ރާއްޖެ ވެސް ވާދަކުރާ ގޮތަށް ސައުދީގައި އޮތް އައިމެގް އަންނަ އަހަަރަށް ފަސްކޮށްފި

Oct 28, 2026, 3:16 PM
ސައުދީ އަރަބިއްޔާގެ ކުޅިވަރު މުބާރާތެއްގެ ތެރެއިން އެ ގައުމުގެ އެތުލީޓެއް.

ސައުދީ އަރަބިއްޔާގެ ކުޅިވަރު މުބާރާތެއްގެ ތެރެއިން އެ ގައުމުގެ އެތުލީޓެއް.

ސައުދީ އަރަބިއްޔާގައި އަންނަ ޑިސެމްބަަރު މަހު ބާއްވަން ނިންމާފައި އޮތް އޭޝިއަން އިންޑޯ މާޝަލް އާޓްސް ގޭމްސް (އައިމެގް) އަންނަ އަހަރަށް ފަސްކުރަން ނިންމައިފި އެވެ. 

އޮލިމްޕިކް ކައުންސިލް އޮފް އޭޝިއާ (އޯސީއޭ) އިން އިއުލާނުކޮށްފައިވާ ގޮތުގައި، ހަ ވަނަ އޭޝިއަން އިންޑޯ މާޝަލް އާޓްސް ގޭމްސް (އައިމެގް) މި އަހަރުގެ ޑިސެމްބަރުން އަންނަ އަހަރުގެ މާޗް 28 އިން އޭޕްރީލް 8 އަށް ފަސްކުރާ ގޮތަށް ހަމަޖެހިފައިވާ ކަމަށެވެ. މި ގޭމްސްގައި ރާއްޖޭން ވާދަކުރާ ގޮތަށް ހަމަޖެހިފައި އޮތީ ޕޫލް ބިލިއާޑް އާއި ޗެސް އެވެ. 

މީގެ ކުރިން، އައިމެގް ބާއްވަން ތާވަލުކޮށްފައި އޮތީ، ޑިސެމްބަރު، 13-21 އަށް ސައުދީގެ ވެރި ރަށް ރިޔާދުގަ އެވެ. 

އޯސީއޭ އިން ބުނެފައިވަނީ، އައިމެގް ލަސްކުރަން ނިންމާފައިވަނީ، ލޯކަލް އޮގަނައިޒިން ކޮމިޓީ އާއި ސައުދީގެ އޮލިމްޕިކް ކޮމިޓީ އަދި އެހެނިހެން މި ކަމުގައި ޝާމިލުވާ ސްޓޭކްހޯލްޑަރުންނާ މަޝްވަރާ ކުރުމަށް ފަހު އެވެ. އޮގަނައިޒަރުން މައުލޫމާތު ދޭ ގޮތުގައި މި ގޭމްސް ފަސްކުރަން ޖެހުނު އެންމެ ބޮޑު ސަބަބަކީ މި ވަގުތު ކުރިމަތިވެފައި އޮތް ލޮޖިސްޓިކްސް އާއި އޮޕަރޭޝަނަލް ކަންކަން އުސޫލެއްގެ ތެރެއިން ހަމަޖެއްސުމާއި ގޭމްސްގެ ކޯޑިނޭޝަންގެ ކަންކަން އިތުރަށް ފުރިހަަމަކޮށް ބައިވެރިވާ ހުރިހާ ގައުމަކަށް ފުރިހަމަ އިންތިޒާމްތަކެއް ހަމަޖައްސައިދިނުމުގެ ގޮތުން ކަމަށެވެ. 

ރިޕޯޓްތައް ބުނާގޮތުން، މިއީ، ހޫތީން، ސައުދީ އަށް ދެމުން އަންނަ ހަަމަލާތަކުގެ ސަބަބުން ސަލާމަތީ ފިޔަވަޅެއްގެ ގޮތުގައި ވިސްނުމަށް ފަހު ނިންމި ނިންމުމެކެވެ. ސައުދީގައި ނޮވެމްބަރާއި ޑިސެމްބަރު އަދި ޖެނުއަރީގައި ބާއްވާ ބައިނަލްއަގުވާމީ އެކި އިވެންޓްތައް އަންނަނީ ފަސްކުރަމުންނެވެ. 

އައިމެގް އަކީ ސައުދީގައި މި ގޮތަށް އޮލިމްޕިކް ކައުންސިލް އޮފް އޭޝިއާ (އޯސީއޭ) އިން ބާއްވާ މި ފަދަ ފުރަތަމަ މަލްޓިސްޕޯޓްސް އިވެންޓެވެ. އެ ގޮތުން، އައިމެގުގައި 45 ގައުމެއްގެ އޮލިމްޕިކް ކޮމިޓީތަކުން ޖުމްލަ އެކު، 4500 އެއްހާ އެތުލީޓުން މި ފަހަރުގެ ގޭމްސްގައި ފެނިގެންދާނެ ކަމަށް ސައުދީ އޮފިޝަލުން ބުނެފައިވެ އެވެ. 

އެންމެ ފަހުން، އައިމެގް އޮތީ 2017 ވަނަ އަހަރު ތުރުކުމެނިސްތާންގެ އަޝްގަބަތުގަ އެވެ. 

ސައުދީން އެކި ކުޅިވަރު ހަރަކާތްތައް އެ ގައުމުގައި ބާއްވަމުން އަންނަ ނިސްބަތް އިތުރުވަމުން އަންނަ އެއް ސަބަބަކީ، އެ ގައުމުގެ "ވިޝަން 2030" ތަސައްވުރުގެ ތަރައްގީގެ ލަނޑުދަނޑިތަކަށް ވާސިލްވުމަށްޓަކަ އެވެ.

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox