ބޭންކް އޮފް މޯލްޑިވްސްގެ ޗެއާމަންގެ މަގާމުގައި ހުންނެވި ޔޫޝައު ސައީދު ހިމެނޭހެން އެ ބޭންކުގެ ޑިރެކްޓަރުން ބޯޑުގައި ހިމެނޭ ތިން ބޭފުޅަކު މަގާމުން ވަކިކޮށްފި އެވެ.
އެކި މަސްދަރުތަކުން "އަދަދު" ނޫހަށް ކަށަވަރުކޮށްދިން ގޮތުގައި ދެން ވަކިކުރީ ބޯޑުގައި ހިމެނޭ އަބްދުالله ހަސަން އާއި އަބްދުالله ހުސާމް ޝަރީފް އެވެ.
މިކަމާ ގުޅޭގޮތުން ބޭންކްގެ ބަހެއް ހޯދުމަށް ކުރި މަސައްކަތް މިހާތަނަށް ކާމިޔާބުވެފައި ނުވެ އެވެ. އަދި, ސަރުކާރުގެ ބަހެއް ވެސް ލިބިފައި ނުވެ އެވެ.
ރާއްޖޭގެ އެންމެ ބޮޑު އެއް މާލީ އިދާރާ ކަމަށްވާ ބޭންކްގެ ތިން ޑިރެކްޓަރަކު މަގާމުން ވަކިކޮށްފައި މިވަނީ ބޭރުގައި ކިޔަވާ ކުދިންނަށް ކޮންމެ މަހެއްގެ މައްޗަށް ނެގޭ ޑޮލަރުގެ އަދަދު ފެބްރުއަރީން ފެށިގެން މަތި ކުރުމަށް ސަރުކާރުން ނިންމާފައިވާ ގޮތަށް ފެބްރުއަރީން ފެށިގެން 1200 ޑޮލަރަށް ލިމިޓު އުފުލިދާނެ ކަމާމެދު ސުވާލު އުފެދިފައިވާ ދަނޑިވަޅެއްގަ އެވެ.
ބޭންކަށް ޑޮލަރު ތާށިވެގެން މި މަހުގެ ކުރީކޮޅުން ފެށިގެން ވިޔަފާރިވެރިން ބޭރު ގައުމުތަކަށް ކުރާ ޓީޓީތަކަށް ދެމުން އައި ޑޮލަރު ސަޕޯޓު ނުލިބެ އެވެ.
ބީއެމްއެލްގެ ޗެއާމަންގެ މަގާމަށް ޔޫޝައު ހަމަޖައްސާފައި ވަނީ ޖުލައި 16, 2021 ގަ އެވެ. އަބްދުالله ހަސަން އާއި ހުސާމް އަދި ޔޫޝައު ވެސް ބީއެމްއެލްގެ ބޯޑަށް އައްޔަނުކުރީ ނިމިދިޔަ ސަރުކާރުންނެވެ.
