ޝިކާގޯ، ޔުނައިޓެޑް ސްޓޭޓްސް (ސެޕްޓެމްބަރު 30) - މެންޗެސްޓާ ސިޓީން ފައިނޭންޝިއަލް ފެއާޕްލޭ (އެފްއެފްޕީ)އާ ގުޅޭ ކަންކަމާ ހިލާފުވެ، ކޮރަޕްޝަން ހިމެނޭ ގޮތަށް މަކަރު ހަދާފައިވާ 115 މައްސަލައިގައި ކުށް ސާބިތުވެފައިވާއިރު، އެ ޓީމަށް ކޮންމެ އަދަބެއް ދިން ކަމުގައި ވިޔަސް އެހެން ކްލަބްތަކަށް ލިބުނު ގެއްލުމުގެ ފޫނުބެއްދޭނެ ކަމަށް ޓޮޓެންހަމް ހޮޓްސްޕާސް އާއި ޗެލްސީ އަށް ކުރިން ކޯޗުކޮށްދިން އާޖެންޓީނާގެ މައުރީސިއޯ ޕޮޗެޓީނޯ ބުނެފި އެވެ.
ސިޓީގެ މައްޗަށް ކުށް ސާބިތުވާކަން ޕްރިމިއާ ލީގުން ނިންމާފައިވާއިރު، އެޕީލް ކުރުމުގެ ފުރުސަތު ހުކުރު ދުވަހުގެ ނިޔަލަށް އޮތީ ހުޅުވިފަ އެވެ. ސިޓީން އަންނަނީ އެއްވެސް ކުށެއް ނުކުރާ ކަމަށް ބުނެ، އެ ކްލަބުން ދިފާއުގައި ދައްކަމުން އަންނަ ވާހަކަ ތަކުރާރުކޮށްފަ އެވެ.
މެންޗެސްޓާ ސިޓީގެ މައްޗަށް 115 މައްސަލައިގެ ކުށް ސާބިތުވާ ކަމަށް ޕްރިމިއާ ލީގުން ނިންމައިފި
މެންޗެސްޓާ ސިޓީން މާލީ ގަވާއިދުތަކާ ހިލާފުވެ، މަކަރު ހަދާފައިވާ 115 މައްސަލައެއް ސާބިތުވާ ކަމަށް ޕްރިމިއާ ލީގުން ނިންމައި، އެ މައްސަލަ އިސްތިއުނާފު ކުރުމުގެ ފުރުސަތު އެ ކްލަބަށް ވަނީ ދީފައި. މި މައްސަލަތަކުގެ ތެރޭގައި ސައްހަ މާލީ ލިޔުންތައް ހުށަނޭޅުމާއި މުސާރައިގެ ތަފްސީލު އޮޅުވާލުން ހިމެނޭއިރު، އަޅާނެ ފިޔަވަޅެއްގެ ގޮތުން ޕޮއިންޓް އުނިކޮށްފާނެ
ތަހުގީގަށް ފާހަގަކުރެވުނު 115 މައްސަލަތަކަށް ބަލާއިރު ހިމެނެނީ، 2009-2010 ސީޒަނުން ފެށިގެން 2017-2018 ވަނަ ސީޒަނުގެ ނިޔަލަށް ސައްހަ މާލީ ލިޔުންތައް ހުށަނޭޅުމުގެ 54 މައްސަަލަ އާއި 2009-2010 އިން 2017-2018 ވަނަ ސީޒަނުގެ ނިޔަލަށް ކުޅުންތެރިންނާއި ކޯޗުންނަށް ދިން މުސާރަތަކުގެ ސީދާ ތަފްސީލް ނުދޭ 14 މައްސަލަ އާއި 2013-2014 އިން 2017-2018 އަށް ފައިނޭންޝިއަލް ފެއާޕްލޭގެ ޔުއެފާގެ މިންގަނޑާ ހިލާފުވެފައިވާ ފަސް މައްސަލަ އަދި 2015-2016 އިން 2017-2018 ޕްރިމިއާ ލީގުގެ ޕީއެސްއާރް ގަވާއިދާ ހިލާފުވެފައިވާ ކަމުގެ 7 މައްސަލަ އެވެ. ދެން ހިމެނެނީ، މި ކަމާ ގުޅޭގޮތުން، އިނގިރޭސި ޕްރިމިއާ ލީގުގެ މާލީ ކަންކަމާ ބެހޭ ފަރާތްތަކުން ހިންގި ތަހުގީގަށް ޑިސެމްބަރު 2018 އިން ފެބްރުއަރީ 2023 އާ ހަމައަށް އެއްބާރުލުން ނުދީ މާލީ ކަންކަން ހާމަނުކުރި 35 މައްސަލަ އެވެ.
ސިޓީ އަށް އަޅާނެ ފިޔަވަޅުތަކެއްގެ ގޮތުގައި މީޑިއާގައި ދެކެވޭ ވާހަކަ އަށް ބަލާއިރު، އެ ޓީމުގެ ޕޮއިންޓު އުނިކުރުމާއި ލީގުން ބޭރުކުރުމާއި ހޯދާފައިވާ ތަށިތައް އަތުލުން ފަދަ ފިޔަވަަޅުތައް ވެސް ހިމެނެ އެެވެ.
ޕްރިމިއާ ލީގުގައި ގިނަ އަހަރުތަކެއް މަސައްކަތްކޮށް، މި ވަގުތު އެމެރިކާގެ ގައުމީ ޓީމާ ހަވާލުވެހުރި، ޕޮޗެޓީނޯ ބުނީ، ހަގީގަތަކީ، ސިޓީ އަށް އަޅާ ފިޔަވަޅަކީ ކޮން ވިސްނުމެއްގައި ކުރާ ކަމެއްކަން ދެނެގަތުން ކަމަށެވެ. އެ ގޮތުން، މީގެ ކުރިން މާލީ މައްސަލަތަކުގެ ސަބަބުން އެވަޓަން އާއި ނޮޓިންހަމް ފޮރެސްޓަށް އެޅި ފިޔަވަޅުތަކަށް ބަަލައި، ސިޓީ އަށް ދޭ އަދަބު މިނެކިރުމަކީ ކުރުން ރަނގަޅު ކަމެއްތޯ ޕޮޗެޓީނޯ ވަނީ ސުވާލު އުފައްދައިފަ އެވެ.
"ވަރަށް ފުޅާކޮށް ދެއްކޭނެ ވާހަކަ މިއީ. ސުވާލަކަށް ވާން ޖެހޭނީ އިންސާފުގެ ވާހަކައެއް ނޫން. އެއީ، ކޮންމެ ގޮތެއްވިޔަސް ސިޓީ އަށް ކޮންމެ އަދަބެއް ދިން ކަމުގައި ވިޔަސް، އެ ގެއްލުނު ހުރިހާ ކަމަކަށް އިންސާފެއް ނުލިބޭނެ. ގެއްލުމުގެ ފޫބެއްދުން ވެސް އެއީ ކުރެވޭނެ ކަމެއް ނޫން. އެކަމަކު، ދޭ އަދަބަކީ މިސާލަކަށް ވާންޖެހޭ،" ޕްރިމިއާ ލީގުގަައި ސައުތެމްޓަން އަށް ވެސް ކޯޗުކޮށްދިން ޕޮޗެޓީނޯ ބުންޏެވެ.
"އެހެން ކްލަބަކުން މި ފަދަ ކަމެއް ކުރަން ޖެހިލުންވާފަދަ ފިޔަވަޅުތަކެއް އަޅަން ޖެހޭ،"
ސިޓީން އޮޅުވާލި ކަމުގެ މައްސަަލަތައް އެއް ބިލިއަން ޑޮލަރަށް ވުރެން އިތުރެވެ. އެވަޓަން އިން 40 މިލިއަން ޑޮލަރުގެ ގެއްލުމުގެ ކަންކަން ގަވާއިދާ ހިލާފަށް ރިޕޯޓްކުރުމާއި މާލީ ގަވާއިދާ ގުޅޭ އެކި މައްސަލަތަކާ ހެދި އެއް ފަހަރު 10 ޕޮއިންޓް އުނިކުރިއިރު، އެޕީލަށް ފަހު އެ ފަހަރު ހަ ޕޮއިންޓަށް ކުޑަކުރަން ނިންމި އެވެ. އަދި, ދެ ވަނަ ފަހަރު ދެ ޕޮއިންޓް އުނިކުރަން ނިންމި އެވެ. ފޮރެސްޓުގެ 40 މިލިއަން ޑޮލަރުގެ ގެއްލުމުގެ މައްސަލައެއްގައި އެ ޓީމު އަތުން ހަތަރު ޕޮއިންޓް އުނިކޮށް، ޖޫރިމަނާކުރި އެވެ. އެވަޓަން އާއި ފޮރެސްޓްގެ އަދަބު ކުޑަވީ ކުށަށް އިއުތިރާފުވުމުންނެވެ.
ސިޓީން އަންނަނީ އެ ކްލަބުން ގޯހެއް ނަހަދާކަން ސާބިތުކޮށްދިނުމަށްޓަކައި، ގާނޫނީ ގޮތުންކުރަން ޖެހޭ ކަންކަމަށް ތައްޔާރުވަމުންނެވެ.
