ކެލިފޯނިއާ، ޔުނައިޓެޑް ސްޓޭޓްސް (ނޮވެމްބަރު 12) - މެންޗެސްޓާ ޔުނައިޓެޑްގެ ކޯޗުގެ މަގާމާ ހަވާލުވާން މައުރީސިއޯ ޕޮޗެޓީނޯ ނިންމައިފިނަމަ، އޭނާ މިހާރު އަދާކުރަމުން އަންނަ އެމެރިކާ ފުޓްބޯޅަ ޓީމުގެ ކޯޗުކަން ސްޕެއިނުގެ މަޝްހޫރު ކޯޗު ޕެޕް ގާޑިއޯލާ އަށް ހުށަހަޅާނެ ކަމަށް ރިޕޯޓްތައް ބުނެފި އެވެ.
މި ސީޒަނުގައި ޔުނައިޓެޑުން ވަރަށް ދަށްކޮށް ކަންކަން ދާއިރު، އެ ޓީމުގެ ކޯޗަކަށް ހުރި މައިކަލް ކެރިކްގެ މުސްތަގުބަލާ ގުޅޭގޮތުން ގޮތެއް ނިންމަން ޔުނައިޓެޑުން އަންނަނީ މަސައްކަތްކުރަމުންނެވެ. އަދި، ކެރިކް ވަކިކޮށްފިނަަމަ، އެ ވަޒީފާއާ ހަވާލުވާނީ ކުރިން އިނގިރޭސި ޕްރިމިއާ ލީގުގައި ސައުތެމްޓަން، ޓޮޓެންހަމް ހޮޓްސްޕާސް އަަދި ޗެލްސީ އަށް ކޯޗުކޮށްދިން ޕޮޗެޓީނޯ ކަމަށް ރިޕޯޓްތައް ބުނެ އެވެ. ޔުނައިޓެޑާ ހަވާލުވާން ޕޮޗެޓީނޯ އަނގަބަހުން އެއްބަސްވެފައިވާ ކަމަށް ވެސް ބައެއް މީޑިއާތަކުން ރިޕޯޓްކޮށްފައިވެ އެވެ.
ކެރިކް ވަކިކޮށްފިނަމަ މެންޗެސްޓާ ޔުނައިޓެޑްގެ ކޯޗުކަން ޕޮޗެޓީނޯ އަށް: ރިޕޯޓް
މެންޗެސްޓާ ޔުނައިޓެޑްގެ ނަތީޖާތައް ދަށްވުމުގެ ސަބަބުން ކޯޗު މައިކަލް ކެރިކް މަގާމުން ވަކިކޮށްފިނަމަ، އެ މަގާމަށް އެމެރިކާ ގައުމީ ޓީމުގެ ކޯޗު މައުރީސިއޯ ޕޮޗެޓީނޯ ގެނައުމަށް އެ ކްލަބުން އަންނަނީ ވިސްނަމުންނެވެ. ލީގުގެ ރެލިގޭޝަން ޒޯނަށް ވެއްޓިފައިވާ ޔުނައިޓެޑުން ކެރިކާ މެދު ގޮތެއް ނިންމުމަށް ބޯޑު ބައްދަލުވުންތައް ބާއްވަމުންދާއިރު، ޕޮޗެޓީނޯގެ އިތުރުން ނާގަލްސްމަން އާއި އެޑީ ހޯވް ފަދަ ކޯޗުންނަށްވެސް އެ ކްލަބުން ފާރަލަމުންދެއެވެ.
އެމެރިކާގެ ބައެއް ނޫސްތަކުން ރިޕޯޓްކުރާ ގޮތުގައި، އެމެރިކާ އިން ކޮންކަކަފް ނޭޝަންސް ލީގުގައި ހައިޓީއާ ދެކޮޅަށް ކުޅޭ މެޗަށް ފަހު ޕޮޗެޓީނޯ، އެމެރިކާގެ ކޯޗުކަމުން ވަކިވާނެ އެވެ.
އެމެރިކާ އިން އާ ކޯޗެއް ހޯދުމުގެ މަސައްކަތް ފަށާއިރު، ލިސްޓުގެ އެންމެ ކުރީގައި އޮތީ ބާސެލޯނާ، ބަޔާން މިއުނިކް އަދި މެންޗެސްޓާ ސިޓީގެ ކުރީގެ ކޯޗު ގާޑިއޯލާ އެވެ. ދިހަ އަހަރު ސިޓީ އަށް ކޯޗުކޮށްދިނުމަށް ފަހު، ގާޑިއޯލާ ވަނީ މިދިޔަ މެއި މަހު ސިޓީ ދޫކޮށްލައިފަ އެވެ.
ގައުމީ ޓީމަކަށް ކޯޗުކޮށްދިނުމުގެ ޝައުގުވެރިކަން ހުރި ކަމަށް މީގެ ކުރިން އެކި ފަަހަރު މަތިން ދިން އިންޓަވިއުތަކުގައި ގާޑިއޯލާ ވަނީ ފާހަގަކޮށްފަ އެވެ. އެކަމަކު، ދާދި ފަހުން، އިޓަލީ ގައުމީ ފުޓްބޯޅަ ޓީމުގެ ކޯޗަކަށް ގާޑިއޯލާ ހަމަޖައްސަން އޭނާ އަށް އިޓަލީގެ ފުޓްބޯޅަ ފެޑެރޭޝަން، އެފްއައިޖީސީ އިން ދިން ފުރުސަތުގެ ބޭނުން ނުހިފައި ދޫކޮށްލީ އެވެ. ރިޕޯޓްތައް ބުނާގޮތުގައި އެމެެރިކާގެ ކޯޗުކަމާ ހަވާލުވާން ގާޑިއޯލާ، އެއްބަސްވުމުގެ ފުރުސަތު ކުޑަ އެވެ.
