ޔޫރޯ އަދި ކޮޕަ އެމެރިކާ ފައިނަލް މެޗު މީޑިއާނެޓްގެ ޗެނަލްތަކުން ފެންނާނެ ކަމަށް މީޑިއާނެޓުން ބުނެފި އެވެ.

ޔޫރޯ ފައިނަލް މެޗު ފަށާނީ ރާއްޖޭ ގަޑިން މިރޭ މެންދަމު 12:00 ގަ އެވެ. ސްޕެއިން އާ އިންގްލެންޑް ބައްދަލުކުރާ އެ މެޗު ދައްކާނީ ސޮނީ ޓެން އެޗްޑީ 2 (CH892) އިންނެވެ.

މިރޭ ފަތިހު 05:00 ޖަހާއިރު އާޖެންޓީނާ އާ ކޮލަމްބިއާ ބައްދަލުކުރާ ކޮޕަ އެމެރިކާގެ ފައިނަލް މެޗު ދައްކާނީ އައިސް ސްޕޯޓްސް (CH102) އިންނެވެ.

ކޮޕަ އެމެރިކާ ފައިނަލް މެޗުގައި މަޝްހޫރު ލަވަކިޔުންތެރިޔާ ޝަކީރާގެ ޕާފޯމަންސެއް ފެނިގެންދާނެ އެވެ. އެ ޕާފޯމަންސް ވެސް އައިސް ސްޕޯޓްސްއިން ދައްކާނެ އެވެ.

ޔޫރޯ އަދި ކޮޕަ އެމެރިކާގެ ހުރިހާ މެޗެއް މީޑިއާނެޓްގެ ޗެނަލްތަކުން އައީ ދައްކަމުންނެވެ. އެގޮތުން މެޗުގެ ކުރިން އޮންނަ ޕްރީޝޯ ވެސް ފެނެ އެވެ.