މެންޗެސްޓާ ޔުނައިޓެޑްގެ ބޯޑުން އޮތީ ކެރިކަށް އިތުރު ފުރުސަތެއް ނުދޭ ގޮތަށް: ރިޕޯޓް

Oct 27, 2026, 10:58 AM
ކޯޗު މައިކަލް ކެރިކް: ޔުނައިޓެޑްގެ ކޯޗުގެ މަގާމުގައި އޭނާ އަށް ކުރިއަށްދެވުމުގެ ފުރުސަތު ކުޑަ.

ކޯޗު މައިކަލް ކެރިކް: ޔުނައިޓެޑްގެ ކޯޗުގެ މަގާމުގައި އޭނާ އަށް ކުރިއަށްދެވުމުގެ ފުރުސަތު ކުޑަ.

މެންޗެސްޓާ (އޮކްޓޫބަރު 27) - މެންޗެސްޓާ ޔުނައިޓެޑްގެ ބޯޑުން އިއްޔެ ބޭއްވި ބައްދަލުވުމުގައި އެ ކްލަބްގެ ކޯޗުކަމުން މައިކަލް ކެރިކް ދުރުކުރަން ނިންމާފައިވާ ކަމަށް އިނގިރޭސި މީޑިއާ ރިޕޯޓްތައް ބުނެފި އެވެ. 

އެކަމަކު، ކެރިކް ވަކިކުރަން ހުރިހާ ކަމެއް ފައިނަލް ކުރާނީ ޔުނައިޓެޑްގެ ގާނޫނީ ޓީމާ ޓެކްނިކަލް ޑިޕާޓްމަންޓާ ވެސް އިތުރު މަޝްވަރާތަކެއް ކުރުމަށް ފަހު ކަމަށް ރިޕޯޓްތައް ބުނެ އެވެ. 

ޔުނައިޓެޑުން އެންމެ ފަހުން ކުޅުނު އަށް މެޗުން ވެސް މޮޅުވެފައިނުވާއިރު، މި ސީޒަނުގައި މިހާތަނަށް ކުޅުނު 12 މެޗުން މޮޅުވީ ދެ މެޗުންނެވެ. އެއީ، އިނގިރޭސި ޕްރިމިއާ ލީގުގައި އަމިއްލަ ދަނޑުގައި ކުޅުނު މެޗަކުން އިޕްސްވިޗް ޓައުން އަތުންނާއި ޗެމްޕިއަންސް ލީގުގައި އަމިއްލަ ދަނޑުގައި ކުޅުނު މެޗަކުން އަޒަރުބައިޖާންގެ ސަބާހް އަތުންނެވެ. 

ޕްރިމިއާ ލީގުަގައި އެންމެ ފަހުން ކުޅުނު މެޗުން އަމިއްލަ ދަނޑުގައި ޔުނައިޓެޑް ވަނީ ބޯންމައުތު އަތުން 3-0 އިން ބަލިވެފަ އެވެ. ލީގުގައި އެންމެ ފަހުން ހަތަރު ސީޒަނުގެ ތެރެއިން ތިން ފަހަރު ޔުނައިޓެޑް ވަނީ އަމިއްލަ ދަނޑުގައި ބޯންމައުތު އަތުން ބަލިވެފަ އެވެ. ކެރިކްގެ ނިންމުންތަކަށް ފާޑުކިޔައި، ކްލަބްގެ ބައެއް ކަންކަމާ ބެހޭގޮތުން ވާހަކަ ދައްކައި، ދިން އިންޓަވިއުތަކެއްގެ މައްސަލައިގައި ބޯންމައުތު މެޗުގަައި ޔުނައިޓެޑްގެ ކެޕްޓަން ބްރޫނޯ ފެނާންޑޭސް އިނީ ބެންޗުގަ އެވެ. 

އެ މެޗަށް ފަހު، ޔުނައިޓެޑްގެ ކޯޗު ކެރިކް ވަނީ އެއީ ކްލަބްގެ ނިންމުމެއް ކަމަށް ބުނެފަ އެވެ. 

މިދިޔަ ސީޒަނުގައި، ޕޯޗުގީސް ކޯޗު، ރުބެން އަމޮރިމް ވަކިކޮށް، ފުރަތަަމަ ވަގުތީ އެއްބަސްވުމެއްގައި ގެނައި، ކެރިކްގެ މަސައްކަތް ރަަނގަޅުވުމުން، ޔުނައިޓެޑުން އޭނާ އަށް ދެ އަހަރުގެ ކޮންޓްރެކްޓެއް ދިނެވެ. އެކަމަކު، މި ސީޒަނުގެ މިހާތަނަށް އެދެވޭ ނަތީޖާއެއް ކެރިކަށް ނެރެވިފައިނުވާއިރު، މި ވަގުތު އެ ޓީމު އޮތީ މިދިޔަ 40 އަހަރު ތެރޭ އެންމެ ދަށްކޮށް ސީޒަނެއް ފެށި ރެކޯޑްގަ އެެވެ. 

އަލެކްސް ފާގަސަން، 2013 ވަނަ އަހަރު ޔުނައިޓެޑުން ދިޔަ ފަހުން އެ ކްލަބަށް ގެނައި ކޯޗުން މަގާމުން ދުރުކުރުމަށްޓަކައި، ޔުނައިޓެޑަށް ބޮޑު ހޭދައެއް ވަނީ ކުރަން ޖެހިފަ އެވެ. އެ ގޮތުން، ކެރިކް، މަގާމުން ވަކިކޮށްފިނަަމަ، އޭނާގެ ކޮންޓްރެކްޓްގެ ބާކީ މުއްދަތަށް މާލީ ބަދަލެއްގެ ގޮތުގައި 13 މިލިއަން ޑޮލަރު ދޭން ޖެހޭނެ ކަމަށް ރިޕޯޓްތައް ބުނެ އެވެ. އަދި، ކެރިއަށް އެ ވަރު ދީފިނަމަ، ފާގަސަން އަށް ފަހު، ޔުނައިޓެޑާ ހަވާލުވި، ހަތް ކޯޗުން ވަކިކުރަން ޖުމްލަ އެކު ކުރި ހަރަދު 100 މިލިއަން ޑޮލަރަށް ވުރެން އިތުރުވާނެ އެވެ. އެންމެ ބޮޑު ހޭދައެއްކުރަން ޖެހުނީ ހޯސޭ މޮރީނިއޯ ވަކިކުރިއިރު އެވެ. މޮރީނިއޯ އަށް ބަދަލެއްގެ ގޮތުގައި 24 މިލިއަން ޑޮލަރު ދޭން ޖެހުނެވެ.  

ކެރިކް ވަކިކޮށްފިނަމަ، ދެން ޔުނައިޓެޑްގެ ކޯޗަކަށް ފެނުމުގެ ފުރުސަތު ބޮޑީ، ޖަރުމަނު ކޯޗުކަމުން ވޯލްޑް ކަަޕަށް ފަހު ވަކިކުރި ހޫލިއަން ނާގަލްސްމަން ނޫނީ ކުރިން ނިއުކާސަލް ޔުނައިޓެޑާއި ބޯންމައުތުގައި ހުރި އެޑީ ހޯވް އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox