ހުށައަޅައިދޭނީ އަދިތުޔާ ނާރަޔަން އެވެ. މިފަހަރުގެ ޖަޖުންގެ ޕެނަލްގައި ހިމެނެނީ ބާދްޝާހްގެ އިތުރުން ޝްރެޔާ ގޯޝާލް އާއި ވިޝާލް ޑަދްލާނީ އެވެ.

އިންޑިއަން އައިޑަލްއަކީ ބޮލީވުޑްގައި މިހާރު ވިދަމުން އަންނަ ގިނަ ލަވަކިޔުންތެރިންތަކެއް އުފެއްދި ޝޯއެކެވެ. އޭގެ ތެރޭގައި އަބީޖީތު ސާވަންތު، ރިޝީ ސިންހް އަދި ސަލްމާން އަލީ ފަދަ ތަރިން ހިމެނެ އެވެ.